Аԥсны иаатит Жәларбжьаратәи ашьапылампылтә турнир "Аешьаратә жәлар р-Лига"

29
(ирҿыцуп 16:44 08.12.2020)
Жәларбжьаратәи ашьапылампылтә турнир "Аешьаратә жәлар р-Лига" мҩаԥысуеит Аԥсны, ԥхынҷкәын 8-12 рзы. Атурнир иалахәуп хә-командак.

АҞӘА, ԥхынҷкәын 8 – Sputnik, Асмаҭ Ҵәыџьԥҳа. Жәларбжьаратәи ашьапылампылтә турнир "Аешьаратә жәлар р-Лига" аартын Аҟәатәи астадион "Динамо" аҿы ԥхынҷкәын 8 рзы.

© Sputnik / Томас Тхайцук
Аԥсны иаатит Жәларбжьаратәи ашьапылампылтә турнир "Аешьаратә жәлар р-Лига"

Атурнир иалахәуп: Лугансктәи жәлар рреспублика "Восток-Уголь", Аԥсны иҟоу абыжьбатәи арратә база, Аԥснытәи акомандақәа– Рица-2" (Гәдоуҭа) "Гагра", "Динамо" (Аҟәа). Аҿари аспорти русқәа рзы Аҳәынҭеилакы ахантәаҩы Џьамал Гәбаз ишиҳәо ала ДЖәР ркомандагь алахәхара иазыԥшын, аха фҩык ахәмарҩыцәа акоронавирус рыхьит.

© Sputnik / Томас Тхайцук
Аԥсны иаатит Жәларбжьаратәи ашьапылампылтә турнир "Аешьаратә жәлар р-Лига"

"Ҳара иҳалшо зегь ҟаҳҵоит аҿар рзы. Еицырдыруа чемпионцәаны иҟамларгьы џьара акы рнапы алакызаауеит, адәы иацәыхьчахоит. Жәларбжьаратәи атурнирқәа аҿар рзы акыр рыҵаркуеит", - иҳәеит Гәбаз.

Жәларбжьаратәи ашьапылампылтә турнир "Аешьаратә жәлар р-Лига" раԥхьаӡа акәны имҩаԥысуеит Аԥсны, аха Гәбаз ишиҳәаз ала ҽааны Нхыҵ Кавказ акомандақәагьы алархәны имҩаԥгахоит.

© Sputnik / Томас Тхайцук
Аԥсны иаатит Жәларбжьаратәи ашьапылампылтә турнир "Аешьаратә жәлар р-Лига"

Актәи ахәмарра мҩаԥысит "Рица-2" – "Восток-Уголь" рыбжьара. Аиааира ргеит Лугансктәи акоманда ахәмарыҩцәа: 3:1. Атурнир афинал мҩаԥгахоит ԥхынҷкәын 12 рзы.

29

Аԥсны COVID-19 рыдырбалеит даҽа 176-ҩык ауааԥсыра

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10784ҩык ыҟоуп, ргәы бзиахеит 8513-ҩык, рыԥсҭазаара иалҵит 152-ҩык.

АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

326
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

326
Атемақәа:
Ачымазара ҿкы – акоронавирус Аԥсни адунеи аҿи: иалкаау