Урыстәылаҟа амандаринақәа рекспорт асезон иалагазар 12 000 тонна ыҟоуп

14
(ирҿыцуп 13:08 03.12.2020)
Аԥсны аԥыза-министр Александр Анқәаб идикылеит ашәахтәқәеи аизгақәеи рзы аминистр Даур Кәырмазиеи, аҳазалхратә еилакы ахантәаҩы Гурам Инаԥшьбеи.

АҞӘА, ԥхынҷкәын 3 - Sputnik. Урыстәылаҟа амандаринақәа рекспорт асезон иалагазар 12 966 950 тонна ыҟоуп ҳәа аԥыза-министр Александр Анқәаб изеиҭеиҳәеит аҳазалхратә еилакы ахантәаҩы Гурам Инаԥшьба. Абри атәы аанацҳауеит Аминистрцәа реилазаара асаит.

"Урыстәылатәи ҳколлегацәеи ҳареи апроблематә зҵаарақәа анеилҳарга ашьҭахь ацитрусқәа рекспорт шьҭыҵит, аҵыхәтәантәи уахыки-ҽнаки рыла аҳәаа иахыган 900 тонна 404 кьыла амандарина. Иахьазы амандаринақәа рекспорт асезон иалагазар 12 966 950 тонна ыҟоуп", - иҳәеит Инаԥшьба.

Аиԥылараан Аҳазалхратә еилакы ахантәаҩы далацәажәеит аилак адәныҟаекономикатә усура, иазгәеиҭеит 2020 шықәсазтәи атауареикәыршара 23 миллиард 217 миллион мааҭ шартәаз. Убри аан аплан иарбан 25 миллиарди 430 миллион маҭ.

"Аплан ишарбаз аасҭа ҳаиҵахеит ҩ-миллиардки 187 миллионмааҭ рыла, аха 2019 шықәсатәи абри аамҭа ацифрақәа иреиҳауп", - иҳәеит Инаԥшьба.

Аилак ахантәаҩы ишиҳәо ала, аимпорт ахәҭа уаанӡеиԥш еиҳауп. Иара иартәоит 17 миллиарди 343 миллион мааҭ, аекспорт –5 миллиардки 900 миллион мааҭ.

Аилак ахантәаҩы дазхьаԥшны иҳәеит амаининг хархәагақәа ралагалара азин анаанкылаха ашьҭахь аҳәааҿы ишаанкыло 2462 ак амыругақәа.

Ашәахтәқәеи аизгақәеи рминистр Даур Кәырмазиа Александр Анқәаб изеиҭеиҳәеит жәеизамз рыҩныҵҟа аплантә рбагақәа раасҭа 11% еиҵаны аизгарақәа шымҩаԥго. Анагӡара 88,9% артәеит.

Рыпланқәа ирыцҵаны инарыгӡеит Тҟәарчал, Аҟәа, Очамчыра, Гәылрыԥшь араионқәа. Уаанӡеиԥш еиҵахоуп Гагра (65,8%) Гәдоуҭа (81,6%) араионқәа.

Кәырмазиа ишиҳәаз ала абҵарамзатәи аплан еиҵахара амам, абиуџьет иалагалоуп 199 миллион 743 нызқь мааҭ.

14

Акоронавирустә хҭыс ҿыцқәа шәкы иреиҳани даҽа ҩ-ԥсҭбараки ҟалеит Аԥсны

3
Иҳаҩсыз уахыки-ҽнаки рыла COVID-19 рылоу ирыламу аилкааразы 514-ҩык атестқәа рзыҟаҵан, урҭ рахьтә 109-ҩык акоронавирус рцәа ишалаз аадырԥшит.

АҞӘА, ажьырныҳәа 22 – Sputnik. COVID-19 зцәа иалаз ҩыџьа апациентцәа рыԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Акоронавирустә инфекциа ззышьақәырӷәӷәаз 1938 шықәса рзы ииз ахаҵеи 1953 шықәсазы ииз аԥҳәыси рыԥсҭазаара иалҵит. Адиагноз хада - "акоронавирустә инфекциа ҿыц".

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 127-ҩык, рҭагылазаашьа бааԥсуп 35-ҩык, ибжьаратәуп - 45-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 22-а, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 62-а апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10984-ҩык ыҟоуп, ргәы бзиахеит 8898-ҩык, рыԥсҭазаара иалҵит 156-ҩык.

  • Акоронавирус иазку ажәабжьқәа зегьы шәрыԥхьар ҟалоит абра>>
3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит

12
Аунитартә наплакы "Амшынеиқәафымцамч" Гагратәи аҟәша аиҳабы Аслан Аиба арадио Sputnik аефир аҿы еиҭеиҳәеит иахьатәи аамҭазы араион аҿы фымцалашарала ауаа реиқәыршәаразы аҭагылазаашьа зеиԥшроу атәы.
Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит

"Гагра раион аҭагылазаашьа даара ицәгьоуп. Ари ахьҭақәа иҟаз ирацәаны авариақәа ҟалеит. Иахьа алашара ажәлар ироуртә иҟаҳҵеит. Аҟәа имҩаԥысит аилацәажәара. Урыстәылантәи шаҟа мегаватт ҳауа ҳара инаҳхуеи ҳаинаалом, аԥкрақәа ҳрылагоит. Раионцыԥхьаӡа ишашаны ирырҭеит, шаҟа-шаҟа иԥктәу. Аподстанциа аиҳабы сареи иахьҳарцәо, ишҳарцәо, ишыҟахҵо, уаха иҳаӡбароуп. Амаининг аус аанаҳамкылар, еиҭа ҳаицәахар ҳәа сшәоит", - ҳәа еиҭеиҳәеит Аиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

12