Анефт ишашьҭаз аӡы рԥшааит: Баӷрыԥшьтәи атыҩшаӡритә ӡыхь ахы шыҵнахыз

128
Гагра араион Баӷрыԥшьтәи атыҩшаӡритә ӡыхь (сероводородный источник) аӡбахә ззымдыруа дыҟамзар ҟалап. Арахь еиҳарак имҩахыҵуа зыца зыхьуа, мамзаргьы агәықәбылра иаргәамҵуа роуп. Иабаанагеи ари аӡыхь? Ауаа ирызцәырҵуа азҵаара аҭак ҟаиҵеит аартра зыбзоуроу Левон Ексузиан.

1984 шықәсазы, Асовет Еидгыла апрограммала, ԥшыхәрак аҳасабала Гагра араион, Баӷрыԥшь ақыҭан (усҟан "Холодная речка" ҳәа иашьҭан) анефт рԥшаарц, адгьылкылҵәаразы аспециалистцәа аашьҭын. Урҭ аамҭақәа рзы ари аҵакыраҿы аӡазы ауадаҩрақәа ыҟан.

Sputnik, Саида Жьиԥҳа

Аколнхацәа аџьабаа рбон, адгьыл иақәырҭәоз аӡы, иара иржәозгьы Цандрыԥшьынтәи иааргон. Ажәакала адгьылкылҵәаҩцәа рус ианадгыла, ҩыџьара анефт аҭыԥан аӡыхь ахы ыҵдырхәрааит. Ари ахҭыс гәырӷьара духеит аҭыԥантәи анхацәа рзы.

"Абжьааԥны, еиуеиԥшым аусмҩаԥгатәқәа раан машәыршәа аӡыхьқәа анаадырԥшуаз, иаразнак иршәаҳар акәын. Аха ҳара ҳқыҭа ӡыда иҟан азы, Қарҭ, Аминистрцәа реилазаарахь аҳәара ҳашьҭит иаҳзынрыжьарц. Азин анҳарҭа, аӡы ахаҭабзиара ҭҵааны ауаа ироуа иҟалеит. Аиаша шәасҳәап, ҿыц ҳизшәа ҳхы ҳбеит. Шәара шәазхәыц, аколнхара аҿиара ианаҿыз, адгьыл иқәаарыхуаз аџьажәлар шаҟа игәаҟуаз. Иара рыбзазараҿгьы шаҟа уадаҩра рԥылоз", - игәалашәоит Баӷрыԥшь ақыҭан, Киров ихьӡ зхыз аколнхара ахантәаҩыс иҟаз Левон Ексузиан.

Аспециалистцәа анефт ианашьҭаз, ҩыџьара ирԥшааз аӡыхь ақыҭауаа ирхатәхеит. Анаҩс рус иацырҵарц, маҷк аҳәаа ахырхарҭала инаскьеит. Уи аҭыԥ аҿы шәеимда ҳәа рабжьазгазгьы Левон Ексузиан иоуп.

© Sputnik / Саиды Жиба
Левон Ексузиан

1984 шықәсазы, Баӷрыԥшь амҩа хада иацәыхарамкәа, арыӷьарахь, ашьха аган ала иҵыҵит даҽа ӡыхьк. Аха уи џьашьатәхеит зегьы рзы.

"Ахԥатәи аҭыԥ аҿы иҵхәрааз атыҩшаӡритә ӡыхь акәхеит. Уи ахаҭабзиара акырӡа иҳаракын, ауаҩы игәабзиаразы ихәарҭан. Абар уажәшьҭа 36 шықәса ҵуеит Ԥсоу аганахь имҩасуа ауаа аанҿасны агьама рбоижьҭеи, аԥаҭлыкақәа ирҭатәаны аҩныҟа иргоижьҭеи", - иҳәоит иара.

Баӷрыԥшьтәи атыҩшаӡритә ӡыхь ацеи агәықәбылреи ишрыхәо атәы иҳәеит хаҭала згәабзиараҿы иԥызшәахьоу аҭыԥантәи анхаҩы Михаил Мхитариан.

