Ахимиатә хьчаразы урыстәылатәи аруаа Аԥсны атәылахьчара аминистрра амедалқәа рырҭеит

14
(ирҿыцуп 10:45 13.11.2020)
Ахимиатә хьчаразы урыстәылатәи аруаа Аԥсны атәылахьчара аминистрра амедалқәа рыҭара ацеремониа мҩаԥган Аԥсны иҟоу Аладатәи арратә округ арратә базаҿы.

АҞӘА, абҵара 13 - Sputnik. Ахимиатә хьчаразы урыстәылатәи аруаа ареспублика аинфраструктура асоциалтә обиектқәа қәҿиарала рырзҩыдара ахьымҩаԥыргаз азы Аԥсны атәылахьчара аминистрра амедалқәа "Аԥсны аҭынчра аҟазаара адгылара" ази "Аԥсны Аҳәынҭқарра атәылахьчара аминистрра 25 шықәса ахыҵра" ази рыҭоуп ҳәа аанацҳауеит Аладатәи арратә округ апресс-маҵзура.

  • Ахимиатә хьчаразы урыстәылатәи аруаа Аԥсны атәылахьчара аминистрра амедалқәа рырҭеит
    © Foto / Министерство обороны России
  • Ахимиатә хьчаразы урыстәылатәи аруаа Аԥсны атәылахьчара аминистрра амедалқәа рырҭеит
    © Foto / Минобороны России
  • Ахимиатә хьчаразы урыстәылатәи аруаа Аԥсны атәылахьчара аминистрра амедалқәа рырҭеит
    © Foto / Министерство обороны России
1 / 3
© Foto / Министерство обороны России
Ахимиатә хьчаразы урыстәылатәи аруаа Аԥсны атәылахьчара аминистрра амедалқәа рырҭеит

Ахимиатә хьчаразы урыстәылатәи аруаа Аԥсны атәылахьчара аминистрра амедалқәа рыҭара ацеремониа мҩаԥган Аԥсны иҟоу Аладатәи арратә округ арратә базаҿы. Ацеремониа иалахәын Аԥсны аԥыза-министр ихаҭыԥуаҩ Сергеи Пустовалов, Аԥсны Арратә мчрақәа рыштаб хада аиҳабы Васили Лунев, Аԥсны иҟоу Урыстәыла ацҳаражәҳәарҭа абжьгаҩ Максим Литвинов, урыстәылатәи арратә база акомандир Олег Сеньков уҳәа егьырҭгьы.

© Foto / Министерство обороны России
Ацеремониа иалахәын Аԥсны аԥыза-министр ихаҭыԥуаҩ Сергеи Пустовалов, Аԥсны Арбџьармчқәа рыштаб хада аиҳабы Васили Лунев, Аԥсны иҟоу Урыстәыла ацҳаражәҳәарҭа абжьгаҩ Максим Литвинов, урыстәылатәи арратә база акомандир Олег Сеньков уҳәа егьырҭгьы.

Амшын еиқәа афлот арадиациатәи, ахимиатәи, абиологиатәи хьчара архәҭа аруаа рколонна хынҳәраны иҟоуп Ҟрымтәи адгьылбжьахахь ҳәа аҳәоит адырраҭараҿы.

Урыстәылатәи ахимиатә хьчара аҟазауаа хымчыбжь инарзынаԥшуа Аԥсны иахьаҵанакуа арзҩыдаратә усурақәа мҩаԥыргеит. 700 нызқь метр-ԥшьыркца арзҩыдара иахыжьуп.

Арзҩыдарақәа мҩаԥган Аҟәа ақалақь, Гәылрыԥшь, Очамчыра, Гәдоуҭа, Гагра араионқәа рҿы. Иара убасгьы аушьҭырҭатә ҭыԥ "Ԥсоуи" Урыстәылатәи арратә базеи.

Амшын еиқәа афлот арадиациатәи, ахимиатәи, абиологиатәи хьчара архәҭа еидҵоу аҟәша иалахәын аруаа 30-ҩыки 11 автомашьынеи.

