Аԥсни Урыстәылеи рхадацәа Шәача реиԥылара хыркәшоуп

24
(ирҿыцуп 12:49 13.11.2020)
Аԥшьаша абҵара 12 рзы имҩаԥысуаз ҩ-ганктәи аусеицура азҵаарақәа ирызкыз Аԥсни Урыстәылеи рхадацәа реиԥылара х-сааҭк инарзынаԥшуа ицон.

АҞӘА, абҵара 12 - Sputnik. Аслан Бжьаниеи Владимир Путини реиԥылара хыркәшоуп ҳәа аанацҳауеит Аԥсны ахада исаит.

Аԥсни Урыстәылеи рхадацәа реиԥылара х-сааҭк инарзынаԥшуа ицон.

"Урыстәыла ахада Владимир Путини сареи иахьатәи ҳаиԥылара ҳәарада ҳтәылазы, ҳастратегиатә партниори ҳареи ҳаизыҟазаашьақәа рзы хәарҭара алоуп. Ҳара инарҭбааны ҳрылацәажәеит ҩ-ганктәи аусеицура азҵаарақәа реиԥш, аҩганк рҭахрақәа ирықәшәо еиуеиԥшымыз егьырҭ азҵаарақәагьы", - иҳәеит Аслан Бжьаниа аиԥылара ашьҭахь.

Аслан Бжьаниеи Владимир Путини реиԥылара мҩаԥысит иахьа, абҵара 14 рзы, Шәача.

Аслан Бжьаниа Аԥсны ахадак иҳасаб ала раԥхьаӡа акәны Урыстәыла даҭааит 2020 шықәса лаҵара 5 рзы.

Аҩынтә раан 2020 шықәса рашәара 24 рзы Аслан Бжьаниа далахәын 1941–1945 шықәсқәа раантәи Аибашьра ду Аиааира 75-шықәса ахыҵра иазкыз ауснагӡатә. Аамҭақәак рышьҭахь Аслан Бжьаниа усутә ныҟәарала Москва дыҟан ԥхынгәы, цәыббра, жьҭаара амзақәа рзы.

© Foto / Пресс-служба Президента РА

2008 шықәса, нанҳәа 26 рзы Урыстәыла ахада аусԥҟа инапы аҵаиҩит Аԥсны Аҳәынҭқарра ахьыԥшымра шазхеиҵо азы. 2008 шықәса цәыббра 9 рзы ишьақәыргылан адипломатиатә еизыҟазаашьақәа.

Аԥсны ахьыԥшымра аназханаҵа, Урыстәыла хәдықәҵара ҟанаҵеит ихьыԥшым ҳәынҭқаррак аҳасаб ала Аԥсны аҟазаара, аԥсуа жәлар рҭынч ԥсҭазаара ишадгылаҩу азы. Аиҳабырабжьаратә еизыҟазаашьақәа аҿиаара рымоуп аиҩазареи астратегиатә партниорреи рышьаҭала.

Аиқәшаҳаҭра-зинтә база иаҵанакуеит шәкы инареиҳаны ҩ-ганктәи аиқәшаҳаҭрақәа, убрахь иалоуп 2008 шықәса цәыббра 17 рзы напы зҵаҩыз Аиҩызареи, аусеицуреи, аицхыраареи рзы аиқәшаҳаҭреи 2014 шықәса абҵара 24 рзы напы зҵаҩыз Аиҩызареи астратегиатә партниорреи рзы аиқәшаҳаҭреи.

Иара убас шәахәаԥшыр ҟалоит:

24

"Аԥсны агәалашәара ашәҟәы" иеизнагоит ахатәы Ԥсра зқәым архәҭа

3
(ирҿыцуп 18:59 06.05.2021)
Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Дуи 1992-1993 шықәсқәа рызтәи Аԥсны жәлар Рџьынџьтәылатә еибашьреи рлахәылацәа рыӡбахә аҳәара.

АҞӘА, лаҵара 6 – Sputnik. Ауаажәларратә еиҿкаара "Аԥсны аурыс уаԥшь" имҩаԥнагоит онлаин-акциа "Аԥсны Ԥсра зқәым архәҭа онлаин" Аиааира амш 76 шықәса ахыҵразы.

"Аԥсны Ԥсра зқәым архәҭа онлаин" алахәхара алшоит асоциалтә ҳа Facebook аҿы. Иахьазы агәыԥ иалахәуп 800-ҩык, аиҳарак Урыстәылеи Аԥсни руааԥсыра. Акциа мҩаԥгахоит апроект "Аԥсны агәалашәара ашәҟәы" аҳәаақәа ирҭагӡаны.

