Иааӡагоуп: аԥсуара аурок иаԥсыуам ашкол аҿы ишымҩаԥысуа

71
(ирҿыцуп 18:01 06.12.2020)
Хышықәса раахыс Гагра араион Гьачрыԥшьтәи аурыс школ аҿы аԥсуара шалагалоу, уи аԥсуеи атәым милаҭ ахәыҷқәеи иднарҵо атәы еиҭеиҳәеит ашкол адиректор, хаҭала ари амаҭәар мҩаԥызго Махаз Ешба.

Махаз Ешба хышықәса раԥхьа Гьачрыԥшьтәи абжьаратә аурыс школ ахь директорс аусура даныиарга, ибеит араҟа аҵара зҵоз рахьтә хыԥхьаӡарала аерманцәа шырацәаз, нас аурысцәа, ахԥатәи аҭыԥ аҿы аԥсуаа гылан. Убри аҟнытә адиректор қәыԥш иҭаххеит Аԥсны ииз, иааӡаз ахәыҷқәа милаҭеилых ҟамҵакәа ҳҵасқәа, ҳқьабзқәа рылааӡара, уи еиҳагьы аҿар еиднакылоит, иааӡоит ҳәа иԥхьаӡаны.

Sputnik, Саида Жьиԥҳа

"150-ҩык ахәыҷқәа ахьҭоу Гьачрыԥшьтәи ашкол аҟны аԥсуа бызшәа амаҭәар ишахысуагьы, исҭаххеит хазы ҳмилаҭтә культура аазырԥшуа, ҳасасдкылара, аиҳаби аиҵби реихаҵгалара, аҳаҭыреиқәҵара уҳәа инарҵауланы ҳморал-етикатә кодекс деилсыркаарц. Гагра араион аҵара аҟәша аиҳабы Мадина Ажьиԥҳа адгылара ансылҭа, ус иагьыҟасҵеит. Амала исымҳәарц залшом, азнык азы аԥсуа бызшәа рҵозар аԥсуара иалырхи ҳәа зҳәақәаз аҭаацәа шыҟаз. Аха амаҭәар зызкыз, хықәкыс иамаз атәы анрасҳәа, ҭынч иазнеиуа иалагеит. Ахәыҷқәа иаразнак иашьцылеит, уимоу бзиа ибангьы аурок ахь иааиуан акарантин ҟалаанӡа", - аԥсуара маҭәарк аҳасабала ашколтә программа ишалеигалаз атәы далацәажәоит Махаз Ешба.

© Foto / предоставлено Махазом Эшба
Гьачрыԥәьтәи ашкол адиректор, аԥсуаразы аурок арҵаҩы Махаз Ешба

Аԥсуара Гьачрыԥшьтәи абжьаратә школ аҟны абыжьбатәи акласс инаркны ажәеизатәи налаҵаны иахысуеит мчыбжьык знык. Аԥсуаа ирыҵамхо атәым милаҭ даара аинтерес рзаҵоуп. Махаз Ешба иазгәеиҭоит ари амаҭәар иабзоураны ахәыҷқәа рхәыцшьа аҽшаԥсахыз.

"Егьа умҳәан, аԥсуара амч ӷәӷәоуп. Хышықәса раԥхьа злеишәа ласыз аҵаҩцәа иахьа ҽакала рхы мҩаԥырго иалагеит. Уаанӡа аҵәҵәабжьы ангалак арҵаҩы ивҟьаны ицозҭгьы, уажәы иааҭгыланы аиҳабы доурыжьуеит. Аԥсуа рҵаҩцәа аԥсышәала аԥсшәа ҳарҳәоит", - иажәа иациҵоит Махаз Ешба.

Ашкол адиректор ҳаԥхьаҟа игәы иҭоуп аԥсуара иазку акласс-музеи аԥҵара. Уаҟа еидкылахоит аԥсуа наџьнатә аахыс ибзазара иадҳәалаз амаҭәарқәа.

Махаз Ешба имҩаԥиго аурокқәа рҟны еиҳараӡак излацәажәо ахымҩаԥгашьа, аиҳаби аиҵби реизыҟазаашьақәа, асасдкылара, аԥсуа чысқәа уҳәа ирыдҳәалоу атемақәа роуп.

Уажәы акарантин инаҷыданы онлаин ахь ииасит аҟнытә, аԥсуара аурокгьы убасҵәҟьа имҩаԥыргоит.

