Аҵара апроблемақәа рыӡбразы: Аԥсны иаԥҵахоит арҵаҩцәа р-Ассоциациа

27
(ирҿыцуп 15:38 04.12.2020)
Аԥсны иаԥҵахоит арҵаҩцәа р-Ассоциациа аԥышәа аимдаразы, аҵараҿ иҟоу апроблемақәа рыӡбразы.

АҞӘА, ԥхынҷкәын 4 – Sputnik, Бадраҟ Аҩӡба. Арҵаҩцәа р-Ассоциациа аԥҵахоит иҳәеит Sputnik аинтервиу азҭаз асоциалтә платформа "Аԥсны аԥеиԥш" ахантәаҩы, Алаҳаӡытәи абжьаратә школ адиректор Саид Беиа.

"Ари аидеиа ҳазхәыцуеижьҭеи акрааҵуан, аха акарантинтә аамҭа ҳаиԥнаҟьеит. Арҵаҩцәеи ҳареи аилацәажәаха ҳмоуит, Гагра араион аҿы мацароуп аиԥыларақәа ахьымҩаԥаагаз", - иҳәеит иара.

Атәылаҿ аепидемиологиатә ҭагылазаашьа ҭышәынтәалар ареспублика ақалақьқәеи ақыҭақәеи рҟны аиԥыларақәа мҩаԥаагоит ҳәа иҳәеит Беиа.

"Уажәы аҵаратә усхк акризис амоуп. Сгәы иаанагоит атәылаҿ реиҳа иконсервативтәу усхкуп ҳәа. Сызныруаз арҵаҩцәа реиҳараҩык ирҳәон аҽеидкылара шаҭаху. Абас ауп ассоциациа ацәырҵра аидеиа ахы шцәырнагаз", - иҳәеит иара.

Саид Беиа иазгәеиҭеит, аҵара аусхк аҿы иҟоу апроблемақәа реиҳарак рыӡыбра шалшоз ианаамҭаз арҵаҩцәеи анапхгареи аконсультациақәа мҩаԥыргозҭгьы.

"Сара асоциалтә ҳақәа рҿы адаҟьа аԥысҵеит. Уахь инасыԥхьон Аԥсны арҵаҩцәа. Агәыԥ аҿы шәҩык рҟынӡа ҳаҟоуп. Ари аинырратә, аԥышәеимдаратә ҭыԥ ауп. Аха ари аамҭалатәи ӡбароуп", - иҳәеит иара.

Беиа иара убасгьы иазгәеиҭеит, арҵаҩцәа рзы иҷыдоу аелектронтә платформа аус шадыруыло. Уаҟа арҵаратә методологиақәа реимдара алшоит.

"Ари аидеиа сазхәыцуеижьҭеи акрааҵуеит, аха аԥаразоужьра маҷымкәа иаҭахуп. Макьаназ иҳамоу ибиуджеттәу вариантуп – асоциалтә ҳақәа. Аелектронтә платформақәа ахархәара рымоуп Урыстәыла, Европа атәылақәа", - иҳәоит Беиа.

Ареспубликаҿ аҵарадырра аизырҳаразы иҿыцу аметодқәа ԥшаалатәуп ҳәа азгәеиҭоит Саид Беиа.

27

Раионк аԥсҭазаараҟынтә: Цыгәба Цандрыԥшь ақыҭауаа рыбзазаашьа иазкны

9
(ирҿыцуп 17:09 28.01.2021)
Гагра араион Цандрыԥшь ақыҭа ахада ихаҭыԥуаҩ Нали Цыгәба арадио Sputnik аефир аҿы еиҭеиҳәеит араион аҿы имҩаԥысуа аусурақәа ртәы.
Раионк аԥсҭазаараҟынтә: Цыгәба Цанрыԥшь ақыҭа иабзазаашьоу иазкны

"Акаҭран ақәҵара аус нап аркын ашықәс ҿыц ҳҭалаанӡа. Аҳабла амҩаду хада быжь-километрак инареиҳаны ибжьоуп, уи акаҭран ықәҵан. Уи ашьҭахь амҩадуқәа ҩба ҟаҵан. Еиҭа амҩадуқәа аанхеит, урҭ рхыԥхьаӡараҿы иҟоуп Гагреи ҳареи ҳаимаздо, иара ихадоу ҳәа иԥхьӡоуп. Аԥсшьаҩцәа навигаторла ианаауагьы иднарбо уи амҩоуп. Амшқәа рԥырхагамхар, уи нап адыркраны иҟоуп. Аусурақәа угәы иаахәартә анагӡара иаҿуп. Еиҭа ҳгәы иҭоуп ацхыраара лас ахьыҟоу ахыбраҿы, уа уажәы амбулаториагьы ҳамоуп ачымазараҿкы змоу рзы, иара иаҳа инарҭбааны аҟаҵара. Алашара аҭагылазаашьа уажәазы еиҳа еиӷьхеит. Адҵа ҟалеижьҭеи афермақәа ахьаҿаҳхыз рацәоуп, амҳәыр ықәыргылан иахьыҟаҳҵаз ыҟоуп, афымцацәаҳәақәа иахьҿахҵәахаз ыҟоуп, уи иаразнак афымцамч ианубаалартә иҟалеит. Уигьы угәы иамыхәарц залшом", - иҳәеит Цыгәба.

Иаҳа инеиҵыху аиҿцәажәара шәызыӡырҩыр шәылшоит аудио аҿы.           

