Апандемиа аамҭазы Аԥснытәи аҳәынҭқарратә университет аус ауеит ирмариоу аграфик ала

22
(ирҿыцуп 13:42 24.11.2020)
Аԥснытәи аҳәынҭқарратә университет цәыббрамзазы аграфик ҿыц ахь ииасит. Алекциақәа рыхәҭак адистанциатә ҟазшьа рыҭан, егьи рыхәҭа – уаанӡатәи арежим аҿы иныжьын.

АҞӘА, абҵара 24 - Sputnik. Аԥснытәи аҳәынҭқарратә университет аҿы асессиа инеиҭасуа арежим ала имҩаԥгахоит ҳәа арадио Sputnik иазеиҭеиҳәеит ААУ аректор актәи ихаҭыԥуаҩ Виктор Маланӡиа.

"Уаанӡа ҩымчыбжь азшьақәа, анаҩстәи аҩымчыбжь аԥышәарақәа шыҟаз аиԥш иҟалом. Иарбоу адисциплина аганахь ала аусурақәа шхыркәшахалак азшьақәеи аԥышәарақәеи мҩаԥгахоит. Аҵаратә дисциплинақәа блок-блокла еихаҳшеит. Ари аҩыза аформа аҵараиурҭақәа жәпакы рхы иадырхәоит, хаҭала амедицинатә ҵараиурҭақәа. Ахы бзианы иаанарԥшуеит. Алҵшәақәа ртәы ҳалацәажәартә аиԥш ҳҟалоит аԥышәарақәа рышьҭахь", - иҳәеит Маланӡиа.

Аԥснытәи аҳәынҭқарратә университет цәыббрамзазы аграфик ҿыц ахь ииасит. Алекциақәа рыхәҭак адистанциатә ҟазшьа рыҭан, егьи рыхәҭа – уаанӡатәи арежим аҿы иныжьын. Аректор ихаҭыԥуаҩ иажәақәа рыла астудентцәа хыԥхьаӡара рацәала аамҭак азы рыҟазаара ишалшо ала иԥкын.

"Актәи акурсаа иаразнакы адистанциатә ҵарахь риагара иашамызт, аҭагылазаашьа рызҿыцын. Аҵаратә усура аиҿкааразы аграфик аус адулан. Маҷ-маҷ аиҳабыратә курсқәагьы алаагалеит. Уажәтәи аграфик иалнаршоит еиуеиԥшым акурсқәа еиуеиԥшым аамҭақәа рзы рҵара нарыгӡартә аиԥш аҭагылазаашьа", - ҳәа иҳәеит иара.

Виктор Маланӡиа иара убасгьы иазгәеиҭеит аҵараиурҭаҿы аԥсшьараамҭақәаҵәҟьагьы аамҭак ала зегьы рзы ишыҟам, астудентцәа реинырра ишалшо ала армаҷразы. Агәыԥқәаҵәҟьа еихшогьы ыҟоуп, ахәҭак – адистанциатә режим рымоуп, егьы – аудиториатә ҵара ҳәа.

Уи адагьы курсқәак аҵарахь инеиуеит асабшеи амҽышеи рзы.

Аректор ихаҭыԥуаҩ иҳәеит ара хымԥаданы ишынарыгӡо Асанепидемстанциа абжьагарақәа –асоциалтә дистанциа, асабрадақәа рныҟәгара.

"Аиашаз, аԥхьанатә акыр иуадаҩын, аха нас-нас ҳашьцылеит. Проблемак ҳамам. Иааҳхәеит иахәҭаз асанитаизерқәеи антисептикқәеи рхыԥхьаӡара. Уи адагьы апандемиаамҭа иаҭаху анормақ́әа зегьы ҳрықәныҟәоит. Арҵаҩцәа рыбжьара ирацәаҩуп 65 шықәса ирҭысхьоу. Урҭ ишалшоз ала иоуҳашьҭит, аха иҟоуп уи згәы иамыхәаз, аҵаратә процесс ҳацәхьаркит ҳәа", - еиҭеиҳәоит аректор ихаҭыԥуаҩ.

Маланӡиа иазгәеиҭеит уаанӡатәи арежим аан еицәамкәа аҵарахь ишнеиуа.

"Агәра аагартә иаабоит ҳрежим аус шауа. Ауниверситет аҩныҵҟа аӡәызаҵәыкгьы ачымазара ихьны иҳаздырам. Ичмазаҩу ыҟазаргьы уи арантәи ишьҭырымкааит. Ахылаԥшра ӷәӷәа ҟаҳҵоит. Иакәымкәа рхы шырбалак адырра ҳарҭоит. Абри аан ҩымчыбжьтәи акарантин ахь иоуҳашьҭуиет. Астудент ма арҵаҩы уи аԥхьа ауниверситет аҿы дыҟазар, агәыԥ зегьы ахыԥхьакрахь иҳашьҭуеит", - ҳәа азгәеиҭеит иара.

Аҵара аганахь ала макьана ҳалкаақәа маҷуп. Ииасыз амчыбжь азы аттестациа мҩаԥган, астудентцәа аматериал шрыдыркылаз аилкааразы. Уи уажәы анализ азухоит ҳәа иҳәеит иара.

