Афымцамчусзуҩцәа Аҟәа аиҳарак алашара ахәылбыҽха иҟалоит ҳәа иақәгәыӷуеит

24
(ирҿыцуп 11:48 06.12.2020)
Астанциа маҷ Аҟәа 1 аҟны авариа ахҟьаԥҟьақәа раԥыхразы 2-3 мчыбжь аҭахуп. Ари аамҭазы ауааԥсыра афымцалашара рыҭахоит асхема ҿыц ала.

АҞӘА, ԥхынҷкәын 6 – Sputnik, Бадри Есиава. Астанциа маҷ Аҟәа 1 аҟны иҟалаз абылра ашьҭахь фымцалашарада иаанхаз аҳҭнықалақь араионқәа рахь алашара неиртә иҟарҵоит ҳәа ргәы иҭоуп ԥхынҷкәын 6 ахәылбыҽха, абри атәы Sputnik иазеиҭеиҳәеит Аҟәатәи афымцеихшарҭақәа русбарҭа аиҳабы Ҭемыр Џьынџьал.

"Иацы ҳара Ажәытә ҳабла алашара наҳашьҭит даҽа хырхарҭақәак рҟынтәи, наплакык аҿаҳхын ауаа алашара раҳҭеит. Иара убас аҿкчымазаратә хәышәтәырҭахь, ачазауад ахь афымцалашара наҳашьҭит. Аусурақәа ҳарҿуп, хәылбыҽханӡа астанциаҟынтәи Аҟәа алашара ахьыҟам араионқәа реиҳарак рахь алашара наҳашьҭып ҳәа ҳгәыӷуеит", - иҳәеит Џьынџьал.

Иара излеиҳәаз ала, аусзуҩцәа х-сменакны аусура иаҿуп уахи-ҽни.

Џьынџьал иажәақәа рыла, амцакра зыхҟьаз ари аобиект афымцеидара ӷәӷәа иахьаҵоу, насгьы амыругақәа ахьжәытәу азоуп. Ари аҩыза ҟамлар ауан ауаа афымцалашара иеиҷаҳауазҭгьы ҳәа агәра ганы дыҟоуп иара.

"Ари аҩыза ҟамларгьы ауан ауаа хыда арлашагақәа аҿарымкуазҭгьы, ҩба-хԥа еихагыла иҟоу рыҩнқәа дмырԥхалозҭгьы, закәаншьаҭада аус зуа амаинерцәа рҽаҿырхызҭгьы, урҭ рхыԥхьаӡара усгьы еиҳа-еиҳа ацлара иаҿуп. Ари аамҭа иалагӡаны ҳара иаҿаҳхит быжь-фермак, аха урҭ зтәыз рмыругақәа рыҩныҟа иҩнагаланы иаҿаркуа иалагеит", - иҳәеит Џьынџьал.

Афымцеихшарҭа Аҟәа 1 аҟны амцакра ҟалеит ԥхынҷкәын 5 ашьыжь асааҭ 5:20 рзы, уи иахҟьаны Аҟәа агәи, Мраҭашәаратәи ахәҭеи, Иашҭхәа ақыҭеи фымцалашарада иаанхеит.

Ари амашәыр аҭыԥ ақәҵаразы "Амшынеиқәафымцамч" амчқәа зегьы уахь инашьҭын. Уи аҽныҵәҟьа аиҭашьақәыргыларатә усурақәа ирылагеит.

Ԥхынҷкәын 5 рзы Аԥсны аԥыза-министр ихаҭыԥуаҩ, аекономика аминистр Кристина Озган Instagram аҿтәи лдаҟьаҿы ианылҵеит: "Аҟәатәи афымцеихшарҭаҿы аусурақәа абылра ҟалаанӡа ирылагахьан, уа ишьақәыргылаз амыругақәа зегьы рыԥсахра азԥхьагәаҭан. Уажәы иблыз амыругақәа рхаҭыԥан ишьақәдыргыло зегьы аахәаны ишьҭан. Рыхәҭак ҩаԥхьа иаагоуп".

Озган иара убас ланҵамҭаҿы иазгәалҭеит арҭ аусурақәа ҩымчыбжь иреиҵамкәа ишырго.

