Аԥсны ААР аусзуҩцәа Керч иҭахаз аибашьҩы иуацәа рыԥшааит

13
(ирҿыцуп 14:25 11.12.2020)
Аԥсны Аҩныҵҟатәи аусқәа рминистрра ацхыраара ҟанаҵоит Аџьынџьтәылатә еибашьра Ду аан иҭахаз аибашьцәа рыуа-рҭынха рыԥшаараҿы, жәларбжьаратәи арра-патриоттә проект "Ахьӡ архынҳәра" аҳәаақәа ирҭагӡаны.

АҞӘА, ԥхынҷкәын 11 - Sputnik. Аԥсны аҩныҵҟатәи аусқәа рминистрра ацхыраара ҟанаҵеит 78 шықәса раԥхьа Керчи Феодосиеи рзы аибашьраан иҭахаз Ҭимур Бганба иуацәа ҳәа аанацҳауеит аусбарҭа асаит.

Ҭимур Бганба политрурк еиҳабыс дыҟан, аибашьрахь дцеит 1941 шықәса рзы. Аибашьра ашьҭахь иҭаацәа адырра роуит хабарда дыбжьаӡит ҳәа. Акраамҭа ихабар аилкаара ишашьҭазгьы лҵшәа ҟамлеит.

Апроект "Ахьӡ архынҳәра" иҟанаҵаз аилкаарала Бганба Керчи Феодосиеи рзы аибашьраан дҭахеит 1942 шықәса лаҵарамзазы.

Аԥсны ААР аусзуҩцәа ишьақәдыргылеит Аҟәа дшынхоз аибашьҩы иашьа иԥа– Заур Бганба. Иара изынханы имоуп иаб иашьа аибашьарҟынтәи иан илзааиҭиз ифотосахьа. Уи иацыз асалам шәҟәы Аԥсны Аџьынџьтәылатә еибашьраан иӡит.

Апроект "Ахьӡ  архынҳәра" иалнаршахьеит Аԥснынтәи аибашьра иалаӡыз рҭаацәарақәа 230 рыԥшаара. Аԥсны ААР аминистр Дмитри Дбар инапынҵала ареспублика араионқәа зегьы рҿы ацуҭа милициа Аибашьра ду аан хабарда ибжьаӡыз рсиақәа ргәаҭара иаҿуп, рыуацәеи рҭынхацәеи шьақәдыргылоит.

Азеиԥштәылауаҩтә ԥшьгамҭа "Ахьӡ архынҳәра" анемец фашист концлагерқәа рҿы иҭахаз рыԥшаара иазырхоуп, ацхыраара рнаҭоит зыуа-зҭахы рыԥшаара иашьҭоу. Апроект амҩаԥгара иалахәуп Аԥсны Атәылахьчара аминистрра.

13

НАТО ҩаԥхьа Урыстәыла Аԥсни Аахыҵ Уаԥстәылеи разхаҵара мап ацәнакырц иаанаԥхьеит

3
Урыстәыла Аԥсни Аахыҵ Уаԥстәылеи рхьыԥшымра азханаҵеит 2008 шықәса нанҳәамзазы амч ахархәарала уаанӡатәи автономиақәа архынҳәырц азы иаԥшьнагаз ахҭысқәа рышьҭахь.

АҞӘА, ажьырныҳәа 22 – Sputnik. НАТО Урыстәыла Аԥсни Аахыҵ Уаԥстәылеи разхаҵара мап ацәнакырц ишаанаԥхьац иаанаԥхьоит иҳәеит НАТО аҳәынҭмаӡаныҟәгаҩ Иенс Столтенберг Бриуссель Қырҭтәыла ахада Саломе Зурабишвили дылԥылаанӡа имҩаԥигоз апресс-конференциаҿы. Абри атәы аанацҳауеит РИА Новости.

"Ҳара Урыстәыла Аԥсни Аахыҵ Уаԥстәылеи ррегионқәа разхаҵара мап ацәнакырц ишааҳаԥхьац иааҳаԥхьоит", - иҳәеит иара.

Столтенберг иара убас иациҵеит Урыстәыла "Қырҭтәыла аҵакыра акзаара ҳасаб азнауларц, жәларбжьаратә азин пату ақәнаҵаларц".

Уаанӡа адырра ҟарҵахьан Қырҭтәыла ахада Саломе Зурабишвили ажьырныҳәа 22 рзы Бриуссель иҟоу НАТО аштаб-квартира дшаҭаауа, иара убас НАТО-Қырҭтәыла еицырзеиԥшу акомиссиа аилатәара дшалахәхо.

Урыстәыла Аԥсни Аахыҵ Уаԥстәыла рхьыԥшымра азханаҵеит нанҳәа 26 2008 шықәсазы. Урыстәыла аиҳабыра изныкымкәа ирҳәахьан арҭ аҩтәылак рхьыԥшымра азхаҵара аиҭахәаԥшра ргәы ишҭам, уи аӡбамҭа иахьатәи аамҭа ишақәшәо. Қарҭ акәзар, урҭ рхьыԥшымра азханаҵарц агәы иҭам.

Нанҳәа 8 ауха 2008 шықәса рзы ақырҭуа ар "Градқәа", атанкқәа, авиациа рыла ихысуа аахыҵ Уаԥстәыла иажәлеит, аҳҭнықалақь Цхинвал абжа еилаԥырыххааит. Урыстәыла ауаԥс жәлар аӡәреи-аԥсреи ирцәыхьчо, ақырҭуа ир ирҿагылеит. Хәымш ицоз аибашьра ашьҭахь Аахыҵ Уаԥстәыла ахы иақәиҭтәын.

Ауаҩы изинқәа рзы Европатәи аӡбарҭа иацы ҵаҵӷәык аҵам ҳәа иаԥхьаӡеит 2008 шықәса нанҳәамзазтәи ахҭысқәа рзы Қырҭтәыла Урыстәыла иаднаҵо ахара.

Иара убас шәаԥхьар ҟалоит:

3

Иҳаҩсыз уахыки-ҽнаки рыла COVID-19 рыдырбалеит 112-ҩык, ԥсыҭбарак ҟалеит

9
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11096-ҩык ыҟоуп, ргәы бзиахеит 8943-ҩык, рыԥсҭазаара иалҵит 157-ҩык.

АҞӘА, ажьырныҳәа 22 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 451-ҩык атестқәа рзыҟаҵан, урҭ рахьтә 112-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

COVID-19 зцәа иалаз пациентк иԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы. !953 шықәсазы ииз апациент ахәышәтәырҭа дҭашәеит ажьырныҳәа 9 рзы, иара иахәҭаз ахәышәтәра дшахысуазгьы, ажьырныҳәа 20 рзы иԥсҭазаара далҵит. Изышьақәыргылан адиагноз "акоронавирустә инфекциа ҿыц", зыҽзыруадаҩыз ачымазара хада - "ҩганктәи аполисегментартә гәыҵәкра".

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 134-ҩык, рҭагылазаашьа бааԥсуп 35-ҩык, ибжьаратәуп - 48-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 61-ы пациент.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11096-ҩык ыҟоуп, ргәы бзиахеит 8943-ҩык, рыԥсҭазаара иалҵит 157-ҩык.

  • Акоронавирус иазку ажәабжьқәа зегьы шәрыԥхьар ҟалоит абра>>
9
Атемақәа:
Ачымазара ҿкы – акоронавирус Аԥсни адунеи аҿи: иалкаау