Аҟәа афымцалашара арцәара иаҟәыҵыр ҟалоит ԥхынҷкәын 13 амш аҽеиҩшамҭаз

12
(ирҿыцуп 23:54 12.12.2020)
Аԥсны аҳҭнықалақь аиҳарак фымцалашарада иаанхеит ԥхынҷкәын 5 рзы астанциа маҷ "Аҟәа-1" аҟны абылра аныҟала ашьҭахь.

АҞӘА, ԥхынҷкәын 12 - Sputnik, Асмаҭ Ҵәыџьԥҳа. Аҟәа араионқәак рҟны ҭыԥ-ҭыԥла афымцалашара дырцәалоит амҽыша, ԥхынҷкәын 13 амш аҽеиҩнашаанӡа ҳәа Sputnik иазеиҭарҳәеит "Амшынеиқәафымцамч" апресс-маҵзураҿы.

Уаанӡа адырра ҟарҵахьан астанциа маҷ "Аҟәа-1" аҟны атрансформатортә мчхарақәа зегьы аусура ишаладыргаз.

"Раионқәак рҿы макьана арцәарақәа ҟалоит, избанзар аамҭалатәи асистемаҟынтәи есымша аус зуло ахь аиасра ҳаҿуп. Убри аҟнытә алашара макьана уаҵәы амш аҽеиҩнашаанӡа иҳарцәалар акәхоит, анаҩс аамҭа-аамҭалатәи афымцалашара арцәарақәа ҟалом", - ҳәа азгәарҭеит аусбарҭаҟны.

Абри атәы шьақәирӷәӷәеит "Амшынеиқәафымцамч" аоператив-техникатә усбарҭа аиҳабы Руслан Кәарҷиа, арадио Sputnik Аԥсны аефир аинтервиу анеиҭоз.

"Ԥхынҷкәын 5 рзы иҟалаз амашәыр ахҟьаԥҟьақәа аԥыхуп, астанциа маҷ атрансформатортә мчхарақәа зегьы аҿакуп. Уаҵәы инаркны Аҟәатәи афымцеихшарҭақәа русбарҭа ацәаҳәа ҿыцқәа аусура иаланаргоит, иҟоу амчхара еихнашоит. Абылра ҟалаанӡа иҟаз асхемахь ихынҳәуеит, убас ала алашара арцәарақәа аԥаҳхуеит", - иҳәеит иара.

Астанциа маҷ "Аҟәа-1" аҟны амцакра ҟалеит ԥхынҷкәын 5 рзы. Убри иахҟьаны Аҟәа араионқәак мышқәак фымцалашарада иаанхеит.

Ахаша, ԥхынҷкәын 9 рзы еилкаахеит Аҟәа ахәҭак афымцалашара арцәара аграфик ҿыц шышьақәыргылоу, "Аҟәа-1" аҟны аиҭашьақәыргыларатә усурақәа цонаҵы.

Аграфик ҿыц инақәыршәаны ҩ-сааҭк рыбжьара ҩ-сааҭк ҳәа алашара дырцәалон Аҟәа агәы аиҳарак, Алашарбага аҳабла, "Колос" аҟынтәи Ацҳа ҟаԥшь аҟынӡа иаҵанакуа араионқәа рҿы.

Ԥхынҷкәын 11 инаркны аԥснытәи аенергосистема Урыстәылатәи Афедерациаҟынтәи афымцамч аиуа иалагеит.

12
Атемақәа:
Аԥсны аенергетика апроблемақәа (179)

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

160
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

160

"Амшынеиқәафымцамч" афымцалашара аиуразы аԥкырақәа аланагалоит

8
(ирҿыцуп 18:56 19.01.2021)
Ареспублика иахьаҵанакуа иалкааны алашара арцәаразы аграфик ҟалом, азхьаԥшра аҭахоит афымцацәаҳәақәа зҵало ахьанҭара.

АҞӘА, ажьырныҳәа 19 - Sputnik. "Амшынеиқәафымцамч" афымцалашара аушьҭраз аԥкырақәа аланагалоит асистема иаиуа ахьанҭара инадҳәаланы ҳәа аанацҳауеит АУН "Амшынеиқәафымцамч".

Асеиԥш ауснагӡатәқәа ирылагоуп авариа дуқәа раԥырҟәҟәааразы. Астанциа маҷқәа ирҟәыгоу афидерқәа дырцәалоит ахьанҭара аныҟалалак.

"Амшынеиқәафымцамч" апресс-маӡаныҟәгаҩ Алхас Гагәылиа иҳәеит афымцасистема ахьанҭара иҟалаз ахьҭақәа ирыхҟьеит. Уажәы ауаа еиҳа афымцалашара ахархәара арҭоит, уи адагььы уаанӡа иаҿыхыз амаинингфермақәа еиҭахьаҿаԥыршьуазы ҳәа.

Гагәылиа иҳәеит алашара арцәара бжьаратәла сааҭк аҟынӡа инаӡоит, ари аамҭа ҩ-сааҭк рҟынӡа инаӡазар, иплантәу арцәара акәӡам аҭыԥ змоу, авариоуп ҳәа.

"Амшынеиқәафымцамч" аҿы аус ауеит ардырратә маҵзура. Азҵаарақәа зегьы рзы аҭел асра алшоит абри аномер ала: +7 940 730 02 20; +7 940 930 02 20.

Гагәылиа иҳәеит АУН аколлцентр ахь ауаа рацәа аҭел ишасуа. Авариақәак раамҭаан минуҭк ала шәҩык рҟынӡааамҭакала аҭел ианасуа шыҟоу.

8