"Ҳтәылауаа реиҳараҩык рыца рыхьуеит. Уи зыхҟьогьы ицаҳәцаҳәо иҟоу ҳмилаҭ фатәы ауп. Ахацәа ракәзар, ихадмырҟьацәозаргьы, зегь акоуп арыжәтә џьбара анырымжәо ыҟам. Саргьы убарҭ рыгәҭа сгылоуп. Есышықәса аамҭа-аамҭала агәықәбылра сызцәырҵуеит, сыца ахьаа аиуеит. Убасҟан, абри аӡыхь аҿы сааны, ҽнак хынтә ҵәыцак-ҵәыцак сыкрыфара сааҭк шагу изжәуеит. Апроцедурақәа мҩаԥызгоит ҩымчыбжь, еиҳаны иҟалаӡом. Аҳақьымцәа изласарҳәахьоу ала, уи аҵәҵәыра агоит азы, ихаурҟьар иузеицәахоит", - ҳәа азгәеиҭеит атыҩшаӡритә ӡыхь хәшәыс измоу Михаил Мхитариан.

Левон Ексузиан иакәзар, уажәшьҭа ақәра ду дҭагылоуп. Усҟантәи аамҭақәа ирхаану ибзианы иргәалашәоит иара иажәа абзоурала ақыҭа аӡы шаиуз, уи анаҩсгьы згәабзиара шьақәзыргылар зҭаху ауаа алшара роуит атыҩшаӡритә ӡыхь аҿыхәара.

Баӷрыԥшьтәи атыҩшаӡритә ӡыхь
© Foto / Саида Жиба
Баӷрыԥшьтәи атыҩшаӡритә ӡыхь

Ҳаицәажәараан, Левон Ексузиан иҳәеит адгьылкылҵәаҩцәа арҭ аӡыхьқәа ажәлар ирзынрыжьыр, аџьма шишьуа ҳәа аҿаҭахьа иқәҵаны ишиқәихыз. Абырг иажәеи ичеиџьыкеи зыхҭну ауаҩы зда ԥсыхәа имам аӡы ҭабара ақәым. Уи ахьхьаҳәа зегьы рыԥсы ҭанаҵоит.

Баӷрыԥшьтәи атыҩшаӡритә ӡыхь ахь анеирҭа акырӡа ирманшәалеит ақыҭа ахада Оҭар Аршба. Аҵакыра рыцқьоуп, аӡыхь иакәыршаны ахаҳә чаԥоуп. Амала угәы бжьызхуа акәны иҟоуп зхы ззымдыруа гәыԥҩыуаак ирыцрыҵуа агәамсам ныжьны иахьцо.

Иара убас шәаԥхьар ҟалоит:

128

Аԥсны акоронавирус злаз фҩык апациентцәа рыԥсҭазаара иалҵит

13
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11355-ы ыҟоуп, ргәы бзиахеит 9467-ҩык, рыԥсҭазаара иалҵит 167-ы.

АҞӘА, ажьырныҳәа 27 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 543-ҩык атестқәа рзыҟаҵан, урҭ рахьтә 54-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Ажьырныҳәа 25-26 рзы Аԥсны аковид-хәышәтәырҭақәа рҿы рыԥсҭазаара иалҵит фҩык апациентцәа.

Гәдоуҭатәи ахәышәтәырҭаҿы ажьырныҳәа 26 рзы иԥсҭазаара иалҵит ҩыџьа апациентцәа. 1931 шықәсазы ииз - идиагноз хада акоронавирустә инфекциа ҿыц, иара убас идбалан зымҩасшьа бааԥсыз авирус-бактериалтә ҩганктәи аполисегментартә гәыҵәкра. Иԥсҭазаара далҵит 1949 шықәсазы ииз ахаҵа, идиагноз хада акоронавирустә инфекциа ҿыц.

