Жәымзы рыҩныҵҟа Аԥсныҟа иааргахьеит 43 нызқь ак амаинингтә хархәагақәа

22
(ирҿыцуп 15:53 18.11.2020)
Ажьырныҳәа 21 аахыс Аԥсныҟа азин ыҟам акриптовалиута аиуразы ахархәагақәа ралагалара.

АҞӘА, абҵара 18 - Sputnik, Бадраҟ Аҩӡба. 2020 шықәса жәымз рыҩныҵҟа Аԥсныҟа иаагоуп 43 414 ак маинингтә хархәага ҳәа иҳәеит Аԥсны аҳазалхратә еилакы ахантәаҩы Гурам Инаԥшьба Аԥсны Апарламент аилатәараан.

Инаԥшьба иажәақәа рыла амаининг хархәагақәа Аԥсныҟа раагара иалагеит 2016 шықәса рзы. Убри ашықәс инаркны 2019 шықәсанӡа арахь иҭагалан 21 218 хархәага.

Ажьырныҳәа 21 аахыс х-нызқь инарзынаԥшуа хархәага зтәу ирымхуп ҳәа иҳәеит аилак ахантәаҩы.

Апарламент аилатәараҿы "Амшынеиқәафымцамч" аиҳабы Михаил Логәуа иазгәеиҭеит рнаплакқәа рҭаҩразы ишрыдҵаалаз 20% амаинерцәа.

"Ахәаԥшраз иҳадгалан 120 материал. Рыбжа иаразнакы мап рыцәкын арҭ араионқәа рҿы афымцамчхара ахьаҳзалмыршоз азы", -  иҳәеит Логәуа амаининг аргаматәра аҭагылазаашьа далацәажәо. Иагьациҵеит иахьазы зыҳәак аҭак ҵоураны ишаҭам".

Аԥсны цәыббра 21 2020 шықәса рзы Аԥсны аминистрцәа реилазаара ақәҵарала иаԥыхын уаанӡатәи акриптовалиута аиуразы мап зыцәкыз азин. Аиҳабыра ирыдыркылеит ҩ-қәҵарак акриптавалиута аиура ҭышәынзыртәало. Урҭ инарықәыршәаны жьҭаара 21 инаркны Аԥсныҟа алагалара ҟалом амаинингтә хархәагақәа. Абҵара 7 иахымгакәа ари абизнес знапы алаку Аекономика аминистрраҿы уи азы аофициалтә шәҟәы роуроуп ареестр ишану арбаны.

Амаинерцәа рзы афымцалашара ахәԥса мааҭки бжаки ҟалоит. Абҵара 17 рзтәи апресс-конференциаҿы Аԥсны ахада Аслан Бжьаниа иазгәеиҭеит ақәҵараҿы ишарбо аҭагылазаааашьақәа ирҿырԥшны ари атариф ԥсаххар шалшо.

Иара убас шәаԥхьар ҟалоит:

22
Атемақәа:
Аԥсны аенергетика апроблемақәа (155)

Валериа Адлеиԥҳа ҷыдала афестиваль "Аԥсны" азы ашәа ҿыц ҭалҩит

6
(ирҿыцуп 10:32 01.12.2020)
Валериа Адлеиԥҳа – жәларбжьаратә авокалтә шоу "Ты супер!" актәи асезон аҿы аиааиҩы.

АҞӘА, ԥхнҷ 1 – Sputnik. Валериа Адлеиԥҳа ҷыдала афестиваль "Аԥсны", Москватәи аԥсуа диаспора еиҿыркааз азы иҭалҩит аԥсышәала ашәа "Сыҟоуп уааигәара" (Я с тобой). Абри атәы  Sputnik иазеиҭалҳәеит лара ашәаҳәаҩ лхаҭа.

"Афестиваль "Аԥсны" ҩынтәуп салахәхоижьҭеи. Ҵыԥх Москва сықәгылан, сынтәа апандемиа иахҟьаны иҳаӡбеит онлаин амҩаԥгара. Азыӡырыҩцәа рзы ашәа-аҳамҭа ҭааҩит",- лҳәоит лара.

