Аԥсны аҳәынҭавтоинспекциа ауаажәларратә транспорт аҿы ареидқәа мҩаԥнагалоит

16
(ирҿыцуп 15:46 27.11.2020)
Аԥсны ахада Аслан Бжьаниа аԥкыратә уснагӡатәқәа 2021 шықәса ажьырныҳәа 12 рҟынӡа рыҿҳәара ацҵаразы аусдҵа инапы аҵеиҩит.

АҞӘА, абҵара 27 – Sputnik, Сариа Кәарцхьиаԥҳа. Аԥсны Аҳәынҭавтоинспекциа ауаажәларратә транспорт аҿы ареидқәа мҩаԥнагалоит ҳәа Sputnik иазеиҭеиҳәеит аусбарҭа аиҳабы Баҭал Агрба.

Акоронавирус иахырҟьаны аԥкыратә уснагӡатәқәа 2021 шықәса ажьырныҳәа 12 рҟынӡа рыҿҳәара иацҵоуп. Абри аамҭазы Аҳәынҭавтоинспекциа аусзуҩцәа ауаажәларратә транспорт аҿы ареидқәа мҩаԥнагалоит.

"Азинхьчаратә усбарҭақәа аусурақәа мҩаԥыргалоит ҳтәылауаа ргәы рҽанҵаразы, ирабжьыргоит асабрадақәа, анапхаҵақәа рныҟәгара. Ари аусура системала имҩаԥаагоит. Аусурақәа мҩаԥысуеит ауаажәларратә транспорт–автобусқәа, амаршруткақәа, атроллеибусқәа, атаксиқәа рныҟәцаҩцәа рыбжьарагьы,- иҳәоит Агрба.

Аԥсны ААИ аиҳабы ишибо ала аԥхьанатә, аԥкырақәа аналаргалаз ауааԥсыра мап ацәыркуан асабрадақәа рныҟәгара, аха уажәы аҭагылазаашьа аҽеиҭанакит.

"Иахьазы ҳтәылауаа аинформациа инарҭбааны ирымоуп. Апроблемагьы еилыркаауеит. Ауаажәларратә транспорт зхы иазырхәо рҟынтә асабрада змам аинспекциа аусзуҩцәа ирырҭоит. Аха идырны уи мап ацәызкуа амашьына дҭыҵырц идырҵоит", - иҳәеит Агрба.

Аԥсны ахада Аслан Бжьаниа аԥкыратә уснагӡатәқәа 2021 шықәса ажьырныҳәа 12 рҟынӡа рыҿҳәара ацҵаразы аусдҵа инапы аҵеиҩит. Уи инақәыршәаны атәылауаа ахыхьчага хархәагақәа ныҟәыргалароуп ауаа рацәа ахьеизо аҭыԥқәа рҿы, аԥсыжрақәеи аԥсхәрақәеи рҟны ауаа рхыԥхьаӡара маҷзарц абжьгара ҟаҵоуп, иара убас абжьгара ҟаҵоуп аныҳәатә уснагӡатәқәа рыҽрыцәхьакразы.

16
Атемақәа:
Ачымазара ҿкы – акоронавирус Аԥсни адунеи аҿи: иалкаау (980)

Акоронавирустә хҭыс ҿыцқәа шәкы иреиҳани даҽа ҩ-ԥсҭбараки ҟалеит Аԥсны

3
Иҳаҩсыз уахыки-ҽнаки рыла COVID-19 рылоу ирыламу аилкааразы 514-ҩык атестқәа рзыҟаҵан, урҭ рахьтә 109-ҩык акоронавирус рцәа ишалаз аадырԥшит.

АҞӘА, ажьырныҳәа 22 – Sputnik. COVID-19 зцәа иалаз ҩыџьа апациентцәа рыԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Акоронавирустә инфекциа ззышьақәырӷәӷәаз 1938 шықәса рзы ииз ахаҵеи 1953 шықәсазы ииз аԥҳәыси рыԥсҭазаара иалҵит. Адиагноз хада - "акоронавирустә инфекциа ҿыц".

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 127-ҩык, рҭагылазаашьа бааԥсуп 35-ҩык, ибжьаратәуп - 45-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 22-а, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 62-а апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10984-ҩык ыҟоуп, ргәы бзиахеит 8898-ҩык, рыԥсҭазаара иалҵит 156-ҩык.

  • Акоронавирус иазку ажәабжьқәа зегьы шәрыԥхьар ҟалоит абра>>
3
Атемақәа:
Ачымазара ҿкы – акоронавирус Аԥсни адунеи аҿи: иалкаау (980)

Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит

12
Аунитартә наплакы "Амшынеиқәафымцамч" Гагратәи аҟәша аиҳабы Аслан Аиба арадио Sputnik аефир аҿы еиҭеиҳәеит иахьатәи аамҭазы араион аҿы фымцалашарала ауаа реиқәыршәаразы аҭагылазаашьа зеиԥшроу атәы.
Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит

"Гагра раион аҭагылазаашьа даара ицәгьоуп. Ари ахьҭақәа иҟаз ирацәаны авариақәа ҟалеит. Иахьа алашара ажәлар ироуртә иҟаҳҵеит. Аҟәа имҩаԥысит аилацәажәара. Урыстәылантәи шаҟа мегаватт ҳауа ҳара инаҳхуеи ҳаинаалом, аԥкрақәа ҳрылагоит. Раионцыԥхьаӡа ишашаны ирырҭеит, шаҟа-шаҟа иԥктәу. Аподстанциа аиҳабы сареи иахьҳарцәо, ишҳарцәо, ишыҟахҵо, уаха иҳаӡбароуп. Амаининг аус аанаҳамкылар, еиҭа ҳаицәахар ҳәа сшәоит", - ҳәа еиҭеиҳәеит Аиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

12