Ихьӡырҳәагоу ауаа аузышьҭуаз: Аҟәатәи алицеи-интернат 60 шықәса ахыҵит

50
(ирҿыцуп 13:47 06.12.2020)
Ԥхынҷкәын 6, 1960 шықәса рзы иаартын К.Ф. Ӡиӡариа ихьӡ зху Аҟәатәи алицеи-интернат. Иахьатәи аамҭазы ари аҵараиурҭаҿы аҵара рҵоит 181-ы ҵаҩы.

Ԥхынҷкәын 6 - Sputnik, Наала Гәымԥҳа. Ԥхынҷкәын 6, 1960 шықәса рзы иаартын К.Ф. Ӡиӡариа ихьӡ зху Аҟәатәи алицеи-интернат. Аинтернат аартра еиҵагылоз аҿар рзы илашарбаган, адырра ҿыцқәа ируасхырын ҳәа азгәалҭоит аинтернат анапхгаҩы, 20 шықәса инеиԥынкыланы ашкол аҵаратә процесс амаҵ азызуа Лариса Валикәа-иԥҳа Қапԥҳа.

Лара дазааҭагылеит аинтернат аҭоурыхи, уи знысыз ауадаҩрақәеи, аибашьрашьҭахьтәи аԥеиԥши, иахьа арҵаратә процесс шеиҿкаауи ртәы. Қапԥҳа излалҳәо ала, аинтернат аартра хҭыс духеит. Уи раԥхьатәи напхгаҩыс дыҟан еицырдыруа арҵаҩы Леила Николаи-иԥҳа Ачба. Лара лыбзоурала еиҿкаан ззанааҭ бзианы издыруаз арҵаҩцәеи ааӡаҩцәеи рколлектив. Еиҿкааз аколлектив имҩаԥыргон ааӡаратә усура ду, уи алагьы аҵара зҵоз ахәыҷқәа ари аинтернат аҩбатәи рыҩнеиԥш иазыҟан.

Қапԥҳа ибзиаӡаны илгәалашәоит аинтернат зыниаз Аԥсны Аџьынџьтәылатә еибашьра аан, аибашьрашьҭахьтәи аинтернат алахьынҵа. Аибашьраан аинтернат аушьҭымҭацәа аӡәк еиԥш еидгылеит, рыԥсадгьыл рхы ақәырҵеит 68-ҩык ааӡаҩцәа, 11-ҩык ирыхҵоуп "Аԥсны Афырхаҵа" ҳәа ахьӡ.

"Ицәгьан аибашьрашьҭахьтәи арҵаратә процесс аиҿкаара. Ахыбра ааха ӷәӷәа аиуит. Абас, ауадаҩрақәа шмаҷмызгьы, ҿыц ашәқәа аанартит 1995 шықәсазы. Уи лыбзоуроуп аинтернат раԥхьатәи анапхгаҩыс иҟаз Леила Ачԥҳа. Уи илывагылеит ашкол аушьҭымҭацәа, ахадара аусӡуҩцәа, аинтернат алахьынҵа хьаас изкыз зегьы. Аибашьрашьҭахьтәи аҵаратә процесс иацхрааит аҭаацәагьы. Доусы илшоз ааигон: афатә, ажәтә, амаҭәа ԥхақәа. Абас ахәыҷқәа еилымхӡакәан аҭаацәа рлагала ҟарҵон", - ҳәа еиҭалҳәоит Қапԥҳа.

Ари ашкол иалгахьеит 1000-ҩык инареиҳаны аушьҭымҭацәа. Урҭ рахьтә аӡәырҩы еиуеиԥшым аамҭақәа рзы аҭакԥхықәратә ҭыԥқәа ааныркылон. Аинтернат аушьҭымҭацәа рыбжьара иҟоуп еицырдыруа аҵарауаа, ашәҟәыҩҩцәа, акомпозиторцәа, жәлар рартистцәа, Аԥсны Аҳәынҭқарра еиуеиԥшым аҵараиурҭақәа рыҟны аус зуа арҵаҩцәа. Лариса Қапԥҳагьы ари аинтернат доушьҭымҭоуп.