Валериа лажәақәа рыла ашәа аҩызареи аицхыраареи ирызкуп.

"Ашәаҿ уҩыза  ҭагылазаашьак иахҟьаны инапқәа аниваҳауа, имч анымхо ушивагылаша атәы аҳәоит. Зегь шыбзиахо агәра иуыргароуп. Ашәа ахьӡгьы "Сыҟоуп уааигәара" ҳәоуп ишыҟоу",- лҳәоит лара.

Ажәақәеи амузыкеи иҩит Анри Гәымба, ашәа акустикатә версиа иалахәын амузыкантцәа - Алхаси Алмасхани Марколиаа, Ҭимур Агрба. Абек вокал – аԥсуа блогер Сандро Аблоҭиеи Ирена Сымсымԥҳаи.

Афестиваль "Аԥсны", Москватәи аԥсуа диаспора еиҿыркааит цәыббра 30 2018 шықәса рзы.

2020 шықәсазы акоронавирустә пандемиа иахырҟьаны онлаин-формат ала имҩаԥгахоит.

Валериа Адлеиԥҳа – жәларбжьаратә авокалтә шоу "Ты супер!" актәи асезон аҿы аиааиҩы афестиваль лҽалалырхәырц анаԥхьара лыҭан.

Иара убас шәаԥхьар ҟалоит:

6

Аслан Бжьаниа ақалақьқәеи араионқәеи рхадацәа алархәны аилацәажәара мҩаԥигеит

4
(ирҿыцуп 09:31 01.12.2020)
Аиԥылараҿы ирылацәажәан атәылаҿ аҭагылазаашьа, аҭыԥантәи абиуџьетқәа рынагӡашьа, аепидемиологиатә ҭагылазаашьа.

АҞӘА, ԥхынҷ 1 - Sputnik. Аԥсны ахада Аслан Бжьаниа ақалақьқәеи араионқәеи рхадацәа алархәны аилацәажәара мҩаԥигеит ҳәа аанацҳауеит ахада исаит.

Абиуџьет анагӡара шымҩаԥысуа, акоронавирустә инфекциа иаҿагыланы ақәԥара шцо, ақыҭанхамҩеи асоциалтә усхки рҟны аҭагылазаашьа атәы атәыла ахада изеиҭарҳәеит Аҟәа ақалақь, Гал, Тҟәарчал, Очамчыра, Гәылрыпш, Аҟәа, Гәдоуҭа, Гагра араионқәа рхадацәеи Афон Ҿыци Пицундеи ақалақьқәа рхадацәеи.

Аԥсны ахада ааԥхьара ҟаиҵеит напхгара зырҭо ақалақьқәеи араионқәеи рҿы иныҭкааны аҭагылазаашьа ҭырҵаарц.

"Арегионқәа рпаспортқәа аԥҵатәуп. Шәара ишәымазароуп аинформациа ақыҭанхамҩатә хархәара змоу адгьылқәа рзы. Аусуралшара змоу ауааԥсыра рхыԥхьаӡараз уҳәа ихадоу егьырҭ аусхкқәа рзы", - иҳәеит Бжьаниа, иара убасгьы иазгәеиҭеит абизнес маҷи абжьаратә бизнеси ацхыраара шрыҭатәу.

Уи адагьы ахада иазгәеиҭеит арегионалтә напхгаҩцәеи азинхьчаратә усбарҭақәеи еиҳа ибзианы еинырлар шакәу.

Аиԥылара далахәын ахада Иусбарҭа анапхгаҩы Алхас Кәыҵниа, ихаҭыԥуаа Саида Быҭәԥҳа, Џьансух Нанба, Зураб Қаџьаиа, Аԥсны АШәМ ахантәаҩ ихаҭыԥуаҩ Тимур Ахьиба.

Аилацәажәара хыркәшо Аслан Бжьаниа ақалақьқәеи араионқәеи рхадацәа иреиҳәеит атәылаҿ аепидемиологиатә ҭагылазаашьа шааиӷьхалак арегионқәа рҿы аиԥыларақәа рымҩаԥгара ишациҵо атәы.

4