Гагра аӡыҭгага аԥҽра зыхҟьаз афымцалашара арцәароуп

16
Гагра араион аӡыканал ишаанацҳауа ала ауааԥсыра аӡы рзынашьҭра зеиԥҟьаз аӡыҭгагатә станциа "Репруа-1"аҿы аркыга ахьыԥҽыз ауп.

АҞӘА, абҵара 16– Sputnik, Бадри Есиава. Гагра аӡыҭгага аԥҽра зыхҟьаз афымцалашара арцәароуп ҳәа иҳәеит Гагра аӡыканал аиҳабы Беслан Цыгәба.

Кран
© Sputnik / Алексей Мальгавко

"Аамҭа-аамҭала излагаз афымцарцәара иара усгьы цәгьала зыԥсы ҭаз ҳанхамҩа зынӡа иаалгоит. Аӡыҭгага аркыга ԥжәеит. Уажәы аҿыц, 400 нызқь мааҭ иаԥсоу ықәҳаргылоит. Уигьы акы аахьыр, ақалақь 70% ауааԥсыра зынӡа ӡыда иаанхоит. Иҳамоу иаракоуп. Аремонт ахыркәшара асааҭ 16:00 шыҟоу ҳақәгәыӷуеит", - иҳәеит Цыгәба.

Аҿыц ркыга акы ахьыр, мчыбжьыкгьы аӡы ҟалом Гагра, збанзар иара Урыстәыла иԥшаатәхоит.

"Аҿыц аԥшаара аамҭа аҭаххоит. Ауаа ргәы кыдгылеит. Алашара шыҟалалакҵәҟьагьы иаразнак аӡы ҳазрыҭаӡом. Аӡеизакырҭаҿы еизароуп аӡы. Ауаа лашарада иахьтәо азымхо, аӡгьы инаамҭоу ироуам", -  иҳәеит Цыгәба.

Аӡыканал аиҳабы иҳәеит ианамуӡа аӡыҭгага станциа "Репруа-1" еиԥмырҟьаӡакәа алашара амазароуп ҳәа.

Иара убас шәаԥхьар ҟалоит:

16

Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

7
Аҟәа ахадара ариаҵәаратә усбарҭа агроном хада Гоча Џьынџьал арадио Sputnik аефир аҟны еиҭеиҳәеит арҭ амшқәа рзы имҩаԥырго аусурақәа ртәы.
Џьынџьал еиҭеиҳәеит Аҟәа ариаҵәаразы имҩаԥырго аусурақәа ртәы

"Аԥхьа инаргыланы ҳаибашьцәа анышә иахьамадоу апарк аҟны еиҭаҳҳаит 65 шьапы аԥсаҵлақәа, акамфортә ҵлақәа -13. Аҵлақәа ӡынгьы-ԥхынгьы аиаҵәара амоуп, ашәшьыра ҟанаҵоит. Ҳгәаанагарала ҳажәларгьы ргәы иаҳа иаахәар ҟалоит. Ирацәахеит уаҟа ихыԥсааз аҵлақәа. Убасгьы, администрациа аҿаԥхьа иҟоу апарк аҟны еиҭаҳахоит аҵлақәа, уаҵәы-уаҵәашьҭахь афилармониа ааигәа еиҭаҳҳараны ҳаҟоуп, аҵлақәеи аҵиаақәеи рзы аҭыԥқәа ҳархиахьеит Баграт Шьынқәба ихьӡ зху апарк аҟны, насгьы амшын аԥшаҳәа иахьагу аҵлақәа еиҭаҳҳарц ауп. Сынтәа, 165 ҵла иреиҳаны еиҭаҳҳауеит, уаҳа изалҵуам, аха аԥхьаҟа ҳгәыӷуеит даҽа 500 шьапы реиҭаҳара ҳалшап ҳәа. Амагнолиақәеи, аԥсақәеи, акамфортә ҵлақәеи, османтусқәеи роуп, аҵлақәа очамчырантәи иааҳгеит, агәыӷра ҳамоуп урҭ аднакылап ҳәа", - иҳәеит Џьынџьал.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

7

Акоронавирус зыдбалаз даҽа хҩык рыԥсҭазаара иалҵит Аԥсны

12
(ирҿыцуп 19:48 30.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 308-ҩык атестқәа рзыҟаҵан, урҭ рахьтә 87-ҩык акоронавирус рцәа ишалаз аадырԥшит.

АҞӘА, абҵара 30 - Sputnik. Аҵыхәтәантәи уахыки-ҽнаки рыла ахәышәтәырҭақәа рҟны аҿкычымазара зыдбаланы ишьҭаз хҩык апациентцәа рыԥсҭазаара иалҵит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭа аҟны иԥсҭазаара далҵит 1954 шықәсазы ииз апациент. Ахаҵа ахәышәтәырҭа дҭашәеит акоронавирустә инфекциа ицәа иаланы жьҭаара 16 рзы. Иақәнагаз атерапиа шизмҩаԥыргозгьы, идунеи иԥсахит абҵара 29 рзы.

Гәдоуҭатәи аковид-госпиталь аҟны иԥсҭазаара далҵит 1936 шықәсазы ииз апациент. Ахаҵа ахәышәтәырҭа дҭашәеит акоронавирустә инфекциа ицәа иаланы абҵара 22 рзы. Ареанимациа аҟәшахьы диаган иҭагылазаашьа акыр ианыӷәӷәаха абҵара 26 рзы. Иақәнагаз атерапиа шизымҩаԥыргозгьы, идунеи иԥсахит абҵара 29 рзы.

Абҵара 29 рзы аҟәатәи амобилтә госпиталь аҟны иԥсҭазаара далҵит 1940 шықәса рзы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит. Иақәнагаз атерапиа шизымҩаԥыргозгьы, апациент иԥсҭазаара далҵит игәеисра аԥсыҽхара иахҟьаны абҵара 29 рзы. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 79-ҩык ауааԥсыра, урҭ рахьтә 65-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит 35-ҩык апациентцәа.

Аҟәатәи амобилтә госпиталь аҟны ишьҭоуп акоронавирус зыдбалоу 43-ҩык апациентцәа. 40-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5970-ҩык ыҟоуп. Урҭ рахьтә ргәы бзиахеит 3845-ҩык, рыԥсҭазаара иалҵит 84-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Ачымазара ҿкы – акоронавирус Аԥсни адунеи аҿи: иалкаау