Первый снег на озере Рица

Аӡиа Риҵаҿы раԥхьатәи асы леиит

38
(ирҿыцуп 14:09 19.11.2020)
Риҵатәи ареликттә милаҭтә парк аушьҭырҭа аҭыԥ аҿы аԥхынтәи агьежьқәа зҵоу автомашьынақәа апарк аҵакырахь инарышьҭуам.

АҞӘА, абҵара 19– Sputnik, Сариа Кәарцхьиаԥҳа. Аԥшьаша, абҵара 19 рзы Риҵа сынтәазы раԥхьатәи асы леиит ҳәа Sputnik иазеиҭеиҳәеит Риҵатәи  ареликттә милаҭтә парк абнахьчаҩ хада Ҭенгьиз Џьергьениа.

"Асы алеира иалагеит ашьыжь асааҭ быжьба рзы. Макьаназы хәбаҟа сантиметра роуп ишьҭоу. Амш аҵыхәтәахьы иҵегьы иацлоит. Ауадҳара 45 сантиметра рҟынӡа шьҭагылахьеит", - иҳәеит иара.

Џьергьениа иажәақәа рыла амилаҭтә парк ахь уназго амҩақәа цқьоуп, аха иаҭаххар атехника ҷыда ахархәара аиуеит.

© Foto / Тенгиза Джергения
Аӡиа Риҵаҿы раԥхьатәи асы леиит

Џьергьениа иҳәеит Риҵаҟа ишхало атуристцәа реиԥш аҭыԥантәи ауааԥсырагьы. Адәқьанқәа, акрыфарҭақәа уаанӡеиԥш аус руеит.

© Foto / Тенгиза Джергения
Аӡиа Риҵаҿы раԥхьатәи асы леиит

"Аиҳарак Гәыбаа адәы аҟынтәи иаауеит. Атуристцәа автобусқәеи аспринтерқәеи рыла ихалоит. Сгәы иаанагоит аԥсшьарамшқәа раан иҵегьы ирацәахап ҳәа иаауа. Амҩақәа цқьоуп. Иахәҭахар иаҳрыцқьоит атехника ҷыдала", -  иҳәеит иара.

Риҵатәи  ареликттә милаҭтә парк аушьҭырҭа аҭыԥ аҿы аԥхынтәи арезина зҵоу автомашьынақәа апарк аҵакырахь инарышьҭуам, амашьынақәа рҭагылазаашьа иахәаԥшуеит.

Ари раԥхьатәи асы абнахьчаҩ ишиҳәо ала рацәак ишьҭагылом. 2020 шықәсазы Риҵатәи ареликттә милаҭтә парк иаҭааит 283 598-ҩык. Хымз рыҩныҵҟа апарк иаиуит 95 миллион 826 нызқь 800 мааҭ ахашәала.

38

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

7
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

7

COVID-19 Аԥсны: 62-ҩык аҿкы рыдырбалеит, ҩыџьа рыԥсҭазаара иалҵит

4
Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 62-ҩык акоронавирус рцәа ишалаз аадырԥшит.

АҞӘА, абҵара 23- Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит абҵара 22 рзы, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Иԥсҭазаара далҵит 64 шықәса ирҭагылаз ахаҵа. Иара ахәышәтәырҭа дҭашәеит абҵара 5 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит игәеисра аԥсыҽхара иахҟьаны.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны лыԥсҭазаара далҵит 1940 шықәсазы ииз апациент. Иақәнагаз атерапиа шылзмҩаԥыргозгьы, лыдунеи лыԥсахит лгәеисра аԥсыҽхара иахҟьаны.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 72-ҩык ауааԥсыра, урҭ рахьтә 58-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 19-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит 30-ҩык апациентцәа, хҩык рҭагылазаашьа уадаҩуп.

Амобилтә госпиталь аҟны ишьҭоуп акоронавирус зыдбалоу 31-ҩык апациентцәа. 27-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5374-ҩык ыҟоуп. Урҭ рахьтә ргәы бзиахеит 3623-ҩык, рыԥсҭазаара иалҵит 70-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау