"Амшынеиқәафымцамч" абонентцәеи дареи реимадаразы ардырратә маҵзура аусура иаланаргоит
(ирҿыцуп 15:26 08.12.2020)
Аԥсны аԥыза-министр ихаҭыԥуаҩ Кристина Озганԥҳаи АУН "Амшынеиқәафымцамч" аиҳабы Михаил Логәуеи рыбрифинг мҩаԥысит ԥхынҷкәын 7 рзы.АҞӘА, ԥхынҷкәын 8 – Sputnik. "Амшынеиқәафымцамч" абонентцәеи дареи реимадаразы ардырратә маҵзура аусура иаланаргоит хара имгакәа ҳәа иҳәеит АУН "Амшынеиқәафымцамч" аиҳабы Михаил Логәуа.
"Мызк ҵуеит иаку ардырратә маҵзура аԥҵара аиҿкаара ҳаҿуижьҭеи. Уажәшьҭа ҳҟазауаа атесттә-режим ала аусура ԥыршәоит. Сақәгәыӷуеит хара имгакәа ҳсаит аҿы аҭелқәа, зыла ҳтәылауаа рызҵаарақәа аҭак ҟаҵахо жәбап ҳәа", - иҳәеит Логәуа.
Михаил Логәуеи Кристина Озганԥҳаи ажурналистцәа еицны астанциа маҷ "Аҽгәара" иаҭаарц рарҳәеит. Уа хаҭала аҭагылазаашьа зеиԥшроу рбарц азы. Ирбо ираҳауа ауааԥсыра рҟынӡа инаргарц азы.
Амцакра ахьыҟаз "Аҟәа-1" аҟны акәзар ахархәагақәа ықәыргылан 1970-1980 ашықәсқәа рзы. Иара абри аҩыза аҭагылазаашьоуп иҟоу атәыла зегьы аҿы.
Атемақәа:
Аԥсны Аҳәынҭстатистикаҿы ахныҟәгаратә минимум шьақәдыргылеит
(ирҿыцуп 10:20 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтәи аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.
Ахныҟәгаратә минимум рахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.
Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.
Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.
Аԥсны атуристтә бренд алоготип аус адулараз аицлабраҿ иаиааиз далкаауп
АҞӘА, ажьырныҳәа 23 – Sputnik, Асмаҭ Ҵәыџьԥҳа. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал аҿы аиааиҩы далнакааит.
Ажиури рыбжьыҭарала аиааира игеит Санкт-Петербургтәи адизаинер, иара абжьқәа реиҳарак иоуит онлаин-бжьыҭараангьы. Аха убри аан ажиури ирҳәеит амакет еиҭа аус адулатәуп ҳәа.
Зегь раасҭа иалацәажәан амакет ианыз амандарина асахьа. Ажиури алахәылацәақәак ирҳәеит акцент зҭатәу Аԥсны аҭоурых-культуратә ҭынхоуп, аха егьырҭ ргәаанагарала ацитрус шәыр абренд ианаалоит, иареи ареспубликеи еиԥшныршьалоит азы ҳәа.
"Азеиԥш гәаанагара ацныҟәара аҭахым. Сара сзы амандарина аҳәаа аркра, аидара амҩангара, ауаа рӷарра ауп ианарԥшуа. Еиҳа аинтерес зҵоу асимволқәа ҳамоуп. Ақьырсиан культура ду ҳалаҽхәартә иҳамоуп", - ҳәа иҳәеит Баҭал Кобахьиа.
Иара диқәшаҳаҭхеит абрендинг азҟаза Анастасиа Краттлигьы.
"Абренд аамҭа иақәшәозар ауп, аха убри аан атәыла акультура аныԥшуазароуп", - ҳәа лҳәеит лара.
Аԥсны Апарламент адепутат Асҭамыр Аршба игәаанагарала амандарина аблокада аамҭа акәӡам изыдҳәалатәу, иԥсеиқәырхаганы акәын ишыҟаз, уи адагьы иара алоготип аҿы амра асахьоуп ианыԥшуа.
Аԥсны атуризм аминистр Ҭеимураз Хышба ажиури алахәылацәа иреиҳәеит абренд еиуеиԥшым аҭыԥқәа ишырныԥшуа: ацәашәҵатәы, аплиажтә хархәагақәа уҳәа реиԥш иҟақәоу. Аԥсуа орнамент ма афрескақәа абри аан рхархәара проблемахоит ҳәа иҳәеит иара.
Ажиури анеилацәажәа ашьҭахь иӡбан алоготип автор апроект аус еиҭадиуларц изырхынҳәра.
Туристический бренд Абхазии© Sputnik / Асмат Цвижба
Туристический бренд Абхазии© Sputnik / Асмат Цвижба
©
Sputnik / Асмат Цвижба
Аԥсны атуризм аминистрра ҳтәыла атуристтә бренд аус адуларазы аицлабра алахәхаразы арзаҳалқәа рыдкылара иалагеит абҵара 15 рзы. Аицлабраз иаашьҭын 54 макет. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабраҿ иалнакааит ԥхынҷкәын 28 рзы жәа-макетк. Дара аминистрра асаит аҿы иқәыргылан.
Афинал ахь, ажьырныҳәа 22 рзы х-усумҭак неиит. Аиааира игеит абжьеиҳа зауз автор, иагьианашьахеит 50 000 мааҭ.