Макет новой карты Апра

Ахсаалага АԤРА "World" 2020 шықәсазы адунеи аҿы ахархәара еиҳахеит

13
(ирҿыцуп 09:28 15.12.2020)
2019 шықәса рашәарамзазы аԥсуа ԥарашәагатә система "АԤРА" урыстәылатәи аԥарашәаратә система "МИР" абанктә хсаалагақәа рымаҵ аура иалагеит. Жьҭаарамза инаркны ахсаалага "АԤРА" ала Урыстәыла ахсаалага "МИР" аус ахьауа егьырҭ атәылақәа рҿы аԥарашәара алшо иалагеит.

АҞӘА, ԥхынҷкәын 15 - Sputnik. Ахсаалага АԤРА "World" (адунеи - аред.) амаҵ руеит асистема "МИР" аԥарашәаратә инфраструктурақәа рҿы Урыстәыла, Белоруссиа, Узбекистан, Ермантәыла ҳәа аанацҳауеит Аԥсны абанк асаит.

Ахсаалага АԤРА "World" агеографиа арҭбааразы имҩаԥган акроссистематә операциа аԥышәаратә хархәара. Иазгәаҭоуп хара имгакәа ахсаалагақәа АԤРА хара имгакәа ахархәара рыҭахоит Киргизиеи Таџьикистани ҳәа.

Амилаҭтә банк адыррақәа рыла ахсаалагақәа АԤРА "World" 2020 шықәса рзы Урыстәыла Санкт-Петербург, Воронеж, Новосибирск, Ростов-на-Дону, Волгоград, Астрахан, Пенза, Екатеринбург, Омск, Пермь, Сургут назлоу ақалақьқәа 144 рҿы иара убасгьы Ереван, Минск, Ташкент рҿы аоперациақәа мҩаԥыргеит.

Зегь раасҭа ахсаалагақәа ахархәара рыҭан Москвеи Шәачеи. Еиҳа ихароу қалақьхеит ахсаалага ахархәара ахьаиуз ақалақь Владивосток.

Иара убас шәаԥхьар ҟалоит:

13

Акоронавирустә хҭыс ҿыцқәа шәкы иреиҳани даҽа ҩ-ԥсҭбараки ҟалеит Аԥсны

5
Иҳаҩсыз уахыки-ҽнаки рыла COVID-19 рылоу ирыламу аилкааразы 514-ҩык атестқәа рзыҟаҵан, урҭ рахьтә 109-ҩык акоронавирус рцәа ишалаз аадырԥшит.

АҞӘА, ажьырныҳәа 22 – Sputnik. COVID-19 зцәа иалаз ҩыџьа апациентцәа рыԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Акоронавирустә инфекциа ззышьақәырӷәӷәаз 1938 шықәса рзы ииз ахаҵеи 1953 шықәсазы ииз аԥҳәыси рыԥсҭазаара иалҵит. Адиагноз хада - "акоронавирустә инфекциа ҿыц".

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 127-ҩык, рҭагылазаашьа бааԥсуп 35-ҩык, ибжьаратәуп - 45-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 22-а, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 62-а апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10984-ҩык ыҟоуп, ргәы бзиахеит 8898-ҩык, рыԥсҭазаара иалҵит 156-ҩык.

  • Акоронавирус иазку ажәабжьқәа зегьы шәрыԥхьар ҟалоит абра>>
5
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит

12
Аунитартә наплакы "Амшынеиқәафымцамч" Гагратәи аҟәша аиҳабы Аслан Аиба арадио Sputnik аефир аҿы еиҭеиҳәеит иахьатәи аамҭазы араион аҿы фымцалашарала ауаа реиқәыршәаразы аҭагылазаашьа зеиԥшроу атәы.
Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит

"Гагра раион аҭагылазаашьа даара ицәгьоуп. Ари ахьҭақәа иҟаз ирацәаны авариақәа ҟалеит. Иахьа алашара ажәлар ироуртә иҟаҳҵеит. Аҟәа имҩаԥысит аилацәажәара. Урыстәылантәи шаҟа мегаватт ҳауа ҳара инаҳхуеи ҳаинаалом, аԥкрақәа ҳрылагоит. Раионцыԥхьаӡа ишашаны ирырҭеит, шаҟа-шаҟа иԥктәу. Аподстанциа аиҳабы сареи иахьҳарцәо, ишҳарцәо, ишыҟахҵо, уаха иҳаӡбароуп. Амаининг аус аанаҳамкылар, еиҭа ҳаицәахар ҳәа сшәоит", - ҳәа еиҭеиҳәеит Аиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

12