Бжьаниа аҳаиртә баӷәаза аусура ахацыркразы Росавиациа анапхгаҩы ихаҭыԥуаҩ диҿцәажәеит

© Foto / официальный сайт Президента Республики Абхазия Президент Абхазии Аслан Бжания принял заместителя руководителя Федерального агентства воздушного транспорта (Росавиация) Олега Сторчевого
Президент Абхазии Аслан Бжания принял заместителя руководителя Федерального агентства воздушного транспорта  (Росавиация)  Олега Сторчевого - Sputnik Аҧсны
Анапаҵаҩра
Росавиациа аделегациа Аԥсныҟа иааит Аҟәатәи аҳаиртә баӷәаза акапиталтә ремонт аҟаҵареи атехникатә ҭагылазаашьа ашьақәыргылареи рыҭҵааразы.

АҞӘА, абҵара 18 - Sputnik. Аԥсны ахада Аслан Бжьаниа дидикылеит аҳаиртә транспорт Афедералтә маҵзура (Росавиациа) анапхгаҩы ихаҭыԥуаҩ Олег Сторчев ҳәа аанацҳауеит ахада исаит абҵара 18 рзы.

Аэропорт Сухум им. В.Г. Ардзинба - Sputnik Аҧсны
Бжьаниа: Аԥсны ақәгәыӷуеит аҳаиртә баӷәаза 2023 шықәсазы аусура иалагап ҳәа

Аԥсни Урыстәылеи рхадацәа абҵара 12 рзы реиԥылараан иалыршахеит Аԥсны аҳаиртә баӷәаза аиҭашьақәыргылара азҵаараҿ акахьы аицкылсра. Аслан Бжьаниа абҵара 17 рзы имҩаԥигаз паресс-конференциаҿы иҳәеит аҳаиртә баӷәаза аусура шалшо, аха уи азы Аԥсны аҭагылазаашьа маншәалақәа еиҿнакаар шакәу.

Уажәы Росавиациа аделегациа Аԥсныҟа иааит Аҟәатәи аҳаиртә баӷәаза акапиталтә ремонт аҟаҵареи атехникатә ҭагылазаашьа ашьақәыргылареи рыҭҵааразы.

Аслан Бжьаниа Олег Сторче иԥылараан иазгәеиҭеит ари атема аҳәынҭқарра еиҳа аԥыжәара знаҭо азҵаарақәа ишыруаку.

"Азҵаара ахьыӡбам иахҟьаны ҳтәыла аекономика ацәыӡқәа амоуп, Аԥсны аҿиарамҩа аанакылоит, аҳәынҭқарра ахьӡгьы иҵоурамкәа ианыруеит. Аҟәатәи аҳаиртә баӷәаза аԥеиԥш бзиа ҟазҵо аҟазшьақәа амоуп. Ҳара шәыцхыраареи шәыдгылареи ҳрықәгәыӷуеит ари аус аӡбараҿы. Ҳара Урыстәылаҟа ҳназго, уахьынтә адунеи ахь ҳкылызго амҩа ҳҭахуп. Иуҳәар ауеит ари аполитикатә ҟазшьоуп иамоу аекономикатә аасҭа", - иҳәеит атәыла ахада.

Росавиациа ахада ихаҭыԥуаҩ Аслан Бжьаниа аиԥыларазы иҭабуп ҳәа иеиҳәеит.

"Ишышәҳәаз еиԥш иахьазы иус хаданы иҟоу ажәытә аамҭақәа раан аиԥш аҳаиртә баӷәаза алшарақәа рырхынҳәроуп", - иҳәеит Олег Сторчевои.

Аиԥылараан инарҵауланы иалацәажәан апроект анагӡара азҵаарақәа.

Иара убас шәаԥхьар ҟалоит:

 

Ажәабжьқәа зегьы
0