Апоет, апрозаик, аиҭагаҩ ҟаимаҭ: Никәала Кәыҵниа игәаларшәаразы

37
(ирҿыцуп 17:16 24.11.2020)
83 шықәса дшырҭагылаз иҧсҭазаара далҵит еицырдыруа аҧсуа шәҟәыҩҩы, апоет, апрозаик, аиҭагаҩ Никәала Кәыҵниа.

АҞӘА, абҵара 24- Sputnik. Наала Гәымԥҳа. Аҧсуа литература аҿиара,аизҳара шьаҟас иаҵагылаз, ашәҟәыҩҩы, апоет,апрозаик Никәала Кәыҵниа иҧсҭаазара далҵит 83 шықәса дшырҭагылаз.

Никәала Кәыҵниа изааигәаз, аус ицызуаз гәалсра дула ирыдыркылеит иҧсҭазаара иалҵра.

Аҧсны Жәлар рпоет Мушьни Лашәриа иԥхаз иҩыза дигәаларшәо иҳәоит, Никәала Кәыҵниа иҧсҭазаара зегьы Аҧсуа литература амаҵура иазикит ҳәа.

"Иаалырҟьаны дҳаҧхеит ҳаҧсуа литература аҧызҵаз, активла уи иалахәыз апоет, апрозаик, аиҭагаҩ ҟаимаҭ Никәала Кәыҵниа. Никәалеи сареи даара ҳаиҩызцәа гәакьақәан. Исгәалашәоит, 50 ашықәсқәа раан иара,сара, Џьума Аҳәба аҵара анеицаҳҵоз Аҟәатәи арҵаҩратә училишье аҟны. Убасҟантәи аҧхьаҩцәа рыбжьара еицырдыруан Никәала иаҧиҵаз ипоеизиатә цәаҳәақәа. Никәала Кәыҵниа иҧсҭазаара зегьы Аҧсуа литература амаҵура иазикит", - иҳәеит Мушьни Лашәриа.

Кәыҵниа ирҿиамҭақәа рхыҧхьаӡараҟны иҟоуп раҧхьаӡа акәны иара иаҧшьеигаз аклассикатә ҟазшьа змоу аҩымҭақәа - ассонетқәа. Мушьни Лашәриа иажәақәа рыла, Никәала Кәыҵниа дахьӡеит иҩымҭақәа жәа-томк рҭыжьра.

Лашәриа иазгәеиҭеит, Никәала Кәыҵниа уаҩҧсык, шәҟәыҩҩык иаҳасабала, иреиӷьыз ҳаҧсуа рҿиаҩцәа, ашәҟәыҩҩцәа, апоетцәа дреиуан ҳәа.

Абиҧара аиҳабацәа иреиуаз апоет, апрозаик, аиҭагаҩ Никәала Кәыҵниа иҧсҭазаара иалҵра цәыӡ дууп аҧсуа милаҭ литературеи, амилаҭ культуреи рзы, иҳәеит Аҧсны Ашәҟәыҩҩцәа Реидгыла ахантәаҩы Вахтанг Аҧҳазоу.

"Аиҳабыратә абиҧара иреиуаз иакәын Никәала Кәыҵниа ажурнал "Алашара" акыр шықәса инеиҧынкыланы редакторс даман, Аҧсны Ашәҟәыҩҩцәа реидгыла напхгаҩыс дыҟан. Аҵыхәтәантәи ашықәсқәа рзы Никәала Кәыҵниа иабиҧара иаҵанакуаз ашәҟәыҩҩцәа Џьума Аҳәба, Витали Амаршьан, қәрала ҧыҭк иреиҵбыз Рушьбеи Смыр рыҧсҭазаара ралҵра, ҳаҧсуа литературазы аҩаӡара иатәу цәыӡуп. Уи хьааны иҳадаҳкылеит зегьы", - иҳәеит Вахтанг Аҧҳазоу.

Никәала Кәыҵниа диит март 13 1938 шықәса рзы Очамчыра араион Аҭара ақыҭа. Дравторуп 10 томк аҩымҭақәа: ажәеинраалақәа, ажәабжьқәа, аповестқәа, ароманқәа. 20 шықәса аус иуан ажурнал "Алашара" редактор хадас, иара убас Ашәҟәыҩҩцәа реидгыла дахантәаҩын.

