Аԥҳәыс аҭаҭын -аалыҵ маӡала аҳәаа ахыгара лҽазылшәон

12
"Акоридор иаҵәа" ҳәа изышьҭоу ала имҩанысуаз аԥҳәыс лсахьа аҳазалхыҩцәа гәрамгарҭас иҟарҵеит.

АҞӘА, абҵара 11 - Sputnik. Аԥҳәыс, 11 ҭоԥ аҭаҭын аалыҵ ҵаҟатәи лымаҭәаҿ иҵәахны маӡала аҳәаа ахыгара лҽазылшәон ҳәа аанацҳауеит Краснодартәи аҳазалхырҭа Шәача ақалақь аҿы амаҵзура.

Аҳазалхҩы-инспектор гәҩаран иибаз аԥҳәыс даанкылеит. Лара илшәыз амаҭәа леиҿкаашьа иақәымшәо илыцәдуун.

Мышқәак раԥхьа имаҭәаҵаҟа иҵәахны аҭаҭын -аалыҵ аҳәаа ихызгоз ахацәа ааныркылахьан. Руаӡәк идбалан 40 ҭоԥ асигарет, егьи – 20 ҭоԥ икьаҿ иаҵаҵәахын.

Дара ирҳәеит аҳәаа атауар ахыгара шыҟамлоз дыруа ишырҵәахыз.

Аҭаҭын -аалыҵ аекспертизахь инашьҭуп, имҩанызгоз рганахь ала административтә зинеилагараз аусҭҵаара хацыркуп.

Иара убас шәаԥхьар ҟалоит:

 

12

Абҵарамза 25 рзы Аҟәа ахәҭак ӡыда иаанхоит

3
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

3

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

2
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

2
Атемақәа:
Ачымазара ҿкы – акоронавирус Аԥсни адунеи аҿи: иалкаау