Урыстәылантәи Аԥсныҟа амаинингтә хархәагақәа закәаншьаҭада ишахыргоз иаанкылоуп

8
(ирҿыцуп 16:34 14.11.2020)
Административтә еилагара аганахь ала адокументқәа нашьҭуп Аԥсны Аҳазалхратә еилакы аҳазалхратә ҭҵаареи агәаҭареи рыҟәшахьы.

АҞӘА, абҵара 14 - Sputnik. Урыстәыла атәылауаҩ иҽазишәеит Ареспубликахь залагалара ҟамло амаинингтә хархәагақәа 20 цыра аҳәаа ахыгара. Абри атәы аҳәоит Аҳазалхратә еилакы асаит.

Аҳазалхратә ҭыԥ "Ԥсоу" аусзуҩцәа агәаҭара иахрыжьыз амашьына аидараҭыԥи, амашьына аҩнуҵҟеи рҟны ирбеит ареспубликахь залагалара ҟамло амаинингтә хархәагақәа.

Жьҭаара 21 раахыс Аԥсны Аҳәынҭқарраҿ азин ыҟам амаинингтә хархәагақәа ареспубликахь ралагалара.

Аԥсны аминистрцәа реилазаара ақәҵарала 2020 шықәса абҵара 7 иахымгакәа акриптовалиута аиуразы афымцашьақәгылақәа рышәҟәынҵа арбагақәа ралагалара хықәкны иҟаҵаны Аԥсны аекономика аминистррахь инагатәуп. Аԥсны аекономика аминистрра ашәҟәынҵахьы 65 криптовалиутатә ферма ҭанагалеит абҵара 10 рзынӡа.

АУН "Амшынеиқәафымцамч" аиҳабы Михаил Логәуа иҳәеит, акомиссиа есыҽны ишаадырԥшуа изакәанымкәа афымцалашара иаҿаԥшьу акриптовалиутақәа рмаининг азы афермақәа.

Иара убас шәаԥхьар ҟалоит:

8
Атемақәа:
Аԥсны аенергетика апроблемақәа (155)

Абзиараз, ҭагалан: быӷькаԥсан Аԥсны

6
(ирҿыцуп 23:10 30.11.2020)
Ҭагалан аҵыхәтәантәи амш азы Sputnik еиднакылеит ԥштәы рацәала еиларсу ҳаԥсабара аазырԥшуа афотосахьақәа.

Ҭагалан аӡәырҩы бзиа ирбо аамҭоуп. Аԥсны ҭагалан аԥсабара убла хнакуеит. Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит. Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит. Аҳауаԥхарра +23°С, +25°С иҟоуп.

 

 

6
  • © Sputnik / Томас Тхайцук

    Ақыҭарақәа рҟны анхаҩцәа рҽаҩра ҭаргалахьеит, уажәшьҭа аӡын рҽазыҟарҵоит.

  • © Sputnik / Томас Тхайцук

    Анҵамҭақәа рышьҭахь лхәыҷра ахьылхылгаз абаҳчаҟны днаиааиуеит Sputnik акорреспондент Илана Амқәабԥҳа.

  • © Sputnik / Томас Тхайцук

    Акәыкәбаа ҟәшәара иаамҭоуп ҭагалан.

  • © Sputnik / Томас Тхайцук

    Аԥсабара аԥшәқәа убла хнакуеит.

  • © Sputnik / Томас Тхайцук

    Ҽаҩраҭагалара аамҭазы амшқәа кьаҿхо иалагеит. Аҵлақәа рыбӷьқәа ҩеижьхоит.

  • © Sputnik / Томас Тхайцук

    Ага, ашьха бӷьы иаҵәароуп,
    Бӷьы иаҵәароуп иахьабалак.
    Аҳауа зҩыда гәыҟаҵагоуп,
    Амра сыцуп сахьцалак. Сергеи Агындиа.

  • © Sputnik / Томас Тхайцук

    быӷькаԥсан Аԥсны

  • © Sputnik / Леон Адлейба

    Ԥштәы рацәала иҩычоуп ҳаԥсабара.

  • © Sputnik / Томас Тхайцук

    Абыӷьқәа "ирылху" ауарҳалқәа ана-ара абаҳчақәа рҟны иуԥылоит.

  • © Sputnik / Томас Тхайцук

    Макьана аԥхынреиԥш ишыԥхарроугьы, амшынҭалара аамҭа макьана ишхыркәшамгьы.

  • © Sputnik / Акоп Кущян

    Аҳауаԥхарра +23°С, +25°С иҟоуп.

  • © Sputnik / Томас Тхайцук

    Жьҭаарамзазы ахьагьы ҟалоит.

  • © Sputnik / Акоп Кущян

    Ашьхарахь асы леихьеит.

Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

7
Аҟәа ахадара ариаҵәаратә усбарҭа агроном хада Гоча Џьынџьал арадио Sputnik аефир аҟны еиҭеиҳәеит арҭ амшқәа рзы имҩаԥырго аусурақәа ртәы.
Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

"Аԥхьа инаргыланы ҳаибашьцәа анышә иахьамадоу апарк аҟны еиҭаҳҳаит 65 шьапы аԥсаҵлақәа, акамфортә ҵлақәа -13. Аҵлақәа ӡынгьы-ԥхынгьы аиаҵәара амоуп, ашәшьыра ҟанаҵоит. Ҳгәаанагарала ҳажәларгьы ргәы иаҳа иаахәар ҟалоит. Ирацәахеит уаҟа ихыԥсааз аҵлақәа. Убасгьы, администрациа аҿаԥхьа иҟоу апарк аҟны еиҭаҳахоит аҵлақәа, уаҵәы-уаҵәашьҭахь афилармониа ааигәа еиҭаҳҳараны ҳаҟоуп, аҵлақәеи аҵиаақәеи рзы аҭыԥқәа ҳархиахьеит Баграт Шьынқәба ихьӡ зху апарк аҟны, насгьы амшын аԥшаҳәа иахьагу аҵлақәа еиҭаҳҳарц ауп. Сынтәа, 165 ҵла иреиҳаны еиҭаҳҳауеит, уаҳа изалҵуам, аха аԥхьаҟа ҳгәыӷуеит даҽа 500 шьапы реиҭаҳара ҳалшап ҳәа. Амагнолиақәеи, аԥсақәеи, акамфортә ҵлақәеи, османтусқәеи роуп, аҵлақәа очамчырантәи иааҳгеит, агәыӷра ҳамоуп урҭ аднакылап ҳәа", - иҳәеит Џьынџьал.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

7