© Foto / предоставлено Анатолием Лагулаа

Раҧхьаӡа акьыҧхь ахь дцәырҵит 1955 шықәса инаркны. Иажәеинраалақәа реизга "Аӡахәа" ,"Наунагӡа", "Арҭ ашықәсқәа", "Ақәа анлеиуа". Ипрозатә ҩымҭақәа ароман "Ашьа ицаша" "Алашә иблақәа аныхты" "Аҧшатлакә". Ишәҟәы "Акырц ашьҭахь" еиднакылеит аповести, ажәабжьқәеи "Иахьагьы, уаҵәгьы уаҵәашьҭахьгьы", "Аҿыхара", "Аныҳәа", "Аӡиас".

Ирҿиамҭақәа рнылон ажурналқәа: "Алашара", "Амцабз", "Аҧсны", "Советская Абхазия", "Республика Абхазия", "Еҵәаџьаа", "Литературная газета" (Москва); аизгақәа "Ерцаху".

37

"Амшынеиқәафымцамч" афымцалашара аиуразы аԥкырақәа аланагалоит

8
(ирҿыцуп 18:56 19.01.2021)
Ареспублика иахьаҵанакуа иалкааны алашара арцәаразы аграфик ҟалом, азхьаԥшра аҭахоит афымцацәаҳәақәа зҵало ахьанҭара.

АҞӘА, ажьырныҳәа 19 - Sputnik. "Амшынеиқәафымцамч" афымцалашара аушьҭраз аԥкырақәа аланагалоит асистема иаиуа ахьанҭара инадҳәаланы ҳәа аанацҳауеит АУН "Амшынеиқәафымцамч".

Асеиԥш ауснагӡатәқәа ирылагоуп авариа дуқәа раԥырҟәҟәааразы. Астанциа маҷқәа ирҟәыгоу афидерқәа дырцәалоит ахьанҭара аныҟалалак.

"Амшынеиқәафымцамч" апресс-маӡаныҟәгаҩ Алхас Гагәылиа иҳәеит афымцасистема ахьанҭара иҟалаз ахьҭақәа ирыхҟьеит. Уажәы ауаа еиҳа афымцалашара ахархәара арҭоит, уи адагььы уаанӡа иаҿыхыз амаинингфермақәа еиҭахьаҿаԥыршьуазы ҳәа.

Гагәылиа иҳәеит алашара арцәара бжьаратәла сааҭк аҟынӡа инаӡоит, ари аамҭа ҩ-сааҭк рҟынӡа инаӡазар, иплантәу арцәара акәӡам аҭыԥ змоу, авариоуп ҳәа.

"Амшынеиқәафымцамч" аҿы аус ауеит ардырратә маҵзура. Азҵаарақәа зегьы рзы аҭел асра алшоит абри аномер ала: +7 940 730 02 20; +7 940 930 02 20.

Гагәылиа иҳәеит АУН аколлцентр ахь ауаа рацәа аҭел ишасуа. Авариақәак раамҭаан минуҭк ала шәҩык рҟынӡааамҭакала аҭел ианасуа шыҟоу.

8

Ҳанагәуа: афермақәа аҿыхуп, аха рыуа-рҭахы рахь ишаны аҩнқәа рҿы иахьдыргылаз ыҟоуп

13
(ирҿыцуп 17:19 19.01.2021)
Гәылрыԥшь араион "Амшынеиқәафымцамч" афилиал аиҳабы Зураб Ҳанагәуа арадио Sputnik аефир аҿы еиҭеиҳәеит араион аҿы амаинингқәа рҿыхразы имҩаԥырго аусура атәы.
Раионк аԥсҭазаараҟынтә: Ҳанагәуа Гәылрыԥшь амаинингқәа рзы

"Афермақәа ахьаҟәырхыз рыуа-рҭынха рахь ишаны аҩнқәа рҿы иахьдыргылаз ыҟоуп. Уи проблеманы иҟоуп атәыла зегьы аҿы. Ҳраион аҿы афермақәа иаҿыхны, еимыхны иҟоуп. Ҳара есыҽны агәаҭарақәа мҩаԥаагоит. Трансформаторк аҿы аӡәы днеины акы аԥишьыр, ихаҳҵәоит, ҳрацәажәоит. Иҟоуп ахҭысқәа ихҵәаны нас еиҭа имҵаа иахьаԥыршьуа, аха урҭ анаҩс еиҭа иаҿаҳхуеит. Аусутәқәа зегьы мҩаԥгахар, ҳаргьы ԥсеивгарак ҳауеит ҳәа сақәгәыӷуеит ", - ҳәа еиҭеиҳәеит Ҳанагәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

13