9

Урыстәылатәи атуроператорцәа Аԥсны аԥхын аԥсшьаразы рҭаххара ахәшьара арҭеит

2
(ирҿыцуп 17:06 28.01.2021)
Аекспертцәа рдыррақәа рыла Аԥсны 2021 шықәсазтәи асезон азы еиҳа ирҭаху аԥсшьарҭа ҭыԥқәа хәба рхыԥхьаӡара иалашәеит, Краснодартәи атәылаҿацә, Ҟрым, Кавказтәи Аминералтә ӡқәа рышьҭахь аԥшьбатәи аҭыԥ нкыло.

АҞӘА, ажьырныҳәа 28 - Sputnik. 2021 шықәсазы Аԥсны аԥсшьара аҭаххара еиҳахоит 10 - 20%, рыла, аҳәаанырцә плиажқәа жәпакы раркраамҭаан, Атәыла аҩныҵҟа антиковидтә уснагӡатәқәа алагаламхар асезон уаанӡатәи аамҭақәа ирықәыршәаны ихацыркхоит ҳәа агәаанагара рымоуп урыстәылатәи атуроператорцәа.

"Атуристцәа Аԥсны залыркаауа амзызқәа иреиуоуп COVID-19 азы ПЦР-тест аҭара ахьаҭахым, англыз бызшәала аршаҳаҭгақәа роура ахьаҭахым, арегион ахь урыстәылатәи атәылауаҩшәҟә ала аҭалара ахьауа, амҩа аамҭа рацәаны иахьақәыдмырӡуа", - азгәарҭеит "Интурист" аҿы.

Аилахәыраҟны еиҳа аԥыжәара змоу ҭыԥқәаны рыӡбахә рҳәоит акурортқәа Гагра, Пицунда, Афон Ҿыц, Аҟәа. Бжьаратәла Аԥсны рыԥсшьараамҭа 10-14 у/ҽ ыҟоуп.

АЛЕАН астатистика ала аҵыхәтәантәи аҩышықәса Аԥсны аҭаххара амоуп аныҟәаратә хырхарҭагьы. Убри азы 2021 шықәсаз атуроператор иазыԥхьагәеиҭеит автортә екскурсиатә турқәа Аԥсныҟа, Аҟәатәи аотельқәа рбазала. Ари аҩыза аԥсшьара аплиажтә ԥсшьарагьы иацымҩаԥугар ҟалоит.

Атуроператорцәа ргәаҭарақәа рыла традициала ԥхынгәы, нанҳәа амзақәа еиҳа аҭаххара рымоуп, аха ус шакәугьы лаҵарамзагьы азхьаԥшра арҭоит. Макьаназы цәыббрамза азыҳәақәа маҷны иазыҟаҵоуп.

Аекспертцәа иазгәарҭоит Аԥсны аотельқәа реиҳарак рыхәԥса шышьҭырхыз 5-10% рҟынӡа. Иҟоуп асезон-2020 аантәи ахәԥсақәа нзыжьызгьы.

Аобиект акатегориеи аҟазаара аамҭеи ирҿырԥшны ахәқәа реиҵатәра 7 -50% итәоит.

Ажьырныҳәа 27 азтәи адыррақәа рыла Москвантәи Шәачанӡеи шьҭахьҟаи аԥырра алаҵаны апакеттә турқәа ҩыџьа хынтәтәи рыкрыфара алаҵаны жәамш рыԥсшьара ахәԥса иартәоит:

  • 40,1 нызқь мааҭ (Аҟәа)
  • 48,2 нызқь мааҭ (Гагра).

Иара абри аамҭазтәи жәамштәи атурпакетқәа (ҩыџьа рзы, хынтәтәи рыкрыфара алаҵаны) иахьазы ирыхәԥсоуп:

  • 69,3 нызқь мааҭ (Гагра)
  • 66,1 нызқь мааҭ (Пицунда).
2

Алаҵа "Cпутником V" ҟазҵаз урыстәылаа рхыԥхьаӡара аӡбахә ҳәоуп

0
(ирҿыцуп 18:18 28.01.2021)
Адунеи аҟны раԥхьатәи ашәҟәы иҭагалоу алаҵа "Спутник V" ахьӡырҵеит. Алаҵа аус адулан Гамалеиа ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала.

АҞӘА, ажьырныҳәа 28 — Sputnik. Ҩ-миллионҩык рҟынӡа урыстәылаа акоронавирус аҟынтәи алаҵа "Спутником V" рыдыркылахьеит ҳәа аанацҳауеит РИА Новости Гамалеиа ихьӡ зху  Ацентр агентә инџьинериеи апотогонтә микроорганизмқәеи рлабораториа аусзуҩ еиҳабы, абиологиатә наукақәа ркандидат Дариа Егорова лажәақәа шьаҭас иҟаҵаны.

"Агуморалтә иммуннтә ҭак ала иара 98% еиҳаны хра амоуп, ахыцтә иммунитет ала 100% ирзааигәахахьеит", - еиҭалҳәеит аексперт РАН аҭҵаарадырратә хеилак онлаин-еизараҿы. Аизара мҩаԥысуан "COVID-19 акьыбачымазарақәеи" атемала,  МИА "Россия сегодня" апресс-центр аҿы.

Аденовирустә вектор шьаҭас измоу алаҵа нанҳәамзазы Урыстәыла агәабзиарахьчара аминистрра ашәҟәы иҭанагалеит. Абас ала иара адунеи аҿы ираԥхьатәиу коронавирус SARS-COV-2 иаҿагыло лаҵоуп. Алаҵа аус адулан Гамалеиа ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала. Иара шьаҭас иамоуп ибзианы иҭҵаау  ауаҩытәыҩса иаденовирустә вектор. ԥыжәараны иамоуп ашәарҭадара, хра аманы акраамҭа аҟазаара, ахҟьаԥҟьақәа рмаҷра.

0
Атемақәа:
Аҿкычымазара – акоронавирус Аԥсни адунеи аҿи: иалкаау