Апрокуратура хада Ҭарба ишьразы аус шырӡбаз закәаным ҳәа иаԥхьаӡеит

9
(ирҿыцуп 09:58 14.11.2020)
Аҟәатәи ақалақьтә ӡбарҭа Ҭарба иԥсра аус азы гәҩарас иҟаз ауаа ахара рыдым ҳәа ианариаша ашьҭахь ақәҵара аднакылеит ззинмчқәа ишахәҭаз иназмыгӡаз Апрокуратура хада аусзуҩцәа рымшала акрызҵазкуаз амаҭәартә ршаҳаҭгақәа ырӡын ҳәа.

АҞӘА, абҵара 14 - Sputnik, Асмаҭ Ҵәыџьԥҳа. Аԥсны Апрокуратура хада Аҟәатәи ақалақьтә ӡбарҭа аҩнуҵҟатәи аусқәа рминистрра ахыбраҿы иаанкыланы иҟаз Анзор Ҭарба иԥсра аус аганахьала иаднакылаз аӡбамҭа закәаным иагьҵаҵӷәыдоуп ҳәа иаԥхьаӡоит. Абри атәы Апрокуратура хада абрифинг аан илҳәеит АИХқәеи ауаажәларреи рымадаразы апрокурор хада ицхырааҩ Рада Сангәлиаԥҳа.

Аусбарҭа агәы иҭоуп аӡбарҭа аӡбамҭазы Иреиҳаӡоу аӡбарҭа ашьаусқәа рзы Ахашшааратә коллегиахь иашшырц.

Апрокуратура хада иаԥхьаӡоит аӡбарҭатә усеилыргараан ахарадҵаҩ иган иақәнагаз аршаҳаҭрақәа ҟанаҵеит, урҭ зегьы ишьақәдырӷәӷәоит аҩнуҵҟатәи аусқәа рминистрра аусзуҩцәа Анзор Ҭарба дахьыԥсыз рхароуп ҳәа.

Апрокуратура хада ахаҭарнак иргәалалыршәеит ԥхынгәы 10, 2019 шықәса ҵхагәаны Анзор Ҭарба, анаҩсан зцәеижь ааха ӷәӷәа иарҭаз иахҟьаны зыԥсҭазаара иалҵыз, Апрокуратура хада ахаҭарнак иргәалаиршәеит, ԥхынгәы 10, 2019 шықәсазы Анзор Ҭарба, Аԥсны аҩнуҵҟатәи аусқәа рминистррахь днаган Џьыкырбеи Ҷедиеи рыдҵала, уи иҿахәы иҿырхразы аусзуҩцәа Адгәыр Аутлеви Витали Кулови наԥхьан.

Ашьаусԥшаара аверсиала Ҭарба иԥсҭазаара даналҵуаз аҽны ААР ахыбраҿы аоперативтә зинмчы змаз Одабашиани Ҭоԥуриеи рыда уаҳа аусзуҩцәа ҳәа аӡәгьы шыҟамыз. Дара усҟан дрыхьчон иаанкылаз Нугзар Папаа, уигьы Ҭарба иԥсра аус аҿы шаҳаҭс анаҩс дыҟан.

"Ашаҳаҭ Нугзар Папаа аӡбарҭаҟны ишьақәирӷәӷәеит иара изакәанымкәа ААР Ашьаусԥшааратә ҟәша амаҵзуратә кабинет аҟны даанкыланы дышрымаз, уа амилициа аусзуҩцәа Омар Мерцхәылаа иӷьычра далахәын ҳәа мчыла идырҳәарц ишаҿыз, иара убас идырҳәар шырҭахыз ААР Ашьаусԥшааратә ҟәша аиҳабы Бадри Џьыкырбеи уи ихаҭыԥуаҩ Аслан Ҷедиеи амедицинатә цхыраара ҟарҵазшәа", - ҳәа азгәалҭеит Рада Сангәлиаԥҳа.

Ахҭыс ахьыҟалаз аҭыԥ аҿы Апрокуратура хада аусзуҩцәа рнеимҭазы ААР аинапхгареи Бадри Џьыкырбеи ирхәыцит даҽа версиак - Ҭарба дыҩны дыбналарц дшаҿыз, амардуан аҟынтәи дкаҳаит ҳәа. Арҭ афактқәа аӡбарҭаҟны ишьақәырӷәӷәан, Аԥсны Апарламент адепутат Асҭамыр Ҭарба иакәзар, ҩынтә ашьаусԥшааразы иҿцәажәараан иҳәахьан Адгәыр Аутлев иҿы шиқәшаҳаҭхаз иареи Витали Кулови Ҭарба иганахьал амч рхы ишадырхәаз уи Омар Мерцхәылаа иӷьычра далахәын ҳәа иҿы иқәшаҳаҭхарц азы.

