Аԥсны иҟоу Урыстәыла Ацҳаражәҳәарҭа аконсултә ҟәша аусура хацнаркуеит

16
(ирҿыцуп 14:19 23.11.2020)
Аҭааҩцәа рахь аҳәамҭа ҟаҵоуп акоронавирус алаҵәара ашәарҭара иахырҟьаны асабрадақәа рҿазарц, фҩык-фҩык иреиҳамкәа адкыларҭахь инеиларц.

АҞӘА, абҵара 23 - Sputnik. Аԥсны иҟоу Урыстәыла Ацҳаражәҳәарҭа аконсултә ҟәша аусура хацнаркуеит лаабҵара 30 инаркны. Абри атәы аанацҳауеит аусбарҭа Facebook аҿтәи адаҟьаҟны.

Иазгәаҭоуп ихиоу атәылауаҩшәҟәқәа есыҽны ишрырҭо асааҭ 9:00 - 12:45; 14:00- 17:00 рҟынӡа.

❗️❗️❗️ С 30 ноября возобновляется прием граждан по всем консульским вопросам. Прием заявлений на оформление пятилетних...

Опубликовано Посольство России в Абхазии Воскресенье, 22 ноября 2020 г.

Аконсултә ҟәша аҳәаанырцәтә тәылауаҩшәҟәқәа рзы жьҭаара 13 инаркны абҵара 17 рҟынӡа анкетақәа алазҵахьаз рзы ишьақәыргылоуп аграфик. Абҵара 18 инаркны ашәҟәқәа алазҵаз рзы ԥхынҷкәын анҵәамҭазы аграфик рылаҳәахоит.

Алегализациа азҵаара, АҬАР азҵаарарыӡбра,  авизақәа рыҭара мҩаԥыслоит асааҭ  9:00 - 12:45 рзы.

Аҭааҩцәа рахь аҳәамҭа ҟаҵоуп акоронавирус алаҵәара ашәарҭара иахырҟьаны асабардақәа рҿазарц, фҩык-фҩык иреиҳамкәа адкыларҭахь инеиларц. ОРВИ аҟазшьа зыдбалоу дрыдыркылом.

16

"Амшынеиқәафымцамч" афымцалашара аиуразы аԥкырақәа аланагалоит

7
(ирҿыцуп 18:56 19.01.2021)
Ареспублика иахьаҵанакуа иалкааны алашара арцәаразы аграфик ҟалом, азхьаԥшра аҭахоит афымцацәаҳәақәа зҵало ахьанҭара.

АҞӘА, ажьырныҳәа 19 - Sputnik. "Амшынеиқәафымцамч" афымцалашара аушьҭраз аԥкырақәа аланагалоит асистема иаиуа ахьанҭара инадҳәаланы ҳәа аанацҳауеит АУН "Амшынеиқәафымцамч".

Асеиԥш ауснагӡатәқәа ирылагоуп авариа дуқәа раԥырҟәҟәааразы. Астанциа маҷқәа ирҟәыгоу афидерқәа дырцәалоит ахьанҭара аныҟалалак.

"Амшынеиқәафымцамч" апресс-маӡаныҟәгаҩ Алхас Гагәылиа иҳәеит афымцасистема ахьанҭара иҟалаз ахьҭақәа ирыхҟьеит. Уажәы ауаа еиҳа афымцалашара ахархәара арҭоит, уи адагььы уаанӡа иаҿыхыз амаинингфермақәа еиҭахьаҿаԥыршьуазы ҳәа.

Гагәылиа иҳәеит алашара арцәара бжьаратәла сааҭк аҟынӡа инаӡоит, ари аамҭа ҩ-сааҭк рҟынӡа инаӡазар, иплантәу арцәара акәӡам аҭыԥ змоу, авариоуп ҳәа.

"Амшынеиқәафымцамч" аҿы аус ауеит ардырратә маҵзура. Азҵаарақәа зегьы рзы аҭел асра алшоит абри аномер ала: +7 940 730 02 20; +7 940 930 02 20.

Гагәылиа иҳәеит АУН аколлцентр ахь ауаа рацәа аҭел ишасуа. Авариақәак раамҭаан минуҭк ала шәҩык рҟынӡааамҭакала аҭел ианасуа шыҟоу.

7

Ҳанагәуа: афермақәа аҿыхуп, аха рыуа-рҭахы рахь ишаны аҩнқәа рҿы иахьдыргылаз ыҟоуп

13
(ирҿыцуп 17:19 19.01.2021)
Гәылрыԥшь араион "Амшынеиқәафымцамч" афилиал аиҳабы Зураб Ҳанагәуа арадио Sputnik аефир аҿы еиҭеиҳәеит араион аҿы амаинингқәа рҿыхразы имҩаԥырго аусура атәы.
Раионк аԥсҭазаараҟынтә: Ҳанагәуа Гәылрыԥшь амаинингқәа рзы

"Афермақәа ахьаҟәырхыз рыуа-рҭынха рахь ишаны аҩнқәа рҿы иахьдыргылаз ыҟоуп. Уи проблеманы иҟоуп атәыла зегьы аҿы. Ҳраион аҿы афермақәа иаҿыхны, еимыхны иҟоуп. Ҳара есыҽны агәаҭарақәа мҩаԥаагоит. Трансформаторк аҿы аӡәы днеины акы аԥишьыр, ихаҳҵәоит, ҳрацәажәоит. Иҟоуп ахҭысқәа ихҵәаны нас еиҭа имҵаа иахьаԥыршьуа, аха урҭ анаҩс еиҭа иаҿаҳхуеит. Аусутәқәа зегьы мҩаԥгахар, ҳаргьы ԥсеивгарак ҳауеит ҳәа сақәгәыӷуеит ", - ҳәа еиҭеиҳәеит Ҳанагәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

13