Бжьаниа Путин Аԥсныҟа дааиԥхьеит

20
(ирҿыцуп 12:50 13.11.2020)
Аԥсни Урыстәылеи рхадацәа Аслан Бжьаниеи Владимир Путини Шәача аԥшьаша, абҵара 12 рзы реиԥылара мҩаԥысит.

АҞӘА, абҵара 12 - Sputnik. Аԥсни Урыстәылеи рхадацәа Аслан Бжаниеи Владимир Путини Шәача реиԥылара мҩаԥысуеит ҳәа аанацҳауеит Аԥсны ахада исаит.

"Сымҩашьозар, шәареи сареи аҵыхәтәаны ҳаибабон Аиааира Апарад аҽны, Москва. Уажәы иҳамоуп аҭагылазаашьа ҭынч, ҳмыццакыкәа ҳҳәынҭқаррабжьаратә еизыҟазаашьақәа ҳрылацәажәарц", - иҳәеит Путин Аԥсны ахада аԥсшәа иаҳәо.

Урыстәыла ахада иҳәеит пандемиа аамҭа хьанҭа иахьмырԥшкәа Урыстәыла Аԥсназы партниор хаданы иҟоуп ҳәа: Аԥсны аекономикатә еикәыршара 70 процент Урыстәыла иацымҩаԥнагоит.

"Ҳусеицураҿы аҵак ду змоу ахырхарҭақәа ыҟоуп. Атуризм атәы мацара адагьы арахь иаҵанакуеит ақыҭанхамҩа, ателекоммуникациақәа. Арҭ зегьы иахьатәи аицәажәара иамаҭәарзароуп", - иҳәеит Путин.

Иара иҳәеит дшақәгәыӷуа урыстәылатәи амедикцәа Аԥсны имҩаԥырго аусура цхыраара дуны иҟоуп ҳәа.

Аслан Бжьаниа Аԥсны иқәынхо ажәлар рыхьӡала ҭабуп ҳәа ахиҳәааит аурыс жәлар, ҷыдала Владимир Путин акыршықәса раахыс ареспублика иазыҟарҵо ацхыраареи адгылареи рзы.

"Ишдыру аиԥш, аҩыза дышҩыза иашоу ахьудыруа агәаҟраан ауп. Аҵыхәтәантәи аамҭазы, апандемиа аҭагылазаашьа уадаҩ аан даҽазныкгьы еилыкка иаабеит иҳашәҭо ацхыраара", - иҳәеит иара.

Бжьаниа иара убасгьы Урыстәыла атәылахьчара аминистрра анапхгара ҭабуп ҳәа реиҳәеит амобилтә госпиталь аусуразы, вахта ҳасабла Гәдоуҭатәи агоспиталь аҿы иҷаԥшьо амедусзуҩцәа русуразы.

Бжьаниа Путин агәра ииргеит напы зҵаҩу аусеицуразы аиқәшаҳаҭра дуи егьырҭ аусбарҭабжьаратә еиқәшаҳаҭрақәеи Аԥсны анапхгара хымԥада ишынарыгӡо азы, "избанзар, дара зегьы Аԥсны Аҳәынҭқарра аинтересқәа ирықәшәоит, Аԥсны аҳәынҭқарреи асуверенитети дырӷәӷәоит".

авидеонҵамҭа - Аԥсны аҩыза хада: Путини Бжьаниеи реиԥылара шымҩаԥысыз>>

Аслан Бжьаниа инаҵшьны иазгәеиҭеит Владимир Путин Аԥсны еснагь сас дахьк иаҳасабала ишизыԥшу, ареспубликахь ааԥхьарагьы ииҭеит.

Иара убас шәаԥхьар ҟалоит:

20

"Аԥсны агәалашәара ашәҟәы" иеизнагоит ахатәы Ԥсра зқәым архәҭа

3
(ирҿыцуп 18:33 06.05.2021)
Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Дуи 1992-1993 шықәсқәа рызтәи Аԥсны жәлар Рџьынџьтәылатә еибашьреи рлахәылацәа рыӡбахә аҳәара.

АҞӘА, лаҵара 6 – Sputnik. Ауаажәларратә еиҿкаара "Аԥсны аурыс уаԥшь" имҩаԥнагоит онлаин-акциа "Аԥсны Ԥсра зқәым архәҭа онлаин" Аиааира амш 76 шықәса ахыҵразы.

"Аԥсны Ԥсра зқәым архәҭа онлаин" алахәхара алшоит асоциалтә ҳа Facebook аҿы. Иахьазы агәыԥ иалахәуп 800-ҩык, аиҳарак Урыстәылеи Аԥсни руааԥсыра. Акциа мҩаԥгахоит апроект "Аԥсны агәалашәара ашәҟәы" аҳәаақәа ирҭагӡаны.