"Аха аӡбарҭа арҭ аршаҳаҭрақәа иара агәы ишаанагоз ала рыхә ашьеит, афакттә дыррақәа ирыхәамԥшыкәа, хыхь зыӡбахә ҳәаз ахаҿқәа акгьы рхарам ҳәа иаӡбеит. Ирыдыркылаз аӡбамҭа хьадыршшарц, рхы дырқьиарц азы апрокуратура аусзуҩцәа рганахьала хаз игоу ақәҵара иаԥхьеит, уи ауаажәлар рҿаԥхьа ацәыргаразы азакәан шыҟамызгьы", - ҳәа иацылҵеит Сангәлиаԥҳа.

Лара инаҵшьны иазгәалҭеит аӡбарҭа азин шамам ашьаусҭҵаара ацашьа, ашьаусԥшааратә усмҩаԥгатәқәа рцәыргара, избанзар иара ашьаусԥшааратә усбарҭаӡам.

Аҩнуҵҟатәи аусқәа рминистрра ахыбраҿы иаанкылаз Анзор Ҭарба иԥсҭазаара иалҵразы аусҭҵаара мҩаԥысуан хәымз инарзынаԥшуа Аҟәатәи ақалақьтә ӡбарҭаҿы. Аӡбаҩ Инар Кәарҷиа иӡбрала Аԥсны ААР ашьаусԥшаара Аусбарҭа уаанӡатәи аиҳабы Бадри Џьыкырбеи иара ихаҭыԥуаҩ Аслан Чедиеи, аусбарҭа аусзуҩцәа Адгур Аутлеви Витали Кулови Анзор Ҭарба иԥсразы хара рыдым ҳәа иԥхьаӡоуп, урҭ ацәгьоура ишалаҟьышьу азы ҵаҵӷәыркырак ахьыҟам азы.

Иара убасгьы аӡбарҭаҿы хаз игоу ақәҵара иаԥхьеит Аԥсны апрокурор хада иганахьала. Аӡбарҭа ишаҳәаз ала, Ҭарба иԥсразы ашьаус хацыркын ԥхынгәы 13, 2019 шықәсазы, убри аан аҭагылазаашьа иалнаршон ԥхынгәы 11 рзы - Ҭарба даныршь аҽны - ашьаус ахацыркра. Уи адагьы, аӡбарҭа иазгәанаҭеит апрокуратура аусзуҩцәа ауаҩы аамҭалатәи иаанкыларҭаҿы иаанкылашьа азакәан иахьынӡақәшәо ишахәҭоу иахыламԥшит ҳәа, ҷыдала ари аус аҟны административ ҳасабла иаанкылаз Ҭарбеи Папааи изакәанымкәа кыраамҭа раанкылара аганахьала. Абри афакт азы апрокуратура ишақәнагаз аҭҵаара иаламгеит ԥхынгәы 11 аԥхьагьы ашьҭахьгьы.

Аӡбарҭа хаз игоу ақәҵара ишаҳәо ала, апрокуратура аусзуҩцәа рзинмчқәа ишахәҭаз иахьынармыгӡаз азы акрызҵазкуаз амаҭәартә ршаҳаҭгақәа ырӡын ҳәа.

Аԥсны Аҩнуҵҟатәи аусқәа рминистрра амаҵзуратә уадаҿы 2019 шықәса ԥхынгәы 11 рзы, Омар Мерцхәылаа иӷьычра далаҟьышьуп ҳәа агәҩара зызрымаз, 1969 шықәса рзы ииз Анзор Ҭарба иԥсҭазаара далҵит.

Ҭарба иԥсҭазаара даналҵ ашьҭахь аус иалаҟьашьуп ҳәа агәҩара рыман Аԥсны ААР аусзуҩцәа рзы: Аԥсны ААР ашьаусԥшаара Аусбарҭа уаанӡатәи аиҳабы Бадри Џьыкырбеи иара ихаҭыԥуаҩ Аслан Чедиеи, аусбарҭа аусзуҩцәа Адгәыр Аутлеви Витали Кулови, Анзор Ҭарба иганахь ала рмаҵзуратә мчрақәа инархырҳәҳәаны рхы иадырхәеит ҳәа иазыԥхьаӡаны.