Аҟәатәи аинфекциатә хәышәтәырҭаҿы иԥсҭазаара далҵит 1950 шықәсазы ииз апациент, идиагноз хада акоронавирустә инфекциа ҿыц. Иара ахәышәтәырҭа дҭашәеит иҭагылазаашьа бааԥсны, ирԥҳақәа ачымазара акыр ирылаҽны. Апациент мызкы иназынаԥшуа иақәнагаз ахәышәтәра дахысуан, аха уи иахьмырԥшкәа иԥсҭазаара далҵит ажьырныҳәа 26 рзы.

Урыстәылатәи арратә госпиталь аҿы рыԥсҭазаара иалҵит хҩык апациентцәа. 1950 шықәса рзы ииз апациент иԥсҭазаара далҵит ажьырныҳәа 15 рзы, 1946, 1948 шықәсқәа рзы ииз ҩыџьа апациентцәа - ажьырныҳәа 26 рзы. Урҭ рыхҩыкгьы акоронавирустә инфекциа адиагноз рзышьақәырӷәӷәан.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 118-ҩык, урҭ рахьтә 104-ҩык акоронавирус адиагноз рзышьақәыргылоуп, рҭагылазаашьа бааԥсуп 34-ҩык, ибжьаратәуп - 50-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 35-ҩык апациентцәа, Очамчыра ирхәышәтәуеит 19-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 29-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 46-ҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

13
Атемақәа:
Аҿкычымазара – акоронавирус Аԥсни адунеи аҿи: иалкаау
Кама Гогия

Гогьиаԥҳа: зда ԥсыхәа ыҟам мызчарак ауалафахәқәа иреиҵамзароуп, аха изалымшацт

7
Аԥсны аҳәынҭқарра ахыԥхьаӡара еихшьааларҭатә еилакы ахантәаҩы Кама Гогьиаԥҳа арадио Sputnik аефир аҟны еиҭалҳәеит зда ԥсыхәа ыҟам мызчарак шышшьақәдыргыло атәы.

2021 шықәса ажьырныҳәа 1 азы зда ԥсыхәа ыҟам ауаҩы ихныҟәгага мызкы иартәеит 7 нызқьи 398 мааҭ.

 

Атәылауаҩи аиҳабыреи: Гогьиаԥҳа зда ԥсыхәа ыҟам мызчарак иазкны

"Аԥсны мызчарак ахыԥхьаӡара аилкааразы Урыстәыла Краснодартәи атәылаҿацә, Адыгатәыла ирымоу аметодика ҳхы иаҳархәоит ҳаргьы. Мызчарак иалоуп ауаҩы аԥсымышьҭыгазы иифараны иҟоу 35 хкы афатәқәа. Урҭ рыдагьы ааглыхратә тауарқәа, убасгьы алашара, ауадазы амаҵзуратә шәахтәқәа уҳәа. Арҭ зегьы еилаҵаны зда ԥсыхәа ыҟам аныхтәқәа идыртәо ахә ҟалоит. Афатәқәа ари ахә аҟынтәи 5 нызқьи 60 мааҭ дыртәоит, егьырҭ атауарқәа 1450 мааҭ, ашәахтәқәеи егьырҭ амаҵзуратә хшәаатәқәеи 887 мааҭ. Зда ԥсыхәа ыҟам мызчарак еиҵаны иҟамзароуп ауалафахәы. 2017 шықәсазы апарламент аҟны аџьаус азы азакәан ҿыц рыдыркылеит. Уаҟа иарбоуп ианар 1, 2018 шықәса инаркны мызчарак зда ԥсыхәа ыҟам аныхтәқәа иреиҵамзароуп ҳәа. Ус шакәгьы, иахьагьы иҟоуп зуалафахы мызчарак аасҭа еиҵоу", - лҳәеит Гогьиаԥҳа.

 

Шәазыӡырҩы аудио.

Иара убас шәаԥхьар ҟалоит:

7