"Апроект шәҽалашәырхә. Еиқәшәырха ҳзеиԥш ԥсадгьыл зыхьчоз ауаа ргәалашәара. Апроект "Аԥсны агәалашәара ашәҟәы" асаит ахь иҭажәгалала иҭахаз, хабарда ибжьаӡыз рфотосахьақәа", - ҳәа ааԥхьара ҟанаҵоит ауаажәларратә еиҿкаара "Аԥсны аурыс уаԥшь".

Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Ду рлахәылацәа, 55,5 нызқьҩык Аԥсны аԥацәеи аԥҳацәеи: аԥсуаа, аурысқәа, аерманцәа, ақырҭцәа, абырзенцәа - рыӡбахә аҳәара, амырӡра.

Апроект "Аԥсны агәалашәара ашәҟәы" аԥҵан "Аԥсны аурыс уаԥшь", "Аԥсны иҟоу Амшынеиқәатәи аказақцәа рыр", "Аԥсны аказақцәеи аибашьра иалахәыз аказақцәа-аветеранцәеи Реидгыла", Аԥсни, Урыстәылеи, ДЖәРИ, ЛЖәРи рыбжьара аизыҟазаашьақәа рырҿиаразы Афонд "Отечество" раԥшьгарала, Аԥсны Атәылахьчара аминистрреи, В.Г. Арӡынба ихьӡ зху Ахьӡ-аԥша аҳәынҭқарратә музеи Аԥсны иҟоу Россотрудничество ахаҭарнакреи, Аԥсны иҟоу Урыстәыла Ацҳаражәҳәарҭеи рыдгыларала Аиааира ду 75 шықәса ахыҵра аламҭалаз.

Иара убас шәаԥхьар ҟалоит:

3

Аргәын аҽырхәмаррақәа рҿы ақыҭақәа реиндаҭларазы: ҟәланырхәаагьы унҳагәҭасуа ҳаҟам

2
(ирҿыцуп 18:28 06.05.2021)
Ҟәланырхәатәи аҽыбӷаҟазацәа ргәыԥ алахәыла, аспорт азҟаза Шамиль Аргәын арадио Sputnik аефир аҿы еиҭеиҳәеит лаҵарамза 8-9 рзы Дәрыԥшь ақыҭан имҩаԥысран иҟоу аҽырхәмаррақәа рыҽшырзыҟарҵо атәы.
Аргәын аҽырхәмаррақәа рҿы ақыҭақәа реиндаҭларазы: Ҟәланырхәаагьы унҳагәҭасуа ҳаҟам

"Ашьыжь асааҭ жәба рзы иалагоит ҳҽазыҟаҵарақәа. Ҳгәыԥ аҿы ҩ-комнадак ааидкыланы иурхәмарыртә иҟоуп. Ҿыц аҽырыҩрақәа ирылахәхоит ԥшь-ҩык, хә-ҩык. Акоманда алахәылацәа рҟнытә иҟоуп аҵара зҵо, аус зуа, аха аҽыбӷаҟазара рыԥсы ақәҵаны иаҭахны иаҿуп зегьы. Ҳаҽқәа зегьы рҭыԥ ахь иааит, уажәшьҭа ҳазыԥшуп аныҳәа, акомнадақәа зегьы аиааир рҭахуп, аха ҳаргьы унҳагәҭасуа ҳаҟам", - ҳәа еиҭеиҳәеит Аргәын.

Аҽыбӷаҟаза иҳәеит ақыҭаҿы аҿар ари аус ишазҿлымҳау.

"Есышықәса ҩыџьа-хҩык аҿар анымааиуа ыҟаӡам. Аҽқәа рааӡараҿы ақыҭа ҳацхраауеит, иҳамоуп аспонсорцәа, ҩыџьа аишьцәа Шьониаа ҳавагылоуп, уажәы аҽқәа ахьҭаҳкуа ахыб ҳзыҟарҵеит. Дҳавагылоуп Алхас Аргәынгьы", - ҳәа иҳәеит аҽыбӷаҟаза.

Ҟәланырхәатәи аҽыбӷаҟазацәа ргәыԥ алахәыла еиҭеиҳәеит аҽқәа ықәгылартә еиԥш аҽазыҟаҵарақәа ианрылаго атәы, уи апроцесс шымҩаԥысуа.

"Ҭагалан аҽқәа ҭаҳкуеит. Иара ҳақәтәарцаз акраҿауҵароуп, амч ауҭароуп, мызкы-ҩымз рышьҭахь, ашықәс ҿыц нахыс, ҳақәтәоит. Дара аҽқәа зегьы еиԥшым. Акы иаразнак иазыҟауҵоит, егьи хәыҷык уадхалар алшоит. Уқәгыланы ухәмарыртә еиԥш хәымз-фымз уаҿызароуп. Абасала ауадаҩрақәа ацуп, аха уи зегьы ҳара ҳамыхәаԥшкәа ҳус бзиа ибаны ҳаҿуп", - ҳәа еиҭеиҳәеит Аргәын.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

2