Гагра аӡыҭгага аремонт азыруит, аха актәи аихагылақәа рахь ада аӡы зхалом

11
Гагра араион Аӡыканал адыррала ауааԥсыра аӡы рыҭара аанкылан аӡыҭгагатә станциа "Репруа-1" аҟны аркыга ахьыԥхасҭахаз иахҟьаны.

 АҞӘА, абҵара 18 – Sputnik, Бадри Есиава. Аӡыҭгага станциа "Репруа-1" аҿы иԥхасҭахаз амыруга рыԥсахит, аха аӡеизакырҭақәа рҿы афымцалашара арцәара иахҟьаны иазхаша аӡы зеизом ҳәа иҳәеит Гагра Аӡыканал аиҳабы Беслан Цыгәба.

"Иацы асааҭ 17:00 шыҟаз ҳусурақәа хҳаркәшеит, аха афымцалашара аамҭа-аамҭала арцәара иахҟьаны аӡеизакырҭа аҭәра иахьӡом. Ҳара аӡы ишиашаз инаҳашьҭит, аха актәи аихагылақәа аӡы зырхымсит. Уаанӡа уахык ала 1,5-2 метра аӡы еизаҳкуазҭгьы, уажәы абжагьы ҳзеизгом", - ҳәа иҳәеит иара.

Гагра ӡыла еиқәзыршәо аӡеизакырҭа х-нызқь куб акуеит. Аӡыҭгагақәа еиԥҟьарада аус аныруа уахык ала абжаранӡа иҭәуеит ҳәа азгәеиҭеит Цыгәба.

Уаанӡа Цыгәба Sputnik акорреспондент даниҿцәажәоз иҳәеит аӡыҭгагатә станциа "Репруа-1" аркыга шыԥхасҭахаз афымцалашара аамҭа-аамҭала иахьдырцәо азы. Абҵара 16 рзы аҟазауаа иԥхасҭахаз амыруга рыԥсахит, аха аиҳабы дацәшәоит иҟалаз еиҭаҟалар ҳәа. Ишәарҭара аҭыԥ аиур, Гагра, ианеиҵаха, мчыбжьык ӡыда иаанхоит.

Цыгәба иҳәеит апроблема ишалацәажәахьоу, аха аӡбра шамоуц.

Иара убас шәаԥхьар ҟалоит:

 

11

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

11
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

11

Аԥсны акоронавирус даҽа 28-ҩык ирыдырбалеит иҳаҩсыз уахыки-ҽнаки рыла

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 1 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 199-ҩык атестқәа рзыҟаҵан, урҭ рахьтә 28-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп - 21-ы.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 15-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау