Аԥсны ААР Керч иҭахаз рыуацәеи-рҭынхацәеи рышьақәыргылара иаҿуп

18
(ирҿыцуп 11:29 04.12.2020)
Аусурақәа ирылархәуп ареспублика араион аҿтәи ацуҭа милициа. Дара Аџьынџьтәылатә еибашьра Ду аан иҭахаз рыуацәеи-рҭынхацәеи рыԥшаара иаҿуп.

АҞӘА, ԥхынҷкәын 4 – Sputnik, Бадраҟ Аҩӡба. Аԥсны Аҩныҵҟатәи аусқәа рминистрра ацхыраара ҟанаҵоит Аџьынџьтәылатә еибашьра Ду аан иҭахаз рыԥшаараҿы, жәларбжьаратәи арра-патриоттә проект "Ахьӡ архынҳәра" аҳәаақәа ирҭагӡаны ҳәа Sputnik иазеиҭеиҳәеит апроект анапхгаҩы Григори Скворцов.

Скворцов иҳәеит уаанӡа Аԥсны ААР ахь ацхыраара дшаҳәаз 1942 шықәса рзы Керч азы аибашьраан иҭахаз ргәакьацәа рыԥшааразы.

Григори Скворцов Аԥснытәи аибашьцәа 78-ҩык, Керч ахақәиҭразы иҭахаз, рыӡбахә далацәажәеит. Дара рлахьынҵа еилкаахеит 2019 шықәсазы Аҟәатәи иреиҳаӡоу азеиԥшкомандаҟаҵаратә ҵараиурҭеи Аԥснытәи аҳәынҭқарратә университет афилологиатә факультет астудентцәеи 64 нызқь архивтә материал аус анрыдыруыла ашьҭахь.

"Апроект иҭнаҵаауеит аконцлагерқәа рытҟәацәа рлахьынҵа, аха Керч азы аибашьраан иҭахаз рҭаҳцәа ҳадҵаалара ианалага уигьы напалаҳкит. Керчтәи аибашьрақәа ирылахәыз рацәаҩӡан",- еиҭеиҳәоит Скворцов.

Ишеилкаахаз ала Аԥснынтә уахь 1942 шықәса ажьырныҳәамзазы инашьҭын ажәыларатә десант №2.

"Абатальон иалан Лыхны ақыҭантәи атракторныҟәцаҩцәа рыбригада шеибакыз. Џьарак еицеибашьуан Керч амҵаны. Шамахамзар зегь аӷа имацәаз иҭашәеит", - иҳәоит иара.

Григори Скворцов иҳәеит 2021 шықәса, ааԥынразы ишазыԥхьагәаҭоу Керчтәи адгьылбжьаха Ленинтә араион ақыҭа Батальное аҿы агәалашәаратә дырга ақәыргылара. Арҭ аҭыԥқәа рҿоуп аԥснытәи аибашьцәагьы ахьҭахаз.

"Ари аҭыԥ аҿоуп Аԥснытәи аибашьцәа хыԥхьаӡара рацәала иахьеицҭахаз. Аԥсны ААР аусзуҩцәа ҭабуп ҳәа расҳәар сҭахуп иҟарҵо ацхырааразы", - иҳәеит иара.

Иахьазы 19 ҭаацәара шьақәыргылоуп, зҭахцәа Керч иҭахаз ҳәа иҳәоит Скворцов.

"Аԥсуа милаҭтә ҟазшьақәа иреиуоуп ииасхьоу рхамшҭра. Уи ус шакәу аҽазныкгьы ишьақәырӷәӷәоуп" ҳәа иҳәеит иара.

Аҩныҵҟатәи аусқәа рминистрра апресс-маҵзураҿы ирҳәеит аԥшьгамҭа ишадгылоу.

Аусурақәа ирылархәуп ареспублика араион аҿтәи ацуҭа милициа. Дара Аџьынџьтәылатә еибашьра Ду аан иҭахаз рыуацәеи-рҭынхацәеи рыԥшаара иаҿуп.

Аԥшаарақәа шымҩаԥысуазы аинформациа адырра ҟалоит Аԥсны ААР асаит аҿы, аминистрра асоциалтә ҳатә даҟьақәа рҿы. Иҭахаз рҭаҳцәа анырыԥшаалак ашьҭахь дара ирыҭахоит архивтә документқәа.

Азеиԥштәылауаҩтә ԥшьгамҭа "Ахьӡ архынҳәра" анемец фашист концлагерқәа рҿы иҭахаз рыԥшаара иазырхоуп, ацхыраара рнаҭоит зыуа-зҭахы рыԥшаара иашьҭоу. Апроект амҩаԥгара иалахәуп Аԥсны Атәылахьчара аминистрра.

18

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

225
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

225

"Амшынеиқәафымцамч" афымцалашара аиуразы аԥкырақәа аланагалоит

9
(ирҿыцуп 18:56 19.01.2021)
Ареспублика иахьаҵанакуа иалкааны алашара арцәаразы аграфик ҟалом, азхьаԥшра аҭахоит афымцацәаҳәақәа зҵало ахьанҭара.

АҞӘА, ажьырныҳәа 19 - Sputnik. "Амшынеиқәафымцамч" афымцалашара аушьҭраз аԥкырақәа аланагалоит асистема иаиуа ахьанҭара инадҳәаланы ҳәа аанацҳауеит АУН "Амшынеиқәафымцамч".

Асеиԥш ауснагӡатәқәа ирылагоуп авариа дуқәа раԥырҟәҟәааразы. Астанциа маҷқәа ирҟәыгоу афидерқәа дырцәалоит ахьанҭара аныҟалалак.

"Амшынеиқәафымцамч" апресс-маӡаныҟәгаҩ Алхас Гагәылиа иҳәеит афымцасистема ахьанҭара иҟалаз ахьҭақәа ирыхҟьеит. Уажәы ауаа еиҳа афымцалашара ахархәара арҭоит, уи адагььы уаанӡа иаҿыхыз амаинингфермақәа еиҭахьаҿаԥыршьуазы ҳәа.

Гагәылиа иҳәеит алашара арцәара бжьаратәла сааҭк аҟынӡа инаӡоит, ари аамҭа ҩ-сааҭк рҟынӡа инаӡазар, иплантәу арцәара акәӡам аҭыԥ змоу, авариоуп ҳәа.

"Амшынеиқәафымцамч" аҿы аус ауеит ардырратә маҵзура. Азҵаарақәа зегьы рзы аҭел асра алшоит абри аномер ала: +7 940 730 02 20; +7 940 930 02 20.

Гагәылиа иҳәеит АУН аколлцентр ахь ауаа рацәа аҭел ишасуа. Авариақәак раамҭаан минуҭк ала шәҩык рҟынӡааамҭакала аҭел ианасуа шыҟоу.

9