"Аибашьра ашьҭахь араҟа аҵара рҵон 300-ҩык инареиҳаны аҵаҩцәа. 2000 шықәса рзыҳәан ашкол ааӡаратә ҟәша напхгаҩыс саҭан. Усҟан арҵаратә процесс арҿыцра ҳалагеит. Гәахәарыла еснагь иаҳгәалашәоит ҳаушьҭымҭацәа, анаҩс еицырдыруа иахьыҟалаз ҳалаҽхәоит. Урҭ иреиуоуп ҳаушьҭымҭацәа: Лиудмила Гәымԥҳа, Заур Зыхәба, Вахтанг Возба, Уасил Аҩӡба, Роман Аргәын уҳәа ирацәаҩны", - ҳәа гәыблыла рыӡбахә лҳәоит аинтернат аиҳабы.

Иахьатәи аамҭазы арҵаҩратә еилазаара 30-ҩык ыҟоуп, ааӡаҩцәа - 20-ҩык. Ашкол акорпус еихшоуп арҵаратәи, ацәаратәи ҳәа. Аҵаҩцәа рхы рыладырхәуеит атәылаҿы имҩаԥысуа ашколтә олимпиадақәа. Иахьа апандемиа иахҟьаны арҵаратә процесс аанкылоуп, аха аҵаҩцәеи арҵаҩцәеи аимадара рыбжьоуп. Уи атәы дазааҭгыло, ашкол анапхгаҩы Лариса Қапԥҳа илҳәоит:

"Апандемиатә чымазара амшала, ишыжәдыруа еиԥш, аҵаратә процесс аанкылоуп ашколқәа зегьы рыҟны. Аха ҳара ҳҵаҩцәеи ҳареи аимадара ҳабжьоуп. Ааигәа арҵаҩратә еилазаара аилатәара ҳаман. Онлаинтә ҵара ҳара ҳҟны иалҵӡом еиуеиԥшым амзызқәа ирыхҟьаны. Иҳаӡбеит мчыбжьык ахь знык ҩ-класск ашкол ахь ихалаларц, аурок мҩаԥаагоит, адҵақәа рыҭаны иоуҳажьуеит. Иазгәасҭарц сҭахуп - ааигәа ашколхәыҷқәа рыбжьара имҩаԥысуаз онлаинтә диктант аҩраҟны ҳҵаҩцәа ҩыџьа аԥхьахә ҭыԥқәа ирыԥсахеит, уи даара ҳаигәырӷьеит. Агәыӷра сымоуп хара имгакәа ҳҵаратә процесс ишахәҭоу еиԥш ишьақәгылап ҳәа", - лҳәоит Лариса Қапԥҳа.

2008 шықәсазы аинтернат иазыҟаҵан акапиталтә ремонт. Иахьазы уаҟа аҵара рҵоит 181-ы ҵаҩы.

50

Аԥсны акоронавирус злаз фҩык апациентцәа рыԥсҭазаара иалҵит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11355-ы ыҟоуп, ргәы бзиахеит 9467-ҩык, рыԥсҭазаара иалҵит 167-ы.

АҞӘА, ажьырныҳәа 27 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 543-ҩык атестқәа рзыҟаҵан, урҭ рахьтә 54-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Ажьырныҳәа 25-26 рзы Аԥсны аковид-хәышәтәырҭақәа рҿы рыԥсҭазаара иалҵит фҩык апациентцәа.

Гәдоуҭатәи ахәышәтәырҭаҿы ажьырныҳәа 26 рзы иԥсҭазаара иалҵит ҩыџьа апациентцәа. 1931 шықәсазы ииз - идиагноз хада акоронавирустә инфекциа ҿыц, иара убас идбалан зымҩасшьа бааԥсыз авирус-бактериалтә ҩганктәи аполисегментартә гәыҵәкра. Иԥсҭазаара далҵит 1949 шықәсазы ииз ахаҵа, идиагноз хада акоронавирустә инфекциа ҿыц.