24
Атемақәа:
Аԥсны аенергетика апроблемақәа (211)

Раионк аԥсҭазаараҟынтә: Цыгәба Цандрыԥшь ақыҭауаа рыбзазаашьа иазкны

11
(ирҿыцуп 17:09 28.01.2021)
Гагра араион Цандрыԥшь ақыҭа ахада ихаҭыԥуаҩ Нали Цыгәба арадио Sputnik аефир аҿы еиҭеиҳәеит араион аҿы имҩаԥысуа аусурақәа ртәы.
Раионк аԥсҭазаараҟынтә: Цыгәба Цанрыԥшь ақыҭа иабзазаашьоу иазкны

"Акаҭран ақәҵара аус нап аркын ашықәс ҿыц ҳҭалаанӡа. Аҳабла амҩаду хада быжь-километрак инареиҳаны ибжьоуп, уи акаҭран ықәҵан. Уи ашьҭахь амҩадуқәа ҩба ҟаҵан. Еиҭа амҩадуқәа аанхеит, урҭ рхыԥхьаӡараҿы иҟоуп Гагреи ҳареи ҳаимаздо, иара ихадоу ҳәа иԥхьӡоуп. Аԥсшьаҩцәа навигаторла ианаауагьы иднарбо уи амҩоуп. Амшқәа рԥырхагамхар, уи нап адыркраны иҟоуп. Аусурақәа угәы иаахәартә анагӡара иаҿуп. Еиҭа ҳгәы иҭоуп ацхыраара лас ахьыҟоу ахыбраҿы, уа уажәы амбулаториагьы ҳамоуп ачымазараҿкы змоу рзы, иара иаҳа инарҭбааны аҟаҵара. Алашара аҭагылазаашьа уажәазы еиҳа еиӷьхеит. Адҵа ҟалеижьҭеи афермақәа ахьаҿаҳхыз рацәоуп, амҳәыр ықәыргылан иахьыҟаҳҵаз ыҟоуп, афымцацәаҳәақәа иахьҿахҵәахаз ыҟоуп, уи иаразнак афымцамч ианубаалартә иҟалеит. Уигьы угәы иамыхәарц залшом", - иҳәеит Цыгәба.

Иаҳа инеиҵыху аиҿцәажәара шәызыӡырҩыр шәылшоит аудио аҿы.           

11

Урыстәылатәи атуроператорцәа Аԥсны аԥхын аԥсшьаразы рҭаххара ахәшьара арҭеит

2
(ирҿыцуп 17:06 28.01.2021)
Аекспертцәа рдыррақәа рыла Аԥсны 2021 шықәсазтәи асезон азы еиҳа ирҭаху аԥсшьарҭа ҭыԥқәа хәба рхыԥхьаӡара иалашәеит, Краснодартәи атәылаҿацә, Ҟрым, Кавказтәи Аминералтә ӡқәа рышьҭахь аԥшьбатәи аҭыԥ нкыло.

АҞӘА, ажьырныҳәа 28 - Sputnik. 2021 шықәсазы Аԥсны аԥсшьара аҭаххара еиҳахоит 10 - 20%, рыла, аҳәаанырцә плиажқәа жәпакы раркраамҭаан, Атәыла аҩныҵҟа антиковидтә уснагӡатәқәа алагаламхар асезон уаанӡатәи аамҭақәа ирықәыршәаны ихацыркхоит ҳәа агәаанагара рымоуп урыстәылатәи атуроператорцәа.

"Атуристцәа Аԥсны залыркаауа амзызқәа иреиуоуп COVID-19 азы ПЦР-тест аҭара ахьаҭахым, англыз бызшәала аршаҳаҭгақәа роура ахьаҭахым, арегион ахь урыстәылатәи атәылауаҩшәҟә ала аҭалара ахьауа, амҩа аамҭа рацәаны иахьақәыдмырӡуа", - азгәарҭеит "Интурист" аҿы.

Аилахәыраҟны еиҳа аԥыжәара змоу ҭыԥқәаны рыӡбахә рҳәоит акурортқәа Гагра, Пицунда, Афон Ҿыц, Аҟәа. Бжьаратәла Аԥсны рыԥсшьараамҭа 10-14 у/ҽ ыҟоуп.