Автомашьынақәа ирылахәуп зхала арзҩыдага ақәызҭәо амобилтә комплексқәа АРС-14М, ареактив рныҟәага зықәгылоу амашьынақәа ТМС-65У, ДКВ-1К, аԥхарратә машьынақәа ТМС-65У, арзҩыдага ҷыдақәа ДК-4.

11 машьына рколонна Ҟрымынтәи Гәдоуҭа иҟоу урыстәылатәи арратә базахь иааит жьҭаара 19 рзы, 800 километра ирхысны.

Уаанӡа, Амшын еиқәа афлот арадиациатәи, ахимиатәи, абиологиатәи хьчара архәҭа аҟынтәи акоронавирус аламырҵәаразы Аԥсны иааны ауснагӡатәқәа мҩаԥнагон 2020 шықәса мшаԥымзазы.

Иара убас шәаԥхьар ҟалоит:

14

Аиааира Ду амш: Аԥсны ақалақьқәа рҿы Лаҵарамза 9 ишаԥыло

3
(ирҿыцуп 17:13 06.05.2021)
Аџьынџьтәылатә еибашьра Ду аҟны Аиааира амш есышықәса иазгәарҭоит Аԥсны араионқәеи ақалақьқәеи рҿы. Аныҳәатә уснагӡатәқәа рсиа Sputnik афишаҟны.

Sputnik

Аҟәа

Аныҳәатә ҽазыҟаҵарақәа Аҟәа ирылагеит лаҵара 3 рзы. Абри амш аҽны имҩаԥысит Аԥсны аҳәынҭқарратә камертә оркестри Москва аҳәынҭқарратә капеллеи рконцерт.

Аибашьра аветеранцәа алархәны афотоцәыргақәҵа "Аиааира ахаҿқәа. Ҳара ҳгәалашәареи ҳгәадуреи" Иван Папасқьыр ихьӡ зху Амилаҭтә библиотекаҿы лаҵара 5 рзы иаадыртит.

Лаҵара 6 рзы аҟәатәи ашколхәыҷқәа рзы аибашьра иазку акиносахьақәа дырбара мҩаԥысуан.

Лаҵара 9 рзы, Аиааира амш аҽны, Аҟәа Диоскураа рыԥшаҳәаҿы Идырым асолдаҭ ибаҟа аҿаԥхьа ашәҭшьыҵәрақәа рышьҭаҵара ацеремониеи амитинги аадыртуеит асааҭ 10:00 рзы. Асааҭ 11:00 рзы Аԥсни Урыстәылеи рыруаа рымҩасра еиҿкаахоит. Асааҭ 9:00 рзы итрадициахаз "Ԥсра зқәым архәҭа" ақалақь агәы иалсуеит. Асааҭ 14:00 рзы маланыҟәала аицлабра "Сабду, аиааираз иҭабуп" акциа мҩаԥгахоит. Амш ахи-аҵыхәеи ақалақь иалыҩуеит аибашьра аамҭазтәи ашәақәа, амузыка.

Гагра

Гагра аныҳәатә уснагӡатәқәа аадыртуеит Идырым асолдаҭ ибаҟа аҿаԥхьа ашәҭқәа рышьҭаҵара ацеремониала асааҭ 10:00 рзы. Нас имҩаԥысуеит акәашаратә ансамбльқәа рконцерт. Аветеранцәа аҳамҭақәа рыҭахоит.

Гәдоуҭа

Асааҭ 10:00 рзы В.И. Ленин ихьӡ зху апарк аҿы игылоу Идырым асолдаҭ ибаҟа амҵан ашәҭқәа шьҭарҵоит. Асааҭ 11:00 рзы Дәрыԥшь ақыҭан имҩаԥгахоит аҽырыҩрақәа.

Гәылрыԥшь

Гәылрыԥшь араион аҿы Аиааира амш азгәаҭара хацыркхоит Идырым асолдаҭ ибаҟа аҿаԥхьа ашәҭшьыҵәрақәа рышьҭаҵарала. Асааҭ 12:00 рзы Смецкои ихьӡ зху асанатори аҿы имҩаԥгахоит аконцерт. Гәылрыԥшь ауааԥсыра ирылшоит маланыҟәала аицлабра "Сабду, аиааираз иҭабуп" акциа иалахәхар. Лаҵара 9 ауха аныҳәатә салиут халарҵоит, ашәҭргьагьақәа амшынӡ ихырҵоит.

