Апансионат "Ауадҳара" асезон анаркит

29
Уажәазы Ауадҳара иахьаҵанакуа 45 сантиметра рҟынӡа асы шьҭоуп. Аӡынразы апансионат "Ауадҳара" аномерқәа рҿы аԥхарра ахьыҟам азы аԥсшьаҩцәа аднакылом.

АҞӘА, абҵара 19 – Sputnik, Сариа Кәарцхьиаԥҳа. Апансионат "Ауадҳара" асезон шанаркыз азы Instagram аҿтәи адаҟьаҿы адырра ҟанаҵеит.

"Ауадҳара" асезон рашәара 3 рзы иаанартит. Уажәраанӡа ара рыԥсы ршьеит 1837-ҩык.

"Асезон цәгьамкәа имҩаԥысит. Уадаҩра дук ҳамамызт. Сынтәа рыԥсы ршьеит 1837-ҩык. Урҭ рҟынтәи Аԥснытәқәа – 1711-ҩык, урыстәылатәи атуристцәа – 116-ҩык", - ҳәа еиҭеиҳәеит  адиректор Асҭан Арсҭаа.

Иара иажәақәа рыла, 2020 шықәсазы иагьшоурацәамызт, иагьыхьшәашәарацәамызт азы, ашьхараҿы аԥсшьара бзианы ирхыргеит.

"Сынтәа апансионат "Ауадҳара" зыԥсы зшьаз зегьы агәахәара ду роуит ҳәа сыҟоуп. Асезон анааҳарт инаркны амшқәа оумашәа ибзиан. Иагьшоурамызт, иагьыхьшәашәарамызт", - азгәеиҭеит иара.

Иҟан ауадаҩрақәагьы. Аперсонал ахьӡомызт аномерқәа разырхиара.

"Уи зыхҟьаз ицози иаауази рыбжьара аамҭа маҷын. Аиҳараҩык аҩнқәа ҩымш-хымш ҳәа иргон. Аԥхьанатә иҳаздырамызт аҳәаа аадыртуоу иаадмыртуоу, атуристцәа ҟало иҟамло. Уи азы уахыки-ҽнаки ҳәа инеиуазгьы ҳадаҳкылон", - иҳәеит адиректор.

"Ауадҳара" асезон абҵара 1 азы иадыркит.

Аӡынразы апансионат "Ауадҳара" аномерқәа рҿы аԥхарра ахьыҟам азы аԥсшьаҩцәа аднакылом.

Ауадҳара раԥхьатәи асы абҵара 2 рзы илеит. Уажәы уа 45 сантиметра рҟынӡа шьҭоуп.

Иара убас шәаԥхьар ҟалоит:

29

Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла

9
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.

АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Аҿкычымазара – акоронавирус Аԥсни адунеи аҿи: иалкаау

Чамагәуа Ҳабҩы азы: еизааигәаны аҭыԥԥшаӡарақәа рацәоуп

10
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы

"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.

Шәазыӡырҩы аудио.

Иара убас шәаԥхьар ҟалоит:

10