Апарламент адепутатцәа абиуџьеттә шьақәгылашьа аиҭакразы рыбжьы рҭиит

11
Абиуџьет ашьақәгылашьеи абиуџьеттә процесси реиҭакра иазԥхьагәарҭоит Аԥсны аҵакыраҿы акассатә плани абиуџьеттә хыдҵақәеи разгәаҭара.

АҞӘА, абҵара 12 - Sputnik, Сариа Кәарцхьиаԥҳа. Аԥсны Апарламент адепутатцәа рыбжьы рҭиит "Аԥсны Аҳәынҭқарра абиуџьеттә шьақәгылашьеи абиуџьеттә процесси рышьаҭақәа рзы" азакәан аԥсахрақәа ралагаларазы.

Азакәан апроект рыдигалеит афинансқәа рминистр Владимир Делба. Иара иажәақәа рыла, аԥсахрақәа алагалахоит атәыла абиуџьеттә система аиӷьтәразы.

"Аԥарақәа рхархәара ахырхарҭа хадақәа рышьақәырӷәӷәара адҳәалоуп аныхрақәа хра рыманы рыҟаҵара, аԥарақәа рхархәашьа ахылаԥшра арӷәӷәара. Уи адагьы апроект иазԥхьагәанаҭоит Аԥсны аҵакыраҿы акассатә плани абиуџьеттә хыдҵақәеи разгәаҭара", - иҳәеит Делба.

Иара иазгәеиҭеит ари аҿыцра ишалнаршо иааиуа ашықәсқәа рзы абиуџьет арбагақәа еиҳа инарҭбааны, инҭырҳәцааны реиҿкаара.

"Иахьазы Афинансқәа рминистрраҟны аусурақәа цоит, азакәан ҳадаҳкылар аус шауша ахәшьара аҳҭоит. Арахь иаҵанакуеит абиуџьеттә ԥарақәа рынагӡаҩцәеи урҭ зауеи. Иара убасгьы абиуџьет аныхрақәа еиҳа еилыкка иубартә ишьақәнаргылоит", - иҳәеит аминистр.

Владимир Делба иазгәеиҭеит аус зуа азакәанԥҵара абиуџьеттә хыдҵақәа аанарԥшуеит, аха абиуџьет аҳасаббара азгәанаҭом ҳәа.

Азакәан апроект иазԥхьагәанаҭоит аппарат аҭышәныртәаларагьы. Арахь иаҵаркхоит аӡбарҭатә усбарҭақәа реиԥш иҟоу асубиектқәагьы.

"Иахьатәи ҳзакәанԥҵара аӡбарҭатә усбарҭақәа амчратә усбарҭақәа реиԥш азинмчра рнаҭом. Аӡбарҭатә усбарҭақәа иара убасгьы абиуџьет иадминистраторцәоуп, Аминистрцәа реилазаара Аппарат абиуџьет иадминистраторуп. Ари апроцедура еиҳа иҭышәынтәаланы абиуџьеттә системахь алагалақәа ахылаԥшра рнаҭоит", - ҳәа еиҭеиҳәеит Делба.

Апроект иара убасгьы Аминистрцәа реилазаара арезервтә фонд ахархәара еиҳа еилнаргоит ҳәа иҳәеит Владимир Делба. Уажәтәи аредакциаҿы иара аус ауӡом.

"Аԥсабаратә рыцҳарақәа, аҭагылазаашьа ҷыдақәа раԥыхра иазырхоуп афонд. Иара харҭәаатәуп, избанзар арҭ аҭагылазаашьақәа еснагь аҭыԥ рымоуп. Ахәҭаҷ аҿы иануп ахархәара аԥҟара Аминистрцәа реилазаара ишьақәнаргылоит ҳәа. Еиҳа иконкреттәхоит, азинтә норма шьақәгылоит. Сгәы иаанагоит ари азакәан аиҳабыра арезервтә фонд аԥарақәа рхархәараан азинтә ҭагылазаашьа аҳәаақәҵаразы амчра рнаҭоит", - ҳәа иҳәеит Делба.

Абиуџьет азы апарламенттә еилакы ахантәаҩы Натали Смырԥҳа иазгәалҭеит арҭ иахәҭоу еиҭакрақәоуп ҳәа.

Адепутатцәа актәии аҩбатәии ахыркәшаратә ԥхьарақәа рыла рыбжьы рҭиит.

Иара убас шәаԥхьар ҟалоит:

11

Абҵарамза 25 рзы Аҟәа ахәҭак ӡыда иаанхоит

2
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

2

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

1
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

1
Атемақәа:
Ачымазара ҿкы – акоронавирус Аԥсни адунеи аҿи: иалкаау