COVID-19 аҿагылараз Аоперштаб аилатәара мҩаԥысит Аҟәа

18
(ирҿыцуп 17:08 16.12.2020)
Ԥхынҷкәын 16 рзы COVID-19 аҿагылараз Аԥсны Агәабзиарахьчара аминистр Ҭамаз Ҵахнакьиа ихантәаҩрала Аоперштаб аилатәара мҩаԥысит.

АҞӘА, ԥхынҷкәын 16 - Sputnik. Аилатәараҿы Аоперштаб алахәылацәа иазгәарҭеит ачымазараҿкы аҽарҭбаауа ишалагаз ҳәа аанацҳауеит Аԥсны Агәабзиарахьчара аминистрра апресс-маҵзура.

Ԥхынҷкәыназтәи адыррақәа рыла астационартә хәышәтәра иахысуеит 246 пациент акоронавирустә инфекциа змоу, урҭ рҟынтәи 43-ҩык рҭагылазаашьа хьанҭоуп.

Аԥсны асанитартә ҳақьым хада Лиудмила Скорик ишылҳәо ала, алобараториа ишалшо ала аус ауеит, есҽны 500 ирҟынӡа ҭҵаара мҩаԥнагоит.

Аҟәатәи аҿкчымазаратә хәышәтәырҭаҿы абиоматериал аҭаразы еиҭахгьы агәаранқәа цәырҵит. Уи зыхҟьаз арахь акоронавирустә инфекциа рымазаара агәаҭаразы ичмазцәоу рыдагьы ауаа ахьааиуа ауп. Убас, рхы гәарҭарц азы мызкахьы ҩынтә-хынтә анализ ҟазҵо ыҟоуп.

"Ачымазара зызшәарҭоу уаанӡеиԥш 60 шықәса иреиҳау роуп. Убарҭ роуп еиҳаракгьы атестқәа азҭалаша", - лҳәоит асанитартә ҳақьым.

АУН "Аԥсныфармациа" аиҳабы Русҭам Адлеиба Аоперштаб алахәылацәа адырра риҭеит хәшәыла амедусҳәарҭақәа шеиҿкаау азы. Иара иусуразы аҳасабырба ҟаиҵеит.

Аоперативтә штаб алахәылацәа аминистр изеиҭарҳәеит акоронавирустә инфекциа змоу апациентцәа ахьырхәышәтәуа амедусҳәарҭақәарҿы ахәшәқәа разымхара аҭыԥ шамам.

Аилатәараҿы иара убасгьы ишьҭыхын ашықәсҿыцазтәи аныҳәамшқәа ртема. Аоперштаб иамоу адыррақәа рыла акрыфарачаратә обиектқәак рҿы акорпоративқәеи амассатә уснагӡатәқәеи рымаԥгара рыгәҭакуп, уи ареспубликаҿы ишьақәгылоу аԥкырақәа ишрықәымшәогьы. Аԥсны ахада иусдҵа инақәыршәаны асеиԥш иҟоу ауснагӡатәқәа рымҩаԥгара ҟалом дара ачымазара аиҭарҿыцра алдыршар ахьауа азы.

Ауааԥсыра авирус рацәыхьчаразы Аоперативтә штаб аҽазныкгьы ауааԥсыра рахь ааԥхьара ҟанаҵоит рхы иазхьаԥшларц, рааигәа-сигәа иҟоу ауаа ашәарҭара иҭадмыргылаларц, аԥкырақәа зегьы ирықәныҟәаларц, амассатә уснагӡатәқәа рҭаара иаҟәыҵырц, аныҳәамшқәа аҩны, рҭаацәа рыгәҭа иазгәарҭарц.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 7409-ҩык ыҟоуп. Урҭ рахьтә ргәы бзиахеит 5387-ҩык, рыԥсҭазаара иалҵит шәҩык.

Иҳаҩсыз уахыки-ҽнаки рыла COVID-19 рылоу ирыламу аилкааразы 595-ҩык атестқәа рзыҟаҵан, урҭ рахьтә 140-ҩык акоронавирус рцәа ишалаз аадырԥшит.

18
Атемақәа:
Аҿкычымазара – акоронавирус Аԥсни адунеи аҿи: иалкаау (1078)

Шә-тоннак рҟынӡа амимоза Аԥснынтә Урыстәыла иаларгалеит жәабранмзазы

0
(ирҿыцуп 11:37 01.03.2021)
2021 шықәсазы аҳауаԥхарра иахҟьаны ашәҭсезон заахеит. Амимозашәҭ абжьааԥны жәабранмза аҽеиҩшамҭаз акәын аҭира ианалагоз. Сынтәа жәабранмзатәи ашәҭ аекспорт 2020 шықәса иаԥнагеит абри аамҭа иаҿырԥшны.

АҞӘА, хәажәкыра 1 - Sputnik. Шә-тоннак рҟынӡа амимоза Аԥснынтә Урыстәылаҟа иаларгалахьеит жәабранмза иалагӡаны ҳәа аанацҳауеит "Вести-Сочи".

Иааиуа амшқәа рзы иазԥхьагәаҭоуп даҽа шә-тоннак аекспорт. Анаплакыҩцәа 200 тонна рекспорт азы адокументқәа азырхианы инарышьҭхьеит.

Аиҳарак ашәҭ аҭира хәажәкырамза иақәшәоит. Урыстәылаҟа коммерциатә хықәкала ашәҭ алагалараан ашәҟәы иҭагалатәуп. Закәаншьаҭада аиагараан ахараԥса ддыршәоит. 15 ҿаҳәара еиҳаны аҳәаа иахызго ртауар ашәҟәы иҭаргалароуп.

Амимоза аҳәаа ахыгаразы Ахәаахәҭра-ааглыхратә палатаҟынтә асертификати афито-санитартә хылаԥшра асертификати аҭахуп.

Шәачатәи аҳазалхыҩцәа административтә зинеилагара ҳәа жәаа-уск хацдыркхьеит, иаԥырҟәҟәаан тоннаки бжаки аҟынӡа амимоза закәаншьаҭада аҳәаа ахыгара.

Иара убас шәаԥхьар ҟалоит:

0

"Ақыҭа - нхарҭа ҭыԥуп": Какалиа аԥсуа қыҭа иахьатәи абзазашьеи аҿиареи ртәы

10
(ирҿыцуп 11:09 01.03.2021)
Ақыҭанхамҩа ԥасатәи аминистр Амиран Какалиа арадио Sputnik адырраҭара "Ақыҭа - нхарҭа ҭыԥуп" аҟны игәаанагара иҳәеит Аԥсны Аџьынџьтәылатә еибашьра ашьҭахьтәи ашықәсқәа рзы ақыҭақәа рҭацәра, рхьысҳара зыхҟьаз, уаҟа аԥсҭазаара арҿиаразы иҟаҵатәу ҳәа иибо.
Ақыҭа - нхарҭа ҭыԥуп: Какалиа аԥсуа қыҭа иахьатәи абзазашьеи аҿиареи ртәы

Ақыҭа – нхарҭа ҭыԥуп. Ақыҭа иахьатәи аԥсҭазаашьеи уаҵәтәи аԥеиԥши, иацу адоуҳаи иҟоу ауадаҩрақәеи ҳрылацәажәоит. Аԥсуа қыҭа азхьаԥшразы иҟаҵатәу азы ргәаанагара рҳәоит уи иадҳәалоу ауаа.

Шәазыӡырҩы аудио.

Иара убас шәаԥхьар ҟалоит:

10