Ареспублика асанитартә ҳақьым хада: Аԥсны акоронавирус еиҵамхаӡеит

10
(ирҿыцуп 11:14 17.11.2020)
Абҵара 16 рызтәи аоперштаб адыррақәа рыла Аԥсны иазгәаҭоуп 5099 коронавирус хҭыс, рыԥсҭазаара иалҵхьеит 62-ҩык.

АҞӘА, абҵара 17 – Sputnik, Бадраҟ Аҩӡба. Аԥсны иахьаҵанакуа акоронавирустә инфекциа еиҵамхаӡеит ҳәа лҳәеит Sputnik аинтервиу азҭаз ареспублика асанитартә ҳақьым хада Лиудмила Скорик.

"Атестқәа ҟазҵо ауаа рхыԥхьаӡара еиҵахеит, атест ҟазҵо рыбжьара авирус змоу шыҟац иаанхоит. Иахьа атест ззыҟаҳҵо ианҳадҵаалаз аҽназы аҭак раҳҭоит", - лҳәоит лара.

Атестҟаҵара инеиуа ауаа рхыԥхьаӡара еиҵазтәыз урҭ аԥкырақәа еиҳа ирықәныҟәо иахьалагаз ауп ҳәа азылшьоит Скорик. Лара лгәаанагарала, иаԥҵоу аԥкырақәа зегьы ирықәныҟәалатәуп.

"Аԥсны акоронавирус иацәцеит ҳәа аҳәара раԥхьа иргыланы хжьароуп. Ачымазара шыҟац иҟоуп. Еихьӡара маҷқәак ҳамоуп, уи ауаа ачымазара шыҟоу азхарҵеит. Ҳара аԥҟарақәа зегьы ҳрықәныҟәалароуп, Адунеизегьтә гәабзиарахьчаратә еиҿкаара ишаҳәо аиԥш", - ҳәа азгәалҭеит лара.

Лудмила Скорик иара убасгьы иазгәалҭеит раионқәак рҿы аԥҟарақәа ишрықәымныҟәо. Ҿырԥшыс иаалгеит Очамчыра араион. Уа массала ачарақәа, акомпаниақәа мҩаԥыргоит ҳәа лҳәеит аҳақьым. Убри инадҳәаланы акоронавирус зыхьуа араион аҿы рхыԥхьаӡара шьҭыҵит ҳәа азгәалҭеит Скорик.

Иара убас шәаԥхьар ҟалоит:

10
Ингур ГЭС.

Аԥсны Апарламент: ЕгрыГЕС аҟны аусурақәа хыркәшахаанӡа амаининг ахархәара азин ԥкызарц

1
(ирҿыцуп 19:21 23.11.2020)
Акриптавалиута амаининг азы аусурақәа рзин ҟаҵан абҵара 21 рзы Аминистрцәа реилазаара ақәҵарала.

АҞӘА, абҵара 23 – Sputnik, Бадраҟ Аҩӡба. Ашәахьа, абҵара 23 рзы Аԥсны Апарламент аилатәараҿы ақәҵара аднакылеит, уи инақәыршәан Аминистрцәа реилазаара иабжьган ЕгрыГЕС аремонт иалгаанӡа амаининг ахархәара азин ԥкызарц.

Уи адагьы Апарламент ақәҵараҿы иҳәоуп ареспубликахь амаинингтә хархәагақәа ралагаларагьы азин ыҟам.

АУН "Амшынеиқәафымцамч" иабжьгоуп ЕгрыГЕС амчхара амаининг азы закәаншьаҭада зхы иазырхәо ауаа раарԥшра аҽазнакырц.

Иара убасгьы аҳәынҭқарратә наплакқәа, аусбарҭақәа ирабжьгоуп дара иртәу амазарақәа амаининг азы ахархәара алдмыршарц.

Аекономика аминистрра иабжьгоуп амаининг анорматив-зинтә ҭышәныртәаларазы аус аднауларц азакәан апроект, азакәанԥҵара алагаларазы.

Абҵара 18 рзы Апарламент аҿы аекономика аминистр Кристина Озганԥҳаи "Амшынеиқәафымцамч" аиҳабы Михаил Логәуеи алархәны аенергетикаҿы иҟоу апроблемақәа ирызкыз аилатәара мҩаԥыргеит.

Апарламент аилатәараҿы "Амшынеиқәафымцамч" аиҳабы Михаил Логәуа иазгәеиҭеит амаинерцәа русура 2021 шықәса лаҵарамзанӡа, ЕгрыГЕС аремонтқәа хыркәшахаанӡа  иаанкылатәуп ҳәа.

Аԥсны иахьаҵанакуа аамҭа-аамҭала афымцалашара арцәара иалагеит абҵара 15 инаркны.  Усҟан алашара дырцәалон уахыки-ҽнаки рыла хынтә.
2020 шықәса абҵара 21 инаркны Аԥсны иахьаҵанакуа афымцалашара арцәара аграфик дыркьаҿуеа иалагеит. Уи инақәыршәаны афымцалашара дырцәалоит уахыки-ҽнаки рыла ҩынтә ҩба-ҩба сааҭ.

Иара убас шәаԥхьар ҟалоит:

1

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

5
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

5