"Аҵаҩцәа авидеоеимадарала аҩныҟатәи адҵақәа сзеиҭарҳәоит. Иџьоушьаратәы ибзиангьы рҽазыҟарҵоит. Аԥсуа чысқәа ирызкыз онлаин урок аан, атәым милаҭ ахәыҷқәа рахьтә иҟан акык-ҩбак аԥсуа чысқәа ырмазеины ирыхцәажәазгьы. Уи угәы имахәарц залшом", - ҳәа азгәеиҭоит ашкол адиректор, аԥсуара арҵаҩы Махаз Ешба.

Аԥсуара амаҭәар азы, Махаз Ешба иаарту аурокгьы мҩаԥигахьан Гагра араион аҵара аҟәша аспециалистцәа алархәны.

© Foto / предоставлено Махазом Ешба
Гьачрыԥшьтәи ашкол аҵаҩцәа

Зхатәы бызшәеи, зкультуреи, заԥсуареи рзы згәы былуа Махаз Ешба ааӡагак аҳасабала иалеигалаз амаҭәар алҵшәа аиуа ишалагаз аниба, еиҳагьы аурокқәа ирбеио далагеит. Аԥсуара иаҵанакуа рацәоуп хымԥада, аха иара ҳҭоурыхгьы адҳәаланы аҿырԥштәқәа рзааигоит.

"Аԥсуаа Аԥсны шроуз алегенда, Гьачрыԥшь ақыҭа ахьӡ ахьынтәаауа, Гагра ақалақь аҭоурых, ҳжьирақәа, ҳныхақәа рҵакы, аибашьра атема уҳәа аурок аҟны хшыҩзышьҭра аҳҭоит. Сара исҭахуп дызмилаҭзаалакгьы Аԥсны диизар, ари адгьыл иаԥшәымацәоу ркультура шҳараку, рҵасқәа, рқьабзқәа ирываҟәыло адунеи аҟны ишыҟам рдырыр", - ихықәкы далацәажәоит иара.

© Foto / предоставлено Махазом Ешба
Гьачрыԥшьтәи аурыс школ

Гьачрыԥшьтәи абжьаратә аурыс школ аҿы аԥсуа бызшәа дзырҵо даҽа рҵаҩыкгьы аусура дааиԥхьеит адиректор. Аҳәынқарратә бызшәа еиҳагьы араҟа амч аиурц аџьабаа рбоит Инна Бенделиании Денис Анқәаби.

Махаз Ешба игәҭакы хадақәа иреиоуп Аԥсны иқәынхо зегьы аԥсышәала еилибакаауа, еицәажәо иҟаларц.

71

Раионк аԥсҭазаараҟынтә: Цыгәба Цандрыԥшь ақыҭауаа рыбзазаашьа иазкны

4
(ирҿыцуп 17:09 28.01.2021)
Гагра араион Цандрыԥшь ақыҭа ахада ихаҭыԥуаҩ Нали Цыгәба арадио Sputnik аефир аҿы еиҭеиҳәеит араион аҿы имҩаԥысуа аусурақәа ртәы.
Раионк аԥсҭазаараҟынтә: Цыгәба Цанрыԥшь ақыҭа иабзазаашьоу иазкны

"Акаҭран ақәҵара аус нап аркын ашықәс ҿыц ҳҭалаанӡа. Аҳабла амҩаду хада быжь-километрак инареиҳаны ибжьоуп, уи акаҭран ықәҵан. Уи ашьҭахь амҩадуқәа ҩба ҟаҵан. Еиҭа амҩадуқәа аанхеит, урҭ рхыԥхьаӡараҿы иҟоуп Гагреи ҳареи ҳаимаздо, иара ихадоу ҳәа иԥхьӡоуп. Аԥсшьаҩцәа навигаторла ианаауагьы иднарбо уи амҩоуп. Амшқәа рԥырхагамхар, уи нап адыркраны иҟоуп. Аусурақәа угәы иаахәартә анагӡара иаҿуп. Еиҭа ҳгәы иҭоуп ацхыраара лас ахьыҟоу ахыбраҿы, уа уажәы амбулаториагьы ҳамоуп ачымазараҿкы змоу рзы, иара иаҳа инарҭбааны аҟаҵара. Алашара аҭагылазаашьа уажәазы еиҳа еиӷьхеит. Адҵа ҟалеижьҭеи афермақәа ахьаҿаҳхыз рацәоуп, амҳәыр ықәыргылан иахьыҟаҳҵаз ыҟоуп, афымцацәаҳәақәа иахьҿахҵәахаз ыҟоуп, уи иаразнак афымцамч ианубаалартә иҟалеит. Уигьы угәы иамыхәарц залшом", - иҳәеит Цыгәба.

