Аԥсныҟа иаашьҭуп ҩ-нызқь доза аимҳәазы алаҵа

20
(ирҿыцуп 11:05 11.11.2020)
2020 шықәса рзы Аԥсны агәабзиарахьчараа министрра 17 нызқь доза аимҳәачымазаразалаҵа ҿанаҵеит.

АҞӘА, абҵара 10 - Sputnik. Аԥсныҟа иаашьҭуп ҩ-нызқь доза аимҳәазы алаҵақәа "Ультрикси" "Совигриппи" ҳәа аанацҳауеит аминистрра апресс-маҵзура.

Иаанхо ахыԥхьаӡара абҵарамза нҵәаанӡа иаашьҭхоит.

"Аԥхьатәи апартиа, 500-700 доза амедперсонал ирызкуп. Иаанхо – ахәыҷқәа. Амедусҳәарҭақәа рҟынтәи азыҳәақәа ҳарзыԥшуп. Алаҵаҟаҵара ҳалагоит абри амчыбжь азы", - лҳәеит аминистрра ахәышәтәра-профилактикатә цхыраара аусбарҭа аҟазауаҩ Есма Гәниаԥҳа.

Лара ишылҳәаз ала ашколқәра иаҵанакуа ахәыҷқәа алаҵа рзыҟаҵашьа Аҵара аминистрра алархәны иӡбахоит.

"Аԥкыратә уснагӡатәқәа ҳрықәныҟәаны ашколқәа рҿы ахәыҷқәа реизгара ҳалагом. Иҟалоит класс-классла инаҳаԥхьар. Еиҳа еиҵбацәоу ахәыҷқәа аполиклиникаҿы алаҵа рзыҟарҵар рылшоит", - лҳәеит лара.

Аҟәатәи ахәыҷтәы поликлиника аҳақьым хада Ада Абыхәԥҳа Sputnik иазеиҭалҳәеит аамҭалатәи аимҳәазы алаҵа аполиклиникаҿы ишыҟарҵо, иара убасгьы ашколқәа рмедицинатә кабинетқәа рҿы.

"Ашкол аҿтәи амедеҳәшьа адиректор илаадырра ҟалҵоит алаҵаҟаҵара аамҭазы. Аҭаацәа рхәыҷқәа амедицинатә кабинет ахь инаргалоит алаҵаҟаҵаразы" ҳәа лҳәеит Абыхәԥҳа.

Лара ишылҳәаз ала ахәыҷтәы поликлиникак фымз инаркны изхыҵуа ахәыҷқәа алаҵа рзыҟарҵоит. Алаҵаҟаҵара 14 мшы шахылалак ацәеижьҿагылақәа аҿиара иалагоит.

Алаҵаҟаҵараан ахәыҷы игәы бзиазароуп, ишоура халаны иҟамзароуп.

2020 шықәсазы асезонтә еимҳәа алаҵа жьҭаарамзазы иҟарҵараны иҟан, аха урыстәылатәи алаҵа ҭзыжьуа азауадқәа ианаамҭаз иахьахьымӡаз азы аграфик еиҭагахеит.

Алаҵа аашьҭра аамҭа хьшәахеит избанзар Урыстәыла ақәҵара ҭыҵит 60 процент ауааԥсыра алаҵа рзыҟаҵазарц азы. Азауадқәа аминистрра адырра арҭеит убри азы алаҵа аашьҭра аграфик шеиҭаҵуазы.

Алаҵа изҭаху зегьы хатәгәаԥхарала аполиклиникаҿ инеины хәыда-ԥсада иҟарҵар ҟалоит.

20

Абзиараз, ҭагалан: быӷькаԥсан Аԥсны

6
(ирҿыцуп 23:10 30.11.2020)
Ҭагалан аҵыхәтәантәи амш азы Sputnik еиднакылеит ԥштәы рацәала еиларсу ҳаԥсабара аазырԥшуа афотосахьақәа.