Очамчыра

Очамчыра араион аҿы аныҳәатә уснагӡатәқәа Кәтол ақыҭан аҽырыҩра амҩаԥгарала ихацыркхеит. Лаҵара 9 рзы Очамчыра, Идырым асолдаҭ ибаҟахьы инеиуеит араион ауааԥсыра. Асааҭ 11:00 рзы имҩаԥгахоит аконцерт.

Тҟәарчал

Тҟәарчал аныҳәа аадыртуеит асааҭ 12:00 рзы 1941-1945 шықәсқәа раан иҭахаз асолдаҭцәа рбаҟахьы анеирала. Анаҩс Акультура ахан аҿы имҩаԥысуеит аконцерт.

Гал

Гал ашҭа хадаҿы арратә музыка арҳәарала ауснагӡатәқәа ирылагоит. Имҩаԥгахоит ахәыҷқәа рыхәмаррақәа, асахьаҭыхратә цәыргақәҵа, акаҭран аҿы асахьа аҭыхра, имҩаԥгахоит "Ԥсра зқәым архәҭа" акциа, амитинг. Асааҭ 12:30 рзы галаа урыстәылатәи аҳәаахьчаҩцәа злахәу ауснагӡатәқәа рыдгалахоит.

Иара убас шәаԥхьар ҟалоит:

3

Аҟәа еиҿыркааит Аибашьра Ду иазку акиносахьақәа дырбара

3
(ирҿыцуп 16:13 06.05.2021)
Аиааира амшныҳәазы аибашьра иазку акиносахьақәа ашколхәыҷқәа дырбара еиҿкаауп Амилаҭтә библиотекаҿы мшаԥы 28 раахыс.

АҞӘА, лаҵара 6 – Sputnik, Асмаҭ Ҵәыџьԥҳа. Аҭаацәа рреспубликатә еилаки Аԥсны иҟоу Россотрудничество ахаҭарнакреи аҟәатәи ашколқәа рҵаҩцәа аибашьра иазку акиносахьақәа дырбара еиҿыркааит.

Аҭаацәа рреспубликатә еилакы аиҳабы Гәында Кәарҷиаԥҳа лажәақәа рыла, Россотрудничество Урыстәыла акиносахьақәа рҳәынҭқарратә архив аҟынтәи ашколхәыҷқәа рзы акиносахьақәа дырбара еиҿыркааит. Ахәыҷқәа ирбар рылшоит акинофильмқәа: "Орлионок", "В то далекое лето", "Девочка ищет отца", "Иваново детство", "Вступление".

Аҟәатәи абжьаратә школ №4 аҵаҩы Георги Кокаиа иклассаа дрыцны 13 шықәса зхыҵуаз ленинградтәи апартизанка Лариса Михеенко лфырхаҵара иазку афильм "В то далекое лето" дахәаԥшит. Иара ишиҳәо ала, акиносахьа даара аинтерес икит, гәахәарыла дахәаԥшит.

"Сара сҭаацәараҟынтә еибашьуаз ыҟан. Исзеиҭарҳәахьан аибашьра акыр ԥсҭазаара шагаз. Аҭоурых адырра даара иахәҭоуп ҳәа сгәы иаанагоит", - ҳәа иҳәеит иара.

Ахәбатәи акласс анапхгаҩы Анжела Дауҭиа илҳәеит акинофильмқәа рыхәаԥшра ахәыҷқәа рдыррақәа арҭбааит ҳәа.

"Ахәыҷқәа Аиааира Ду иазку аҭоурыхқәа иҵегь рдыруазар бзиан. Ирацәаҩуп аԥснытәиқәа – аибашьра иалаӡыз. Ибзиан ирдырыр дазусҭадаз апионер, акомсомолец, иара убас ихәыҷқәазгьы Аиааира амш аагара ишацхраауаз", - ҳәа лҳәеит лара.

Амилаҭтә библиотекаҿы афильмқәа дырбара мҩаԥысуеит лаҵара 7 рҟынӡа.

3