Иаҳа инеиҵыху аиҿцәажәара шәызыӡырҩыр шәылшоит аудио аҿы.           

4

Урыстәылатәи атуроператорцәа Аԥсны аԥхын аԥсшьаразы рҭаххара ахәшьара арҭеит

2
(ирҿыцуп 17:06 28.01.2021)
Аекспертцәа рдыррақәа рыла Аԥсны 2021 шықәсазтәи асезон азы еиҳа ирҭаху аԥсшьарҭа ҭыԥқәа хәба рхыԥхьаӡара иалашәеит, Краснодартәи атәылаҿацә, Ҟрым, Кавказтәи Аминералтә ӡқәа рышьҭахь аԥшьбатәи аҭыԥ нкыло.

АҞӘА, ажьырныҳәа 28 - Sputnik. 2021 шықәсазы Аԥсны аԥсшьара аҭаххара еиҳахоит 10 - 20%, рыла, аҳәаанырцә плиажқәа жәпакы раркраамҭаан, Атәыла аҩныҵҟа антиковидтә уснагӡатәқәа алагаламхар асезон уаанӡатәи аамҭақәа ирықәыршәаны ихацыркхоит ҳәа агәаанагара рымоуп урыстәылатәи атуроператорцәа.

"Атуристцәа Аԥсны залыркаауа амзызқәа иреиуоуп COVID-19 азы ПЦР-тест аҭара ахьаҭахым, англыз бызшәала аршаҳаҭгақәа роура ахьаҭахым, арегион ахь урыстәылатәи атәылауаҩшәҟә ала аҭалара ахьауа, амҩа аамҭа рацәаны иахьақәыдмырӡуа", - азгәарҭеит "Интурист" аҿы.

Аилахәыраҟны еиҳа аԥыжәара змоу ҭыԥқәаны рыӡбахә рҳәоит акурортқәа Гагра, Пицунда, Афон Ҿыц, Аҟәа. Бжьаратәла Аԥсны рыԥсшьараамҭа 10-14 у/ҽ ыҟоуп.

АЛЕАН астатистика ала аҵыхәтәантәи аҩышықәса Аԥсны аҭаххара амоуп аныҟәаратә хырхарҭагьы. Убри азы 2021 шықәсаз атуроператор иазыԥхьагәеиҭеит автортә екскурсиатә турқәа Аԥсныҟа, Аҟәатәи аотельқәа рбазала. Ари аҩыза аԥсшьара аплиажтә ԥсшьарагьы иацымҩаԥугар ҟалоит.

Атуроператорцәа ргәаҭарақәа рыла традициала ԥхынгәы, нанҳәа амзақәа еиҳа аҭаххара рымоуп, аха ус шакәугьы лаҵарамзагьы азхьаԥшра арҭоит. Макьаназы цәыббрамза азыҳәақәа маҷны иазыҟаҵоуп.

Аекспертцәа иазгәарҭоит Аԥсны аотельқәа реиҳарак рыхәԥса шышьҭырхыз 5-10% рҟынӡа. Иҟоуп асезон-2020 аантәи ахәԥсақәа нзыжьызгьы.

Аобиект акатегориеи аҟазаара аамҭеи ирҿырԥшны ахәқәа реиҵатәра 7 -50% итәоит.

Ажьырныҳәа 27 азтәи адыррақәа рыла Москвантәи Шәачанӡеи шьҭахьҟаи аԥырра алаҵаны апакеттә турқәа ҩыџьа хынтәтәи рыкрыфара алаҵаны жәамш рыԥсшьара ахәԥса иартәоит:

  • 40,1 нызқь мааҭ (Аҟәа)
  • 48,2 нызқь мааҭ (Гагра).

Иара абри аамҭазтәи жәамштәи атурпакетқәа (ҩыџьа рзы, хынтәтәи рыкрыфара алаҵаны) иахьазы ирыхәԥсоуп:

  • 69,3 нызқь мааҭ (Гагра)
  • 66,1 нызқь мааҭ (Пицунда).
2