Кран

Гагра уахыки-ҽнаки ӡыда иаанхоит

13
(ирҿыцуп 13:58 16.11.2020)
2020 шықәса жьҭаарамзазы Гагра, Кемпинг араион аҿы хышә метра иҟаз аӡымҩангага рыԥсахит.

АҞӘА, абҵара 16 – Sputnik. Аӡыҭгага станциа "Репруа-1" аҿы аркыга хада ахьыбжьысыз азы уи аԥсахра ахьрықәшәаз азы аӡы аанкылоуп ҳәа аанацҳауеит Гагра ақалақь аӡыканал.

Уажәы астанциаҿы аусурақәа ирҿуп. Аӡы аушьҭхоит абҵара 17, аҩаша ҳәа аарыцҳауеит адырраҭараҿы.

Уаанӡа Sputnik аинтервиу азҭаз Гагра ахадара ақалақьтә нхамҩа Аусбарҭа аиҳабы Роман Чагәаа иҳәеит ақалақь аҿы аӡоушьҭра аҭагылазаашьа акыр ишбааԥсу. Иара ишиҳәо ала, иажәхьоу аӡымҩангагақәа рыдагьы аӡыҭгагақәагьы акыр иқәсхьеит. Шықәсқәак раԥхьа аремонт зызуз аӡеизакырҭагьы ашьшьара аиуит.

Гагра аӡы графикла ироуеит ҩба-хԥа сааҭ мышкы аҩнуҵҟа. Ауаа ари аҭагылазаашьа агәынамӡара рнаҭоит.

Иара убас шәаԥхьар ҟалоит:

13

Абҵарамза 25 рзы Аҟәа ахәҭак ӡыда иаанхоит

2
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

2

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

0
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

0
Атемақәа:
Ачымазара ҿкы – акоронавирус Аԥсни адунеи аҿи: иалкаау