Аԥсуа драматә театр адиректор ихатәгәаԥхарала инапынҵақәа аанижьит

12
(ирҿыцуп 13:36 11.11.2020)
Аԥсны акультура аминистр иажәақәа рыла Аԥсуа драматә театр анапхгаҩ ҿыц хара имгакәа иӡбахә ҳәахоит.

АҞӘА, абҵара 11 - Sputnik. Ҷанба ихьӡ зху Аԥсуа драматә театр адиректор хада, Аԥсны жәлар рартист Нодар Ҷанба ихатәгәаԥхарала инапынҵақәа аанижьит ҳәа аанацҳауеит Акультура аминистрра асаит.

Аминистр Гудиса Агрба Нодар Ҷанба иҭабуп ҳәа иеиҳәеит имҩаԥигаз аусуразы.

"Шәара дирижиор дууп, аԥсуа культурахь, ҷыдала амилаҭтә музыка, аҳәаанхыҵ ҳкультура ахьӡ-аԥша аларҵәара шәлагала ахәшьара уадаҩуп. Ҳақәгәыӷуеит шәырҿиаратә лшара ԥхьаҟагьы ахархәара аиуп ҳәа", - иҳәеит Агрба.

Ҷанба иакәзаргьы аусбарҭа аколлектив, анапхгара ҭабуп ҳәа реиҳәеит иаадырԥшуаз агәрагаразы, ирҭоз адгыларазы.

Аԥсны жәлар рартист Нодар Ҷанба Аԥсуа ҳәынҭқарратә театр адиректор хадас дҟаҵан 2018 шықәса ԥхынгәымзазы.

Аԥсуа музыкант, адирижиор, акомпозитор, Аԥсны жәлар рартист Нодар Ҷанба диит хәажәкыра 10, 1955 шықәса рзы Гәдоуҭа. 1992 - 1993 шықәсқәа рзы Аԥсны акультура аминистр.

2001 шықәса рзы Урыстәыла атеатр Ду адирижиор, апрофессор Марк Ермлер иҟны астажировка дахысуан аопера-симфониатә дирижиорра аҟазарала.

1985 рзы аус иуан Аԥсны Аҳәынҭқарратә хортә капелла адирижиорс, 1986 шықәса рзы – асахьаркыратә напхгаҩыси дирижиор хадаси.

Еиуеиԥшым ахортә, асимфониатә, аинструменталтә, афортепианатә музыкатә рҿиамҭақәа дравторуп.

2007 шықәса рзы ианашьан Аԥсны жәлар рартист ҳәа ахьӡ ҳаракы.

12

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

7
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

7

COVID-19 Аԥсны: 62-ҩык аҿкы рыдырбалеит, ҩыџьа рыԥсҭазаара иалҵит

2
Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 62-ҩык акоронавирус рцәа ишалаз аадырԥшит.

АҞӘА, абҵара 23- Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит абҵара 22 рзы, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Иԥсҭазаара далҵит 64 шықәса ирҭагылаз ахаҵа. Иара ахәышәтәырҭа дҭашәеит абҵара 5 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит игәеисра аԥсыҽхара иахҟьаны.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны лыԥсҭазаара далҵит 1940 шықәсазы ииз апациент. Иақәнагаз атерапиа шылзмҩаԥыргозгьы, лыдунеи лыԥсахит лгәеисра аԥсыҽхара иахҟьаны.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 72-ҩык ауааԥсыра, урҭ рахьтә 58-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 19-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит 30-ҩык апациентцәа, хҩык рҭагылазаашьа уадаҩуп.

Амобилтә госпиталь аҟны ишьҭоуп акоронавирус зыдбалоу 31-ҩык апациентцәа. 27-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5374-ҩык ыҟоуп. Урҭ рахьтә ргәы бзиахеит 3623-ҩык, рыԥсҭазаара иалҵит 70-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау