COVID-19 аҿагылареи агәабзиарахьчара азҵаарақәеи: Бжьаниеи Мурашкои еиԥылеит
(ирҿыцуп 09:29 15.12.2020)
Аԥсны ахада Аслан Бжьаниа Москва иҟазаараан диԥылеит Урыстәыла Агәабзиарахьчара аминистр Михаил Мурашко.АҞӘА, ԥхынҷкәын 15 - Sputnik. Аслан Бжьаниеи Михаил Мурашкои реиԥылараан ирылацәажәеит агәабзиарахьчара аусхк аҟны аурыс-аԥсуа усеицура азҵаарақәа ҳәа аҳәоит ахада исаит.
Аԥсны ахада ҭабуп ҳәа ахиҳәааит Урыстәыла Агәабзиарахьчара аминистрра Аԥсны COVID-19 иаҿагыланы ақәԥараҿы иҟанаҵо ацхырааразы. Иазгәаҭоуп 2020 шықәсазы:
- Аԥсныҟа ҩынтә иааны ишыҟаз Агәабзиарахьчара аминистрреи Роспотребнадзори рделегациақәа;
- Ишырманшәалаз акоронавирустә инфекциа злаҽыз урыстәылатәи ахәышәтәырҭақәа рахь ргаара асистема;
- Гәдоуҭатәи аковидтә центр аҿы ацхыраара шыҟарҵоз урыстәылатәи аҟазауаа рыбригадақәа;
- Ставропольтәи аҿкчымазараҿагыларатә институт аепидемиологцәеи авирусологцәеи рколлегацәа ирыцхрааразы ареспубликатә баклабораториақәа изныкымкәа ишырҭаахьоу;
- Аԥсны Урыстәыла аҟынтәи ишаиухьоу 50 000 диагностикатә тест система.
Аиԥылараҿы иазгәаҭан атәылақәа рыҩба рыбжьара иааиԥмырҟьаӡакәа Аԥсны инхо Урыстәыла атәылауаа рыԥгаԥса аиҿкаара аусхк аҟны аусеицура амҩаԥысшьа.
©
Foto / Сайт Президента Абхазии
Убас, Урыстәыла хымԥадатәи амедицинатә ԥгаԥса асистемаҿ аԥгаԥса ҟарҵеит Аԥсны инхо урыстәылаа 50 нызқьҩык. Аиқәшаҳаҭра анапы аҵаҩуижьҭеи аԥгаԥсатә цхыраара роухьеит 4000-ҩык атәылауаа.
Аганқәа иазгәарҭеит Аԥсны аҵакыраҿ иааиԥмырҟьаӡакәа инхо Урыстәыла атәылауаа хәшәылеи медицинатә хархәагалеи реиқәыршәара шеиҿкаау. Аиқәшаҳаҭра абиуџьет есышықәса ишьақәнартәоит 50 миллион мааҭ.
Аслан Бжьаниеи Михаил Мурашкои азааҭылеит аԥсуа ган иазнархиаз Аԥсны акардиологиатә центр аргылараз аиҳабырабжьаратә еиқәшаҳаҭра апроект.
Убас, 2021-2022 шықәсазтәи аинвестпрограмма аҳәаақәа ирҭагӡаны иазырхиоуп амедицина-техникатә дҵа ареспубликатә хәыҷтәы хәышәтәырҭа аргыларазы.
Иара убас шәаԥхьар ҟалоит:
-
Урыстәылатәи аҳақьымцәа Гәдоуҭа ахәышәтәырҭаҿ ирыцхраауеит
-
Башкириатәи аҳақьымцәа гәдоуҭатәи агоспиталь аҟны русура ашьҭахь аҩныҟа игьежьит
-
"Агуманитартә хсаала": Урыстәыла ацхыраара шыҟанаҵо шьақәыргылоуп
Еиду аштатқәа Урыстәыла аганахь асанкциа ҿыцқәа аланагалеит
(ирҿыцуп 09:42 16.04.2021)
Еиду америкатәи аштатқәа асанкциақәа аланагалеит хә-хатәхаҿыки х-еилахәыраки рганахьала Ҟрым иахырҟьаны. АҞӘА, мшаԥы 16 - Sputnik. Еиду аштатқәа Урыстәыла аганахь асанкциа ҿыцқәа аланагалеит ҳәа аанацҳауеит РИА Новости Аҩны шкәакәа адыррақәа ҵаҵӷәыс иганы.
"Иахьа (мшаԥы 15 рзы - аред.) Џьо Баиден Иусбарҭа Урыстәыла аганахьала ауснагӡатәқәа аднакылеит аҵыхәтәантәи аиҳабыреи аԥшыхәратә маҵзурақәеи ЕАА асуверинитети аинтересқәеи ахьҵыршәаауазы", - ҳәа аҳәоит Аҩны шкәакәа аҳәамҭаҿы.
Рашәара 14 раахыс ЕАА афинанстә усҳәарҭақәа азин рыҭам Урыстәыла Абанк хадеи Афинансқәа рминистрреи хәызмоу ақьаадқәа рымрыхәҳаларц.
©
Sputnik / Максим Блинов
Вашингтон иара убасгьы аԥкрақәа аланагалеит атехнологиатә еилахәырақәа фба рганахьала урҭ "урыстәылатәи амаҵзура ҷыдақәа ркиберпрограммақәа ирыцхраауеит" ҳәа ишьаны. Арахь иаҵанакит арратә технополис "Эра".
Адокумент аҿы иҳәоуп Урыстәыла Адәныҟаԥшыхәратә маҵзура "инарҭбаау акибершпионаж" SolarWind ацхыраарала имҩаԥнагоит ҳәа.
Асанкциатә сиа хадырҭәааит Урыстәыла 32 еилахәыреи хатәхаҿи рыла "алхрақәа рхы рыладырхәит" ҳәа рызҳәаны.
"ЕАА азыхиоуп аҩыза-ҳәынҭқаррақәа, апартниорцәа ршәарҭадара аиқәыршәара, иҟаҳҵогьы аҽазнык ишьақәнарӷәӷәоит ари апринцип ҳшацәхьамҵуа", - ҳәа аҳәоит аҳәамҭа арелиз аҿы.
©
Foto / Пресс-служба МИД РФ
Уи адагьы Американтәи иқәырцоит Вашингтон адипломатиатә миссиа аусзуҩцәа жәаҩык. Мшаԥы 15 ашьыжь, жәларбжьаратәи аусқәа рзы Афедерациа ахеилак ахантәаҩ актәи ихаҭыԥуаҩ Владимир Џьабаров аҳәамҭа ҟаиҵеит ари Москва аҭак шанаҭо.
Ахаша Урыстәыла ААР аҟынтә РИА Новости адырра аиуит ЕАА ацҳаражәҳәаҩ Џьон Салливан Урыстәыла ахада ицхырааҩ Иури Ушаков иахь дышнаԥхьаз, Баиден Урыстәылеи ҳареи ҳаизыҟазаашьақәа еиӷьтәтәуп ҳәа ииҳәаз ашьҭахь асанкциа ҿыцқәа аларгалар Москва уи аҭак шанаҭо.
Уаанӡа Баидени Владимир Путини ҭелла реицәажәараан иҳәеит ахԥатәи атәылаҿы еиԥылар шиҭаху. Урыстәыла ахада ипресс-маӡаныҟәгаҩ Дмитри Песков асанкциақәа алагалахаанӡа иҳәахьан урҭ ахадацәа реиԥылара иацхраауа ишыҟам.
Аслан Бжьаниа Урыстәыла аделегациа идикылеит
(ирҿыцуп 09:37 16.04.2021)
Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.АҞӘА, мшаԥы 16 - Sputnik. Аԥсны ахада Аслан Бжьаниа мшаԥы 15 рзы идикылеит Урыстәыла аекономикатә ҿиара аминистр ихаҭыԥуаҩ Сергеи Назаров зхадараҿы дыҟоу аделегациа ҳәа аанацҳаит ахада ипресс-маҵзура.
©
Sputnik / Асмат Цвижба
Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсныҟа иааит мшаԥы 15 рзы Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы. Аусутә ныҟәара аҳәаақәа ирҭагӡаны аинспекциа рызун Гагра араион аобиектқәа.
Урыстәылатәи аделегациа аԥсшәа раҳәо ахада агәыӷра ааирԥшит Аԥсни Урыстәылеи рекономикатә усбарҭақәа русеицура ԥхьаҟагьы қәҿиарала имҩаԥыслап ҳәа.
Анаҩс имҩаԥысит инарҭбаау аилатәара: Аԥсны аԥыза-министр Александр Анқәаб, ахада Иусбарҭа анапхгаҩы Алхас Кәыҵниа, ихаҭыԥуаҩ Џьансыхә Нанба, аԥыза-министр ихаҭыԥуаҩ Владимир Делба, аԥыза-министр ихаҭыԥуаҩ, аекономика аминистр Кристина Озган, Аҳазалхратә маҵзура ахантәаҩы Оҭар Хьециа алархәны.
Аслан Бжьаниа Урыстәыла аделегациа идикылеит© Sputnik / Томас Тхайцук
Аслан Бжьаниа Урыстәыла аделегациа идикылеит© Sputnik / Томас Тхайцук
©
Sputnik / Томас Тхайцук
Аилацәажәараҿы ирзааҭгылан 2020-2022 шықәсазтәи Аԥсны асоциал-економикатә ҿиараз Аинвистициатә программа иазыԥхьагәанаҭо ауснагӡатәқәа.
Аԥыза-министр Кристина Озган 2020-2022 шықәсазтәи Аԥсны асоциал-економикатә ҿиараз Аинвестициатә программа ауснагӡатәқәа дрылацәажәеит. Аслан Бжьаниа дазааҭгылеит Роспотребнадзор Урыстәыла алаларазы иҟанаҵаз аԥҟарақәа реиҭакра азҵаара.
"Ари Аԥсны азҵаара рацәа цәырнагеит. Аиҳаракгьы атуристтә сезон аламҭалаз. Атуризм – ареспублика аекономикатә хырхарҭақәа ираԥхьагылоуп. Ҳгәыӷуеит ҳара ҳахь иаауа атуристцәа арҭ аиҭакрақәа рԥырхагахарым ҳәа. Абри азҵаараҿы адгылара ҳауп ҳәа сыԥшуп", - иҳәеит ахада.
Урыстәыла аекономикатә ҿиара аминистр ихаҭыԥуаҩ Сергеи Назаров иҳәеит азҵаара ҵоураны иӡбахап ҳәа агәра шиго.
Аиԥылараҿы ирылацәажәан аԥсуа-аурыс усеицура егьырҭ азҵаарақәагьы.