АЛЕАН астатистика ала аҵыхәтәантәи аҩышықәса Аԥсны аҭаххара амоуп аныҟәаратә хырхарҭагьы. Убри азы 2021 шықәсаз атуроператор иазыԥхьагәеиҭеит автортә екскурсиатә турқәа Аԥсныҟа, Аҟәатәи аотельқәа рбазала. Ари аҩыза аԥсшьара аплиажтә ԥсшьарагьы иацымҩаԥугар ҟалоит.

Атуроператорцәа ргәаҭарақәа рыла традициала ԥхынгәы, нанҳәа амзақәа еиҳа аҭаххара рымоуп, аха ус шакәугьы лаҵарамзагьы азхьаԥшра арҭоит. Макьаназы цәыббрамза азыҳәақәа маҷны иазыҟаҵоуп.

Аекспертцәа иазгәарҭоит Аԥсны аотельқәа реиҳарак рыхәԥса шышьҭырхыз 5-10% рҟынӡа. Иҟоуп асезон-2020 аантәи ахәԥсақәа нзыжьызгьы.

Аобиект акатегориеи аҟазаара аамҭеи ирҿырԥшны ахәқәа реиҵатәра 7 -50% итәоит.

Ажьырныҳәа 27 азтәи адыррақәа рыла Москвантәи Шәачанӡеи шьҭахьҟаи аԥырра алаҵаны апакеттә турқәа ҩыџьа хынтәтәи рыкрыфара алаҵаны жәамш рыԥсшьара ахәԥса иартәоит:

  • 40,1 нызқь мааҭ (Аҟәа)
  • 48,2 нызқь мааҭ (Гагра).

Иара абри аамҭазтәи жәамштәи атурпакетқәа (ҩыџьа рзы, хынтәтәи рыкрыфара алаҵаны) иахьазы ирыхәԥсоуп:

  • 69,3 нызқь мааҭ (Гагра)
  • 66,1 нызқь мааҭ (Пицунда).
2

Алаҵа "Cпутник V" ҟазҵаз урыстәылаа рхыԥхьаӡара аӡбахә ҳәоуп

2
(ирҿыцуп 18:59 28.01.2021)
Адунеи аҟны раԥхьатәи ашәҟәы иҭагалоу алаҵа "Спутник V" ахьӡырҵеит. Алаҵа аус адулан Гамалеиа ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала.

АҞӘА, ажьырныҳәа 28 — Sputnik. Ҩ-миллионҩык рҟынӡа урыстәылаа акоронавирус аҟынтәи алаҵа "Спутником V" рыдыркылахьеит, аанацҳауеит РИА Новости Гамалеиа ихьӡ зху Ацентр агентә инџьенериеи апатогентә микроцәеижьқәеи рлабораториа аусзуҩ еиҳабы, абиологиатә наукақәа ркандидат Дариа Егорова лажәақәа шьаҭас иҟаҵаны.

"Агуморалтә иммуннтә ҭак ала иара 98% еиҳаны хра амоуп, ахыцтә иммунитет ала 100% ирзааигәахахьеит", - еиҭалҳәеит аексперт РАН аҭҵаарадырратә хеилак онлаин-еизараҿы. Аизара мҩаԥысуан "COVID-19 акьыбачымазарақәеи" атемала,  МИА "Россия сегодня" апресс-центр аҿы.

Аденовирустә вектор шьаҭас измоу алаҵа нанҳәамзазы Урыстәыла агәабзиарахьчара аминистрра ашәҟәы иҭанагалеит. Абас ала иара адунеи аҿы ираԥхьатәиу коронавирус SARS-COV-2 иаҿагыло лаҵоуп. Алаҵа аус адулан Гамалеиа ихьӡ зху НИЦЕМ аҿы аинвестициақәа рзы Урыстәылатәи афонд ацхыраарала. Иара шьаҭас иамоуп ибзианы иҭҵаау ауаҩытәыҩса иаденовирустә вектор. Ԥыжәараны иамоуп ашәарҭадара, хра аманы акраамҭа аҟазаара, ахҟьаԥҟьақәа рмаҷра.

2
Атемақәа:
Аҿкычымазара – акоронавирус Аԥсни адунеи аҿи: иалкаау