Аҟәа афымцамч машәыр аԥыхраан ааха зауз иҭагылазаашьа аиӷьхара иалагеит

© Sputnik / Томас ТхайцукМедицина
Медицина - Sputnik Аҧсны
Анапаҵаҩра
Астанциа маҷ "Аҟәа-1" аҟны амцакра ахҟьаԥҟьақәа раԥыхраан ԥхынҷкәын 6 рзы ааха иоуит АУН "Амшынеиқәафымцамч" аусзуҩ. Иара Краснодартәи ахәышәтәырҭахь дышьҭын.

АҞӘА, ԥхынҷкәын 14 – Sputnik. Астанциа маҷ "Аҟәа-1" аҟны амцакра ахҟьаԥҟьақәа раԥыхраан ԥхынҷкәын 6 рзы ааха зауз АУН "Амшынеиқәафымцамч" аусзуҩ игәабзиара уацәымшәартә иҟоуп ҳәа Sputnik иазеиҭеиҳәеит иаб Зураб Аџьынџьал.

"Аиӷьхара далагеит. Ианализқәа бзиоуп, ихала иԥсыԥ леигаҩеигоит, игәы аусура шьақәгылеит", - ҳәа иҳәоит иара.

Зураб Аџьынџьал раԥхьатәи амшқәа рзы Краснодар иԥа дидтәалан. Аԥсныҟа данаа ашьҭахь АУН "Амшынеиқәафымцамч" анапхгаҩы Михаил Логәуеи аԥыза-министр ихаҭыԥуаҩ, аекономика аминистр Кристина Озганԥҳаи иареи еиԥылеит.

Ремонтно-восстановительные работы на подстанции Сухум-1 - Sputnik Аҧсны
Аҟәа зегьы фымцалашарала еиқәыршәоуп

"АУН "Амшынеиқәафымцамч" анапхгаҩы Михаил Логәуеи аԥыза-министр Кристина Озганԥҳаи ҭабуп ҳәа расҳәар сҭахуп. Арыцҳара санақәшәа, исывагылеит. Ԥхьаҟагьы сыҷкәын ихәышәтәраҿы ишсыдгыло азы сақәдыргәыӷит", - ҳәа иҳәеит иара.

Аб иажәақәа рыла, арыцҳара иақәшәаз игәабзиара аиҭашьақәыргыларазы ҩышықәса инарзынаԥшуа аамҭа иҭахуп. Ацхыраара уажәы даара иҭахуп. Аҭаацәара рҿы хәҩык ахәыҷқәа ирызҳауеит, арыцҳара иақәшәаз ахәыҷқәа реиҳабы Владимир цәыббрамзаахыс роуп "Амшынеиқәафымцамч" аҿы аус ахьиуа. Иара жхәыҷаахыс иҭахын афымцамч иадҳәалоу аусура ихы азикырц.

Астанциа маҷ "Аҟәа - 1" аҿы амцакра ҟалеит ԥхынҷкәын 5 ашьыжь, асааҭ 5:20 рзы. Абри иахҟьаны Аҟәа ақалақь агәи, мраҭашәаратәи ахәҭеи, Иашҭхәа ақыҭеи лашарада иаанхеит.

Авариа ахьыҟалаз инашьҭын АУН "Амшынеиқәафымцамч" амчқәа зегьы, араионтә филиалқәа русуҩцәагьы налаҵаны.

Иахьазы атрансформатортә мчхарақәа зегьы аус руеит, аҳҭнықалақь лашарала еиқәыршәоуп.

Иара убас шәаԥхьар ҟалоит:

Ажәабжьқәа зегьы
0