Хаҵеи ԥҳәыси Аԥсныҟа анаркотикқәа ралагалара рҽазыршәон

12
Иаанкылаз Урыстәыла атәылауаа анаркотикатә маҭәашьар еихша-еихшаны Аԥсны аҵакыраҿы аҭира иазырхианы ирыман.

АҞӘА, ԥхынҷкәын 11 - Sputnik. Хаҵеи ԥҳәыси Урыстәылантәи Аԥсныҟа анаркотикқәа ралагалара рҽазыршәон ҳәа аанацҳауеит Краснодартәи аҳазалхырҭа Шәачатәи амаҵзура.

Шәача ақалақь анаркотикқәа ирҿагыланы ақәԥаразы амаҵзура аҟәша аусзуҩцәеи Урыстәыла ААР Шәачатәи амаҵзура аусзуҩцәеи аҳазалхырҭатә ҭыԥ "Адлер" аҿы иааныркылеит Урыстәылантәи Аԥсныҟа зхы хаз амашьына.

Агәаҭара амҩаԥгараан машьынала имҩасуаз аԥҳәыс ҵаҟатәи лцәамаҭәаҿы илыдбалан амаҭәашьар "Лирика". Иара аилазаара иалоуп прегабалин, ЕАЕС аҳазалхырҭатә ҳәаақәа рхыгара ззыҟам амаҭәашьар. Абри ашьҭахь аԥҳәыс лҿы лықәшаҳаҭхеит анаркотикқәагьы шлымаз азы. Ицәырылгеит аилаҳәара. Афизика-химиатә ҭҵаара иаанарԥшит анаркотик "героин" шакәыз, 110,89 грамм ишыҟаз.

Анаркотикқәа 233 еилаҳәара иргәылаҵәахын. Иаанкылаз ауаа анаркотикқәа Аԥсны рыҭира рыгәҭакын.

© Foto / пресс-служба краснодарской таможни
Хаҵеи ԥҳәыси Аԥсныҟа иааргоз анаркотикатә маҭәашьарқәа

Абри ахҭыс аганахьала ашьаус хацыркуп. Анаркотикқәа мҩанызгоз аанкылоуп. Дара жәашықәса инаркны ҩажәа шықәсанӡа аҭакра рықәшәар ҟалоит.

12

Аԥсны COVID-19 рыдырбалеит даҽа 176-ҩык ауааԥсыра

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10784ҩык ыҟоуп, ргәы бзиахеит 8513-ҩык, рыԥсҭазаара иалҵит 152-ҩык.

АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

331
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

331
Атемақәа:
Ачымазара ҿкы – акоронавирус Аԥсни адунеи аҿи: иалкаау