Аԥснынтәи Урыстәылаҟа ацитрусқәа рекспорт ҩынтәны еиҳауп 2019 шықәсатәи арбагақәа раасҭа
(ирҿыцуп 16:30 15.12.2020)
2020 - 2021 шықәсқәа рзы иазыԥшуп Аԥснынтәи Урыстәылаҟа ацитрусқәа риагара арекорд- 50 нызқь тонна рҟынӡа.АҞӘА, ԥхынҷкәын 15 - Sputnik. Аԥснынтә Урыстәылаҟа ииаргахьеит 24 нызқьи 800 тонна ацитрусқәа. Ари арбага ҩынтәны 2019 шықәсазтәи арбага еиҳауп ҳәа рҳәоит Аладатәи аҳазалхратә усбарҭаҿы.
2019 шықәсазы Урыстәылаҟа ииаган жьҭаарамза инаркны жәабранмзанӡа 12 000 тонна ацитрус шәырқәа.
Уахыки-ҽнаки рыҩныҵҟа аҳазалхратә хылаԥшра иахысуеит 700 еидарамҩангага машьына. Аушьҭырҭатә ҭыԥ "Адлер" акырынтә аусура хьанҭоуп.
"Аушьҭырҭатә ҭыԥ уахи-ҽни аус ауеит. Анеирҭеи аҭыҵырҭеи рҿы аус руеит 24 цәаҳәа. Аушьҭратә лшара аиӷьтәразы ахархәара рырҭоит аидарамҩангагатә транспорт ареверсивтә ныҟәара", - аҳәеит аусбарҭа адырраҭараҿы.
Аҳазалхратә маҵзура иазгәанаҭоит ахатәхаҿқәа ЕАЕС атәылаҵакырахь ахатә хархәаразы иаларгало атауар аԥкыра шамоу (500 евро зыхәԥсоуи (ма) 25 кьыла инаӡоуи).
Ишьақәыргылоу аасҭа иеиҳау атауар азы ишәатәхоит атауар ахәԥса аҟынтәи 30% абаџь. Уи адагьы ацитрусқәа рымҩангараан хә-кьылак еиҳазар хымԥада афитосанитартә сертификат аҭахуп.
Аҳазалхратә маҵзура аусуҩцәа аурыс-аԥсуа ҳәаа ахысраан аилагарақәа азгәарҭоит. Аиҳарак документда инормоу аасҭа ацитрусқәа, асигарет ма арыжәтә рахыгараан. Асезон иаалагазар аҳазалхыҩцәа 200 рҟынӡа административтә зинеилагараз аусҭҵаара хацдыркхьеит. Иаԥырҟәҟәаауп закәаншьаҭада 5000 кьыла ацитрусқәа ралгара.
Иара убас шәаԥхьар ҟалоит:
- Ацитрусқәа рекспорт ҩымз рыла ҵыԥхтәи арбагақәа иреиҳахеит
-
Инаԥшьба: анхаҩы ицитрустә аалыҵ аҳәаа иахигарц азы ашәҟәқәа зегьы реизгара илшаӡом
Аԥсны COVID-19 рыдырбалеит даҽа 176-ҩык ауааԥсыра
АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.
Акоронавирус иазку ажәабжьқәа зегьы шәрыԥхьар ҟалоит абра>>
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу. Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.
Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.
"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Акоронавирус иазку ажәабжьқәа зегьы шәрыԥхьар ҟалоит абра>>