"Апроект шәҽалашәырхә. Еиқәшәырха ҳзеиԥш ԥсадгьыл зыхьчоз ауаа ргәалашәара. Апроект "Аԥсны агәалашәара ашәҟәы" асаит ахь иҭажәгалала иҭахаз, хабарда ибжьаӡыз рфотосахьақәа", - ҳәа ааԥхьара ҟанаҵоит ауаажәларратә еиҿкаара "Аԥсны аурыс уаԥшь".

Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Ду рлахәылацәа, 55,5 нызқьҩык Аԥсны аԥацәеи аԥҳацәеи: аԥсуаа, аурысқәа, аерманцәа, ақырҭцәа, абырзенцәа - рыӡбахә аҳәара, амырӡра.

Апроект "Аԥсны агәалашәара ашәҟәы" аԥҵан "Аԥсны аурыс уаԥшь", "Аԥсны иҟоу Амшынеиқәатәи аказақцәа рыр", "Аԥсны аказақцәеи аибашьра иалахәыз аказақцәа-аветеранцәеи Реидгыла", Аԥсни, Урыстәылеи, ДЖәРИ, ЛЖәРи рыбжьара аизыҟазаашьақәа рырҿиаразы Афонд "Отечество" раԥшьгарала, Аԥсны Атәылахьчара аминистрреи, В.Г. Арӡынба ихьӡ зху Ахьӡ-аԥша аҳәынҭқарратә музеи Аԥсны иҟоу Россотрудничество ахаҭарнакреи, Аԥсны иҟоу Урыстәыла Ацҳаражәҳәарҭеи рыдгыларала Аиааира ду 75 шықәса ахыҵра аламҭалаз.

Иара убас шәаԥхьар ҟалоит:

3

Аргәын аҽырхәмаррақәа рҿы ақыҭақәа реиндаҭларазы: ҟәланырхәаагьы унҳагәҭасуа ҳаҟам

2
(ирҿыцуп 18:28 06.05.2021)
Ҟәланырхәатәи аҽыбӷаҟазацәа ргәыԥ алахәыла, аспорт азҟаза Шамиль Аргәын арадио Sputnik аефир аҿы еиҭеиҳәеит лаҵарамза 8-9 рзы Дәрыԥшь ақыҭан имҩаԥысран иҟоу аҽырхәмаррақәа рыҽшырзыҟарҵо атәы.
Аргәын аҽырхәмаррақәа рҿы ақыҭақәа реиндаҭларазы: Ҟәланырхәаагьы унҳагәҭасуа ҳаҟам

"Ашьыжь асааҭ жәба рзы иалагоит ҳҽазыҟаҵарақәа. Ҳгәыԥ аҿы ҩ-комнадак ааидкыланы иурхәмарыртә иҟоуп. Ҿыц аҽырыҩрақәа ирылахәхоит ԥшь-ҩык, хә-ҩык. Акоманда алахәылацәа рҟнытә иҟоуп аҵара зҵо, аус зуа, аха аҽыбӷаҟазара рыԥсы ақәҵаны иаҭахны иаҿуп зегьы. Ҳаҽқәа зегьы рҭыԥ ахь иааит, уажәшьҭа ҳазыԥшуп аныҳәа, акомнадақәа зегьы аиааир рҭахуп, аха ҳаргьы унҳагәҭасуа ҳаҟам", - ҳәа еиҭеиҳәеит Аргәын.

Аҽыбӷаҟаза иҳәеит ақыҭаҿы аҿар ари аус ишазҿлымҳау.

"Есышықәса ҩыџьа-хҩык аҿар анымааиуа ыҟаӡам. Аҽқәа рааӡараҿы ақыҭа ҳацхраауеит, иҳамоуп аспонсорцәа, ҩыџьа аишьцәа Шьониаа ҳавагылоуп, уажәы аҽқәа ахьҭаҳкуа ахыб ҳзыҟарҵеит. Дҳавагылоуп Алхас Аргәынгьы", - ҳәа иҳәеит аҽыбӷаҟаза.

Ҟәланырхәатәи аҽыбӷаҟазацәа ргәыԥ алахәыла еиҭеиҳәеит аҽқәа ықәгылартә еиԥш аҽазыҟаҵарақәа ианрылаго атәы, уи апроцесс шымҩаԥысуа.

"Ҭагалан аҽқәа ҭаҳкуеит. Иара ҳақәтәарцаз акраҿауҵароуп, амч ауҭароуп, мызкы-ҩымз рышьҭахь, ашықәс ҿыц нахыс, ҳақәтәоит. Дара аҽқәа зегьы еиԥшым. Акы иаразнак иазыҟауҵоит, егьи хәыҷык уадхалар алшоит. Уқәгыланы ухәмарыртә еиԥш хәымз-фымз уаҿызароуп. Абасала ауадаҩрақәа ацуп, аха уи зегьы ҳара ҳамыхәаԥшкәа ҳус бзиа ибаны ҳаҿуп", - ҳәа еиҭеиҳәеит Аргәын.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

2