Ҵахнакьиа: COVID-19 змоу апациентцәа рзы 530 ҭыԥ рхиоуп Аԥсны

9
COVID-19 зыдбало апациентцәа рзы аиара-ҭыԥ цҵақәа аԥснытәи араионтә хәышәтәырҭақәа рҿы еиҿкаауп Атәыла ахада иусдҵала.

АҞӘА, абҵара 22 – Sputnik. Аԥсны ахы-аҵыхәа иахьаҵанакуа COVID-19 змоу апациентцәа рзы 530 ҭыԥ рхиоуп, арҭ аиара-ҭыԥ цҵақәа ҳазхоит, избан акәзар ахәышәтәырҭақәа ирыдҵаало ауааԥсыра рхыԥхьаӡара еиҵахеит иҳәеит Аԥсны агәабзиарахьчара аминистр Ҭамаз Ҵахнакьиа. Абри атәы аанацҳауеит аусбарҭа апресс-маҵзура.

COVID-19 зыдбало апациентцәа рзы егьырҭ ахәышәтәырҭақәа рҟны иаԥҵаз аиара-ҭыԥ цҵақәа акырӡа гәдоуҭатәи агоспиталь иацхрааит, иҳәеит аминистр.

Акоронавирус зцәа иалоу апациентцәа рзы аиара-ҭыԥ цҵақәа аԥснытәи араионтә хәышәтәырҭақәа рҿы еиҿкаауп Атәыла ахада иусдҵала.

"Аиара-ҭыԥ цҵақәа аартын ареспублика ахәышәтәырҭақәа реиҳарак рҟны. Апациентцәа аҭыԥан ироуан иахәҭаз ацхыраара, ицхыраагӡахеит амедицинатә усҳәарҭақәа русураҿы", -  иҳәеит иара.

Ҵахнакьиа иазгәеиҭеит, зҭагылазаашьа хьанҭоу ачымазцәа гәдоуҭатәи агоспиталь ахь ишырышьҭуа, уаҟа еиҳа иманшәалоуп ас еиԥш иҟоу апациентцәа рыхәышәтәра.

Аԥсны агәабзиарахьчара аминистр иҳәеит, раԥхьа гәдоуҭатәи ахәышәтәырҭаҟны ишеиҿкааз аковид-чымазцәа рзы 240 аиара-ҭыԥ, 45 ҭыԥ аинфекциатә корпус иатәын, урҭ рахьтә 20 ҭыԥ ареаниамациатә ҟәша.

"Жьҭаарамзазы Аԥсны иазгәаҭан аҿкычымазара зыдбало рхыԥхьаӡара аизҳара. Ахәышәтәырҭақәа рахь инаргон зҭагылазаашьа бааԥсызи ибжьаратәызи апациентцәа. 80% ачымазцәа рзы ихымԥадан аҵәыҵәри ала ацхыраара рыҭара", - иҳәеит аминистр.

Абҵара 22 адыррақәа рыла гәдоуҭатәи агоспиталь аҟны ишьҭоуп 78-ҩык, урҭ рахьтә рҭагылазаашьа бааԥсуп 25-ҩык, Аҟәатәи аинфекциатә хәышәтәырҭаҿы ирхәышәтәуеит 28-ҩык апациентцәа, урыстәылатәи амобилтә госпиталь аҟны 36-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5380-ҩык ыҟоуп. Урҭ рахьтә ргәы бзиахеит 3616-ҩык, рыԥсҭазаара иалҵит 68-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

9
Атемақәа:
Ачымазара ҿкы – акоронавирус Аԥсни адунеи аҿи: иалкаау (868)

Абҵарамза 25 рзы Аҟәа ахәҭак ӡыда иаанхоит

0
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

0

Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

0
Аҳақьым - атерапевт Оксана Лакербаиа арадио Sputnik аефир аҟны еиҭалҳәеит COVID-19 зхызгаз даҽа чмазарак рзыннажьуа ма иаргәамҵуа иҟоу иҟаму атәы.
Аҳақьым Лакербаиа еиҭалҳәеит COVID-19 зыхьуа уаҳа чмазара рзыннажьуазар атәы

"Сара сыпрактиҟаны аковид чмазара зхызгаз, уи ада даҽа чмазарак рзыннажьыртә еиԥш сԥыхьамшәацт. Егьыс дара ирымаз ачымазарақәа ихьанҭаны ицоит. Атест анҳаулак аковид-чмазара рымамҳәа ргәы ҳахылаԥшуеит, ршьақәыӷәӷәара ҳацклаԥшуеит, рыхәшәқәа иржәуа ҳарҽеиуеит, ашьақар чмазара змоу гәаҳҭоит. Зықәрахь инеихьоу еиҳарак даҽа уадаҩрак роуеит антибиотикқәа рышьҭахь ркьатеиқәа русураҟны. Убри аҟынтәи абактериақәа- апробиотикқәеи апребиотикқәеи рзацаҳҵоит рыхәшәтәраҟны. Ианаамҭоу ахәшәқәа рзылыҩҩааны ажәра иалагар, ахәшәтәра бзианы ицоит", - лҳәеит Лакербаиа.

Лара иазгәалҭеит хәышәҩык инареиҳаны ҭелла абжьгарақәа шрылҭоз аҽыхәшәтәразы COVID-19 аҟынтәи.

"Уи даара ицәгьоуп, хыџьара аус зуеит, ҩыџьара есҽны ашьыжь инаркны шьыбжьонынӡа, анаҩс аполиклиника аҟны аус зуеит. Ҭелла исзасуа аҭак ансызрымҭалак, аҩны саннеиуа сырзасуеит", - лҳәеит Лакербаиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

0
Атемақәа:
Ачымазара ҿкы – акоронавирус Аԥсни адунеи аҿи: иалкаау (868)