"Василий Теркин" онлаин: РУСДРАМ Аиааира Ду 75-шықәса ахыҵра ахьӡала иднарбоит

© Sputnik / Томас ТхайцукРусский Драматический театр
Русский Драматический театр  - Sputnik Аҧсны
Анапаҵаҩра
Уаанӡа Аурыс драматә театр Россотрудничество адгыларала аҽа онлаин-проектк – Чехов ихәылԥаз днарбахьан ахәаԥшцәа.

АҞӘА, ԥхынҷкәын 2 – Sputnik, Сариа Кәарцхьиаԥҳа. Аспектакль "Василий Теркин" онлаин рбара мҩаԥгахоит РУСДРАМ Youtube-канал аҿы ԥхынҷкәын 9 рзы ҳәа Sputnik иазеиҭеиҳәеит атеатр адиректор хада Иракли Хынҭәба.

Иара иажәақәа рала ателеспектакль Аԥсны иҟоу Россотрудничества адгыларала Аиааира Ду 75-шықәса ахыҵра ахьӡала иднарбоит.

Сцена из вечера Чехова. Симона Спафопуло  - Sputnik Аҧсны
РУСДРАМ онлаин аус аулоит: Чехов ииубилеи асоциалтә ҳақәа рҟны иазгәаҭахоит

"Агәахәара ду ҳнаҭоит ҳапроект Россотрудничество ахьадгыло. Александр Твардовски ипоема ссир иалху ателеспектакль "Василий Теркин" аиааира амш иазкуп. Атеатр Youtube канал аҿи Facebook аҿтәи ҳдаҟьаҿи асааҭ 21:00 рзы имҩаԥгахоит "Василий Теркин аԥхьарбара", – иҳәеит Хынҭәба.

Уаанӡа Аурыс драматә театр Россотрудничество адгыларала аҽа онлаин-проектк – "Чехов ихәылԥаз" днарбахьан ахәаԥшцәа.

"Ҳара ҳҽазаҳшәеит сааҭк иҭагӡаны ашәҟәыҩҩы ду ирҿиара ахырхарҭа хадақәа раарԥшра. Ицәгьамкәагьы иҳақәҿиеит. Зықьҩыла ахәаԥшцәа  рырҽхәаԥхьыӡқәа ҳрыԥсахеит. Сгәы иаанагоит "Василий Теркин" уи еицәахарым ҳәа", - иҳәеит Хынҭәба.

Иара иазгәеиҭеит РУСДРАМ егьырҭ Аԥсны атеатрқәа реиԥш мызки бжаки аусура шыԥку.

Аԥсны ахада иусдҵала атеатрқәеи егьырҭ акультура аусҳәарҭақәеи русура аанкылоуп ажьырныҳәа 12 аҟынӡа акоронавирус иахырҟьаны.

Ажәабжьқәа зегьы
0