9
Флаги

Аԥсни Урыстәылеи рыбжьара азеиԥш ҵакыра аиҿкаара апрограмма шьақәырӷәӷәоуп

1
Апрограмма – 2014 шықәса абҵара 24 рзы анапы зҵаҩыз Аԥсни Урыстәылеи рыбжьара аиҩызареи астратегиатә партниорреи рзы Аиқәшаҳаҭра ацҵоуп.

АҞӘА, абҵара 23 - Sputnik. Аԥсни Урыстәылеи рыбжьара асоциалтәи аекономикатәи зеиԥш ҵакыра аиҿкаара апрограмма шьақәырӷәӷәахеит Аслан Бжьаниеи Владимир Путини реиԥылара ашьҭахь ҳәа аанацҳауеит ахада исаит.

Иазгәаҭоуп апрограмма шазырхо Аԥсны инхарҭәааны, Урыстәыла имҩаԥнаго аинтеграциатә процессқәа рылахәхаразы иманшәалоу аҭагылазаашьақәа аҭаразы.

Апрограмма аҳәаақәа ирҭагӡаны ауснагӡатәқәа рынагӡара ҩба-хԥа шықәса рыла иазыԥхьагәаҭоуп.

Абри аамҭала имҩаԥгахоит еиуеиԥшым аусхкқәа: аекономика, афинансқәа, аҳазалхратә зин, аенергетика, асоциалтә усхк рҟны азакәанԥҵарақәа реиуршәара.

2014 шықәса абҵара 24 рзы Аԥсни Урыстәылеи рхадацәа рнапы зҵарҩыз Аԥсни Урыстәылеи рыбжьара аиҩызареи астратегиатә партниорреи рзы Аиқәшаҳаҭра аԥҟарақәа иазыԥхьагәарҭоит адәныҟаполитика ауеиуршәара, атәылахьчареи ашәарҭадареи, асоциалтәи аекономикатәи зеиԥш ҵакыра раԥҵара.

1
Ингур ГЭС.

Аԥсны Апарламент: ЕгрыГЕС аҟны аусурақәа хыркәшахаанӡа амаининг ахархәара азин ԥкызарц

6
(ирҿыцуп 19:29 23.11.2020)
Акриптавалиута амаининг азы аусурақәа рзин ҟаҵан абҵара 21 рзы Аминистрцәа реилазаара ақәҵарала.

АҞӘА, абҵара 23 – Sputnik, Бадраҟ Аҩӡба. Ашәахьа, абҵара 23 рзы Аԥсны Апарламент аилатәараҿы ақәҵара аднакылеит, уи инақәыршәан Аминистрцәа реилазаара иабжьган ЕгрыГЕС аремонт иалгаанӡа амаининг ахархәара азин ԥкызарц.

Уи адагьы Апарламент ақәҵараҿы иҳәоуп ареспубликахь амаинингтә хархәагақәа ралагаларагьы азин ыҟам.

АУН "Амшынеиқәафымцамч" иабжьгоуп ЕгрыГЕС амчхара амаининг азы закәаншьаҭада зхы иазырхәо ауаа раарԥшра аҽазнакырц.

Иара убасгьы аҳәынҭқарратә наплакқәа, аусбарҭақәа ирабжьгоуп дара иртәу амазарақәа амаининг азы ахархәара алдмыршарц.

Аекономика аминистрра иабжьгоуп амаининг анорматив-зинтә ҭышәныртәаларазы аус аднауларц азакәан апроект, азакәанԥҵара алагаларазы.

Абҵара 18 рзы Апарламент аҿы аекономика аминистр Кристина Озганԥҳаи "Амшынеиқәафымцамч" аиҳабы Михаил Логәуеи алархәны аенергетикаҿы иҟоу апроблемақәа ирызкыз аилатәара мҩаԥыргеит.

Апарламент аилатәараҿы "Амшынеиқәафымцамч" аиҳабы Михаил Логәуа иазгәеиҭеит амаинерцәа русура 2021 шықәса лаҵарамзанӡа, ЕгрыГЕС аремонтқәа хыркәшахаанӡа  иаанкылатәуп ҳәа.

Аԥсны иахьаҵанакуа аамҭа-аамҭала афымцалашара арцәара иалагеит абҵара 15 инаркны. Усҟан алашара дырцәалон уахыки-ҽнаки рыла хынтә.

2020 шықәса абҵара 21 инаркны Аԥсны иахьаҵанакуа афымцалашара арцәара аграфик дыркьаҿуа иалагеит. Уи инақәыршәаны афымцалашара дырцәалоит уахыки-ҽнаки рыла ҩынтә ҩба-ҩба сааҭ.

Иара убас шәаԥхьар ҟалоит:

6