"Ҳәарада аҭагылазаашьа аҵара ианымԥшыр залшом", - иҳәеит Виктор Маланӡиа.

Аԥснытәи аҳәынҭқарратә университет аҿы аҵаратә процесс аартын цәыббра 21 рзы. Ара акоронавирустә инфекциа аҽацәыхьчаразы аԥкырақәа зегьы ирықәныҟәоит: ианыҩнало ршоура ршәоит, асабрадақәа ныҟәыргоит, асоциалтә дистанциа иқәныҟәоит.

22

НАТО ҩаԥхьа Урыстәыла Аԥсни Аахыҵ Уаԥстәылеи разхаҵара мап ацәнакырц иаанаԥхьеит

3
Урыстәыла Аԥсни Аахыҵ Уаԥстәылеи рхьыԥшымра азханаҵеит 2008 шықәса нанҳәамзазы амч ахархәарала уаанӡатәи автономиақәа архынҳәырц азы иаԥшьнагаз ахҭысқәа рышьҭахь.

АҞӘА, ажьырныҳәа 22 – Sputnik. НАТО Урыстәыла Аԥсни Аахыҵ Уаԥстәылеи разхаҵара мап ацәнакырц ишаанаԥхьац иаанаԥхьоит иҳәеит НАТО аҳәынҭмаӡаныҟәгаҩ Иенс Столтенберг Бриуссель Қырҭтәыла ахада Саломе Зурабишвили дылԥылаанӡа имҩаԥигоз апресс-конференциаҿы. Абри атәы аанацҳауеит РИА Новости.

"Ҳара Урыстәыла Аԥсни Аахыҵ Уаԥстәылеи ррегионқәа разхаҵара мап ацәнакырц ишааҳаԥхьац иааҳаԥхьоит", - иҳәеит иара.

Столтенберг иара убас иациҵеит Урыстәыла "Қырҭтәыла аҵакыра акзаара ҳасаб азнауларц, жәларбжьаратә азин пату ақәнаҵаларц".

Уаанӡа адырра ҟарҵахьан Қырҭтәыла ахада Саломе Зурабишвили ажьырныҳәа 22 рзы Бриуссель иҟоу НАТО аштаб-квартира дшаҭаауа, иара убас НАТО-Қырҭтәыла еицырзеиԥшу акомиссиа аилатәара дшалахәхо.

Урыстәыла Аԥсни Аахыҵ Уаԥстәыла рхьыԥшымра азханаҵеит нанҳәа 26 2008 шықәсазы. Урыстәыла аиҳабыра изныкымкәа ирҳәахьан арҭ аҩтәылак рхьыԥшымра азхаҵара аиҭахәаԥшра ргәы ишҭам, уи аӡбамҭа иахьатәи аамҭа ишақәшәо. Қарҭ акәзар, урҭ рхьыԥшымра азханаҵарц агәы иҭам.

Нанҳәа 8 ауха 2008 шықәса рзы ақырҭуа ар "Градқәа", атанкқәа, авиациа рыла ихысуа аахыҵ Уаԥстәыла иажәлеит, аҳҭнықалақь Цхинвал абжа еилаԥырыххааит. Урыстәыла ауаԥс жәлар аӡәреи-аԥсреи ирцәыхьчо, ақырҭуа ир ирҿагылеит. Хәымш ицоз аибашьра ашьҭахь Аахыҵ Уаԥстәыла ахы иақәиҭтәын.

Ауаҩы изинқәа рзы Европатәи аӡбарҭа иацы ҵаҵӷәык аҵам ҳәа иаԥхьаӡеит 2008 шықәса нанҳәамзазтәи ахҭысқәа рзы Қырҭтәыла Урыстәыла иаднаҵо ахара.

Иара убас шәаԥхьар ҟалоит:

3

Иҳаҩсыз уахыки-ҽнаки рыла COVID-19 рыдырбалеит 112-ҩык, ԥсыҭбарак ҟалеит

9
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11096-ҩык ыҟоуп, ргәы бзиахеит 8943-ҩык, рыԥсҭазаара иалҵит 157-ҩык.

АҞӘА, ажьырныҳәа 22 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 451-ҩык атестқәа рзыҟаҵан, урҭ рахьтә 112-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

COVID-19 зцәа иалаз пациентк иԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы. !953 шықәсазы ииз апациент ахәышәтәырҭа дҭашәеит ажьырныҳәа 9 рзы, иара иахәҭаз ахәышәтәра дшахысуазгьы, ажьырныҳәа 20 рзы иԥсҭазаара далҵит. Изышьақәыргылан адиагноз "акоронавирустә инфекциа ҿыц", зыҽзыруадаҩыз ачымазара хада - "ҩганктәи аполисегментартә гәыҵәкра".

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 134-ҩык, рҭагылазаашьа бааԥсуп 35-ҩык, ибжьаратәуп - 48-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 61-ы пациент.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11096-ҩык ыҟоуп, ргәы бзиахеит 8943-ҩык, рыԥсҭазаара иалҵит 157-ҩык.

  • Акоронавирус иазку ажәабжьқәа зегьы шәрыԥхьар ҟалоит абра>>
9
Атемақәа:
Ачымазара ҿкы – акоронавирус Аԥсни адунеи аҿи: иалкаау