Аҟәатәи аинфекциатә хәышәтәырҭаҿы иԥсҭазаара далҵит 1950 шықәсазы ииз апациент, идиагноз хада акоронавирустә инфекциа ҿыц. Иара ахәышәтәырҭа дҭашәеит иҭагылазаашьа бааԥсны, ирԥҳақәа ачымазара акыр ирылаҽны. Апациент мызкы иназынаԥшуа иақәнагаз ахәышәтәра дахысуан, аха уи иахьмырԥшкәа иԥсҭазаара далҵит ажьырныҳәа 26 рзы.

Урыстәылатәи арратә госпиталь аҿы рыԥсҭазаара иалҵит хҩык апациентцәа. 1950 шықәса рзы ииз апациент иԥсҭазаара далҵит ажьырныҳәа 15 рзы, 1946, 1948 шықәсқәа рзы ииз ҩыџьа апациентцәа - ажьырныҳәа 26 рзы. Урҭ рыхҩыкгьы акоронавирустә инфекциа адиагноз рзышьақәырӷәӷәан.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 118-ҩык, урҭ рахьтә 104-ҩык акоронавирус адиагноз рзышьақәыргылоуп, рҭагылазаашьа бааԥсуп 34-ҩык, ибжьаратәуп - 50-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 35-ҩык апациентцәа, Очамчыра ирхәышәтәуеит 19-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 29-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 46-ҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау
Кама Гогия

Гогьиаԥҳа: зда ԥсыхәа ыҟам мызчарак ауалафахәқәа иреиҵамзароуп, аха изалымшацт

7
Аԥсны аҳәынҭқарра ахыԥхьаӡара еихшьааларҭатә еилакы ахантәаҩы Кама Гогьиаԥҳа арадио Sputnik аефир аҟны еиҭалҳәеит зда ԥсыхәа ыҟам мызчарак шышшьақәдыргыло атәы.

2021 шықәса ажьырныҳәа 1 азы зда ԥсыхәа ыҟам ауаҩы ихныҟәгага мызкы иартәеит 7 нызқьи 398 мааҭ.

 

Атәылауаҩи аиҳабыреи: Гогьиаԥҳа зда ԥсыхәа ыҟам мызчарак иазкны

"Аԥсны мызчарак ахыԥхьаӡара аилкааразы Урыстәыла Краснодартәи атәылаҿацә, Адыгатәыла ирымоу аметодика ҳхы иаҳархәоит ҳаргьы. Мызчарак иалоуп ауаҩы аԥсымышьҭыгазы иифараны иҟоу 35 хкы афатәқәа. Урҭ рыдагьы ааглыхратә тауарқәа, убасгьы алашара, ауадазы амаҵзуратә шәахтәқәа уҳәа. Арҭ зегьы еилаҵаны зда ԥсыхәа ыҟам аныхтәқәа идыртәо ахә ҟалоит. Афатәқәа ари ахә аҟынтәи 5 нызқьи 60 мааҭ дыртәоит, егьырҭ атауарқәа 1450 мааҭ, ашәахтәқәеи егьырҭ амаҵзуратә хшәаатәқәеи 887 мааҭ. Зда ԥсыхәа ыҟам мызчарак еиҵаны иҟамзароуп ауалафахәы. 2017 шықәсазы апарламент аҟны аџьаус азы азакәан ҿыц рыдыркылеит. Уаҟа иарбоуп ианар 1, 2018 шықәса инаркны мызчарак зда ԥсыхәа ыҟам аныхтәқәа иреиҵамзароуп ҳәа. Ус шакәгьы, иахьагьы иҟоуп зуалафахы мызчарак аасҭа еиҵоу", - лҳәеит Гогьиаԥҳа.

 

Шәазыӡырҩы аудио.

Иара убас шәаԥхьар ҟалоит:

7