Ученики в классе

Асистема ҿыц: Аԥсны аҵара аминистр арҵаратә процесс далацәажәеит

21
Аԥсны Аҵареи абызшәатә политикеи рминистр ипресс-конференциа мҩаԥысит Аҟәа ԥхынҷкәын 4 рзы.

Аԥснытәи ашколхәыҷқәа оффлаин арежим ала рҵара, арҵаратә система аԥеиԥш, ирыцәцаз ишахьӡатәу уҳәа Sputnik аматериал аҿы.

Сариа Кәарцхьиаԥҳа, Sputnik

Аҵыхәтәантәи амзақәа рзы еиҳа иҵарны излацәажәо зҵаароуп ашколхәыҷқәа аҵарахьы рырхынҳәра. Аха ари азҵаара аҭак Аԥсны Аҵара аминистр Инал Габлиа макьаназ имам. Иара иажәақәа рыла зегь зыдҳәало аепидемиологиатә ҭагылазаашьоуп.

Габлиа иҳәеит ареспубликаҿы 2021 шықәса ажьырныҳәа 12 рҟынӡа атәыла ахада иусдҵала ашколқәа русура шаанкылоу.

"Макьаназ аӡәгьы издырам 2021 шықәса ажьырныҳәамза 12 инаркны иҟалаша. Ичмазаҩу рхыԥхьаӡара еиҳа-еиҳа иазҳауеит. Иуҳәаша уздырам. Зегь ҳақәгәыӷуеит аҭагылазаашьа бзиаханы ашколқәа ааҳартып ҳәа" - иҳәеит иара.

Габлиа ишиҳәаз ала аминистрраҿы еиуеиԥшым арҵаратә процесс аиҿкаашьақәа ирылацәажәахьеит. Араионқәа рҟынтәгьы агәаанагарақәа ҳзаарышьҭхьеит. Иҟоуп изҳәо аклассқәа еихшаны аурокқәа мҩаԥгалатәуп ҳәа. Аха аминистр иажәақәа рыла ари аформа цәыббрамза ахархәара аман, аха ачымазарақәа аҭыԥ рыман.

"Иаадыруеит аҭаацәа ахәыҷқәа ашкол ахь ицар шырҭаху. Еилаҳкаауеит. Аха атәыла ахада аусдҵа ҭижьит – аԥкрақәа рыҿҳәара иациҵеит. Ҳара уи ҳақәныҟәалароуп. Аӡәгьы дымгәыӷааит акоронавирус дацәцар ауеит ҳәа. Зегьы ашәарҭадаратә ԥҟарақәа ирықәныҟәалароуп", - иҳәеит Инал Габлиа.

Аҵареи абызшәатә политикеи рминистрраҿы ашколқәа рдиректорцәа рҿаԥхьа адҵа ықәдыргылеит аҵара онлаин-формат ахь ииаргарц. Аурокқәа ишиашоу ицо аефир ала имҩаԥгалатәуп, усеиԥш алшара змам авидеоурокқәа рхы иадырхәалароуп.

"Арҵаҩы онлаин-урок изымҩаԥымгозар, аудио- ма авидеоурок мҩаԥигароуп. Усеиԥшгьы иамуазар аинтернет аҟынтәи авидеоурокқәа ихы иаирхәароуп. Иаҳҳәап иҟоуп: Яндекс-школа, аелектронтә школа", - иҳәеит аминистр, иагьациҵеит ашколқәа ацхыраара рҭахызар аминистрра шазыхио.

Ажурналистцәа иазгәарҭеит аҭаацәа зегьы еиԥшу алшарақәа шрымам ахәыҷы иахәҭоу техникала деиқәдыршәарц азы.

Инал Габлиа иҳәеит ахәыҷқәеи аҵаҩцәеи зегь рыла ишеиқәшәам шидыруа, ари апроблема аӡбразы аԥара рацәа шаҭаху. Иҳәеит атехника адкыларазы акциа шрыларҳәахьоу.

"Ҳара атехника аахәаразы аҳәаанырцәҟа ҳадиаспорақәа рахь ашәҟәқәа ҳашьҭхьеит. Аха макьана алшарақәа ыҟамзар акәхап", - иҳәеит иара.

Габлиа иҳәеит апандемиа аамҭаз атрадициатә ҵаратә форма ишзазымхынҳәуа.

"Акарантин аамҭалатәуп. Алеишәа ааҳарԥшыроуп. Ашколқәа, ахәыҷбаҳчақәа аҳаркит. Иахьынӡауала аԥҟарақәа ҳрықәныҟәалароуп. Аҭагылазаашьа шааиӷьхалак аҵаратә процесс иацаҳҵоит", - иҳәеит иара.

Арҵаратә система ҿыц

Аминистр игәаанагарала иахьазы иусхаданы иҟоу изхьымӡаз апрограмма аҽахьыгӡара акәым, арҵаратә система ҿыц аиҿкаароуп.

"Ихықәку хадоу аҵаратә программа ашьақәыргылароуп. Асистема амҩа ҿыц аҭатәуп. Уажәы уи амҩа ҳақәуп, маҷ-маҷ адистанциатә ҵарахь аиасразы. Акарантин анцәа иҳәоны инҵәар, ҳазыхынҳәуеит уаанӡатәи аҵара. Саргьы сақәшаҳаҭӡам ашколқәа раркра, аха иахьа уи ада ԥсыхәа ыҟам. Ажьырныҳәазы аҭагылазаашьа еиӷьхар ашколқәа рахь ҳцоит", - иҳәеит иара.

Инал Габлиа иазгәеиҭеит уаанӡагьы атренинг ҷыдақәа шымҩаԥыргахьаз арҵаҩцәа рзы.

Агәыҳалалра ацҳаражәҳәаҩцәа рсиа ианыхразы

Апресс-конференциаҿ Инал Габлиа ахҳәаа азиуит Аԥсны агәыҳалалра ацҳаражәҳәаҩцәа рсиа ианыхра зыхҟьаз.

"Мзызны иамоу саргьы исыздырам. Ари асиа сананырҵозгьы заанаҵы аӡәгьы акгьы сеимҳәеит. Саналырхуазгьы убас. Маҷк иџьашьатәуп. Иагьиашам. Иагьҳаҭырқәҵарам", - иҳәеит иара.

Аԥсны Аҵареи абызшәатә политикеи рминистр ипресс-конференциа мҩаԥысит Аҟәа ԥхынҷкәын 4 рзы.

21

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5