Ҭагалан аӡәырҩы бзиа ирбо аамҭоуп. Аԥсны ҭагалан аԥсабара убла хнакуеит. Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит. Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит. Аҳауаԥхарра +23°С, +25°С иҟоуп.

 

 

6
  • © Sputnik / Томас Тхайцук

    Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит.

  • © Sputnik / Томас Тхайцук

    Анҵамҭақәа рышьҭахь лхәыҷра ахьылхылгаз абаҳчаҟны днаиааиуеит Sputnik акорреспондент Илана Амқәабԥҳа.

  • © Sputnik / Томас Тхайцук

    Акәыкәбаа ҟәшәара иаамҭоуп ҭагалан.

  • © Sputnik / Томас Тхайцук

    Аԥсабара аԥшәқәа убла хнакуеит.

  • © Sputnik / Томас Тхайцук

    Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит.

  • © Sputnik / Томас Тхайцук

    Ага, ашьха бӷьы иаҵәароуп,
    Бӷьы иаҵәароуп иахьабалак.
    Аҳауа зҩыда гәыҟаҵагоуп,
    Амра сыцуп сахьцалак. Сергеи Агындиа.

  • © Sputnik / Томас Тхайцук

    быӷькаԥсан Аԥсны

  • © Sputnik / Леон Адлейба

    Ԥштәы рацәала иҩычоуп ҳаԥсабара.

  • © Sputnik / Томас Тхайцук

    Абыӷьқәа "ирылху" ауарҳалқәа ана-ара абаҳчақәа рҟны иуԥылоит.

  • © Sputnik / Томас Тхайцук

    Макьана аԥхынреиԥш ишыԥхарроугьы, амшынҭалара аамҭа макьана ишхыркәшамгьы.

  • © Sputnik / Акоп Кущян

    Аҳауаԥхарра +23°С, +25°С иҟоуп.

  • © Sputnik / Томас Тхайцук

    Жьҭаарамзазы ахьагьы ҟалоит.

  • © Sputnik / Акоп Кущян

    Ашьхарахь асы леихьеит.

Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

7
Аҟәа ахадара ариаҵәаратә усбарҭа агроном хада Гоча Џьынџьал арадио Sputnik аефир аҟны еиҭеиҳәеит арҭ амшқәа рзы имҩаԥырго аусурақәа ртәы.
Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

"Аԥхьа инаргыланы ҳаибашьцәа анышә иахьамадоу апарк аҟны еиҭаҳҳаит 65 шьапы аԥсаҵлақәа, акамфортә ҵлақәа -13. Аҵлақәа ӡынгьы-ԥхынгьы аиаҵәара амоуп, ашәшьыра ҟанаҵоит. Ҳгәаанагарала ҳажәларгьы ргәы иаҳа иаахәар ҟалоит. Ирацәахеит уаҟа ихыԥсааз аҵлақәа. Убасгьы, администрациа аҿаԥхьа иҟоу апарк аҟны еиҭаҳахоит аҵлақәа, уаҵәы-уаҵәашьҭахь афилармониа ааигәа еиҭаҳҳараны ҳаҟоуп, аҵлақәеи аҵиаақәеи рзы аҭыԥқәа ҳархиахьеит Баграт Шьынқәба ихьӡ зху апарк аҟны, насгьы амшын аԥшаҳәа иахьагу аҵлақәа еиҭаҳҳарц ауп. Сынтәа, 165 ҵла иреиҳаны еиҭаҳҳауеит, уаҳа изалҵуам, аха аԥхьаҟа ҳгәыӷуеит даҽа 500 шьапы реиҭаҳара ҳалшап ҳәа. Амагнолиақәеи, аԥсақәеи, акамфортә ҵлақәеи, османтусқәеи роуп, аҵлақәа очамчырантәи иааҳгеит, агәыӷра ҳамоуп урҭ аднакылап ҳәа", - иҳәеит Џьынџьал.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

7