Аибга иаадыртит Аԥсны АШәМ аҳәаахьчаратә ҭыԥ

146
Гагра араион Аибга ақыҭан Аԥсны АШәМ аҳәаахьчаратә ҭыԥ ҿыц ахыбра аргылара иалагеит 2020 шықәса нанҳәамзазы.

АҞӘА, ԥхынҷкәын 15 – Sputnik, Бадри Есиава. Аҳәаахьчаратә ҭыԥ ахыбра аадыртит Аибга ақыҭаҿы аҩаша, ԥхынҷкәын 15 рзы ҳәа Sputnik иазеиҭеиҳәеит Аԥсны АШәМ Аҳәаахьчаратә гәыԥ аиҳабы Русҭам Латипов.

"Аибга иахьа иаадыртит ахыбра ҿыц. Иара ҩбаны еихагылоуп. Уахь инагоуп аҳәаахьчаҩцәа реилазаара. Ахыбра ҳхатәы мчқәа рыла иргылоуп. Аобиект  иахәҭоу аҩнымаҭәала еиқәыршәоуп. Иҟоуп аӡыршы, аӡыхьшәашәа, алашара адизельтә генератор ала инарышьҭуеит", - иҳәеит иара.

Аԥсны АШәМ Аҳәаахьчаратә гәыԥ аиҳабы Русҭам Латипов агәра игоит асеиԥш иҟоу асоциал-бзазаратә ҭагылазаашьақәа раԥҵара аусура хымԥада иахәоит ҳәа, аиҳаракгьы аҳәаа иаԥну аҵакыраҿы.

Латипов иҳәеит аԥхьатәи аусурақәа 2019 шықәса рзы ишалагаз, аха аӡынразы урҭ рыҿҳәара инахан. Аргыларақәа еиҭахацыркхеит 2020 шықәса нанҳәамзазы. Апроект аԥаразоужьра мҩаԥыргеит атәыла аиҳабыреи анапхгареи, ашәарҭадаратә маҵзуреи. Аргыларатә материалқәа рыхәҭак атәылауаа иҟарҵаз ҳамҭоуп.

Аибга ақыҭа Ԥсоу аӡиас ахыхь ишьҭоуп, ҩбаны еиҟәшоуп Аԥсни Урыстәылеи рыбжьара. Ақыҭа амшын иҩахыкны 840 метра рҟны. Аԥснытәи аган иаҵанакуа Аибга инхоит Урыстәыла иатәылауаау шәҩык ауааԥсыра.

Иара убас шәаԥхьар ҟалоит:

146

Аԥсны акоронавирус 85-ҩык ирыдырбалеит, аӡәы лыԥсҭазаара далҵит

4
(ирҿыцуп 23:55 26.01.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11301-ы ыҟоуп, ргәы бзиахеит 9207-ҩык, рыԥсҭазаара иалҵит 161-ы.

АҞӘА, ажьырныҳәа 26 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 555-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшитҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лыԥсҭазаара далҵит 1947 шықәса рзы ииз апациентка. Илзықәыргылаз адиагноз хадаакоронавирустә инфекциа ҿыц ауп, иара убас илыдбалан ҩганктәи ахәышәтәырҭанҭыҵтә аполисегментартә гәыҵәкра.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 125-ҩык, урҭ рахьтә 107-ҩык акоронавирус адиагноз рзышьақәыргылоуп, рҭагылазаашьа бааԥсуп 33-ҩык, ибжьаратәуп - 54-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 33-ҩык апациентцәа, Очамчыра ирхәышәтәуеит 18-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 25-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 48-ҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Ҭарба апандемиа аамҭазы ансамбль "Кавказ" абзазашьазы: ҳусқәа еилажьны иҟоуп

11
(ирҿыцуп 20:58 26.01.2021)
Ансамбль "Кавказ" асахьаркыратә напхгаҩы, Аԥсны Жәлар рартист Арвелод Ҭарба арадио Sputnik аефир аҟны еиҭеиҳәеит аҿкычымазара иахҟьаны атәылаҟны иалагалоу аԥкрақәа ансамбль акәашацәа рҟазара ишаныԥшуа атәы.
Ҭарба апандемиа аамҭазы ансамбль "Кавказ" абзазашьазы: даара ҳусқәа еилажьны иҟоуп

Аԥсны Жәлар рартист Арвелод Ҭарба иҳәеит аҿкычымазара COVID – 19 шихьыз, аҳақьымцәа ирырҭо абжьгарақәа рыла аҩны иҭаацәеи иареи аҽыхәышәтәра ишахысуа.

"…ижәбоит акарантин ишацҵоу, даара ҳгәы хьаауеит, ансамбль аҟынтәи аҷкәынцәеи аӡӷабцәеи аҭел иасуеит, ҳанбаҭыҵуеи ҳәа иҵаауеит, ихьааргоит. Даара ҳусқәа еилажьны иҟоуп, азин ҳарҭар, аусура ҳанбалагои ҳәа иԥшуп. Ас еиԥш аҭагылазаашьа зынӡа ишьақәнарҟьагәышьоит, аха иҟаҳҵари? Досу хаҭала рҽазыҟарҵоит, аха уи ахәаӡом. Аусура ҳҭыҵыргьы мызкы-ҩымз аҽазыҟаҵара ӷәӷәа аҭаххоит, ижәбоит шаҟа аамҭа цахьоу. Мызкы аколлектив аԥсшьара ианауҳажьуаз, аусура ҿыц ҳалагазшәа ашьапеихгара ҳцәыцәгьан, уажәы шаҟа аамҭа ҵуа аус ҳамуеижьҭеи. Акәашаҩ ашьапылымпыласҩы диҩызоуп, иҽазыҟаимҵакәа ампыл иҭаны астадион дықәуҵар, ахы-аҵыхәа дызнеиӡом, игәы аангылоит, иԥсы акуеит, - ус иҟоуп акәашацәагьы", - иҳәеит Ҭарба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11
Атемақәа:
Аҿкычымазара – акоронавирус Аԥсни адунеи аҿи: иалкаау