Аԥснынтәи Урыстәылаҟа иахыргоз аҭаҭын аалыҵ аконтрабанда аанкылоуп

14
(ирҿыцуп 15:05 17.12.2020)
Азакуаншьаҭада зиагара рҭахыз ааҭын аалыҵи автомашьынеи рымхуп, азинеилагаҩцәа рганахь ала аусҭҵаара хацыркуп.

АҞӘА, ԥхынҷкәын 17 - Sputnik. Ахылаԥшра-аушьҭырҭатә ҭыԥ "Адлер" ашьаҟамҩатә цәаҳәаҿы иаԥырҟәҟәаан Аԥснынтәи Урыстәылаҟа 500 пачка аҭаҭын аалыҵ контрабандала аҳәаа ахыгара ҳәа аанацҳауеит Шәача ақалақь аҳазалхырҭа апресс-маҵзура.

© Foto / пресс-служба Сочинской таможни
Аԥснынтәи Урыстәылаҟа аҭаҭын аалыҵ аконтрабанда аанкылоуп

Ахылаԥшра-аушьҭырҭатә ҭыԥ "Адлер" ашьаҟамҩатә цәаҳәаҿы аҳазалхратә гәаҭара амҩаԥгараан аҳазалхыҩцәа гәҩарас дыркит "акоридор иаҵәа" ала имҩасуаз аԥҳәыс. Аҳазалхра аинспекторцәа гәҩарас иркит лхамы, иара акы аҵаҵәахны ишыҟаз азы агәаанагара роуит. Хаҭалатәи агәаҭараан аҳазалхыҩцәа рыгәҩара шиашаз шьақәыргылахеит. Ахамы аҩныҵҟала аҭаԥҟарсҭақәа аҭан, уа жәабала  асигарет пачкақәа ҭаҵәахын. Ахами аҵҟьеи рыбжьара иҭаҵәахын 130 пачка асигарет. Иара убасгьы аибаркыгақәа рҿгьы жәа-пачкак ԥшаан. Зынӡа 153 пачка (3060 цыра) асигарет аарԥшын.

© Foto / пресс-служба Сочинской таможни
Аԥснынтәи Урыстәылаҟа аҭаҭын аалыҵ аконтрабанда аанкылоуп

Аҿахәҿыхраан аԥҳәыс илҳәеит аҭаҭын аалыҵ аҭиразы ишылгоз. Аҭаҭын аалыҵ лымырхит. Лганахь ала административтә зинеилагара ҳәа аус хацыркуп Урыстәыла КоАП ахәҭаҷ 16.3, ахәҭаҷ 16.1 ахәҭа 2 инарықәыршәаны. 

Иара убри амш азы аҳазалхыҩцәа даҽа ԥҳәыскгьы дааныркылеит. Лара "акоридор иаҵәал" диасуан ачемодан ду кны. Аҳазалхыҩцәа дангәарҭоз амандаринақәа ирыҵыргеит Аԥснытәи асигаретқәа "RITSA", "VogueBLUE" 410 пачка (8200 цыра).

Аалыҵ згоз илымхуп, аекспертизахь инашьҭуп. Азинеилагаҩ лганахь ала административтә зинеилагара ҳәа аус хацыркуп Урыстәыла КоАП ахәҭаҷ 16.3, ахәҭаҷ 16.1 ахәҭа 2 инарықәыршәаны.

14

Аԥсны Аҳәынҭстатистикаҿы ахныҟәгаратә минимум шьақәдыргылеит

1
(ирҿыцуп 10:20 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.

АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтәи аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.

Ахныҟәгаратә минимум рахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.

Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.

Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.

1

Аԥсны атуристтә бренд алоготип аус адулараз аицлабраҿ иаиааиз далкаауп

6
Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал ахь х-усумҭак неит, аусбарҭа асаит аҟны абжьыҭара алҵшәақәа рыла.

АҞӘА, ажьырныҳәа 23 – Sputnik, Асмаҭ Ҵәыџьԥҳа. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал аҿы аиааиҩы далнакааит.

Ажиури рыбжьыҭарала аиааира игеит Санкт-Петербургтәи адизаинер, иара абжьқәа реиҳарак иоуит онлаин-бжьыҭараангьы. Аха убри аан ажиури ирҳәеит амакет еиҭа аус адулатәуп ҳәа.

Зегь раасҭа иалацәажәан амакет ианыз амандарина асахьа. Ажиури алахәылацәақәак ирҳәеит акцент зҭатәу Аԥсны аҭоурых-культуратә ҭынхоуп, аха егьырҭ ргәаанагарала ацитрус шәыр абренд ианаалоит, иареи ареспубликеи еиԥшныршьалоит азы ҳәа.

"Азеиԥш гәаанагара ацныҟәара аҭахым. Сара сзы амандарина аҳәаа аркра, аидара амҩангара, ауаа рӷарра ауп ианарԥшуа. Еиҳа аинтерес зҵоу асимволқәа ҳамоуп. Ақьырсиан культура ду ҳалаҽхәартә иҳамоуп", - ҳәа иҳәеит Баҭал Кобахьиа.

Иара диқәшаҳаҭхеит абрендинг азҟаза Анастасиа Краттлигьы.

"Абренд аамҭа иақәшәозар ауп, аха убри аан атәыла акультура аныԥшуазароуп", - ҳәа лҳәеит лара.

Аԥсны Апарламент адепутат Асҭамыр Аршба игәаанагарала амандарина аблокада аамҭа акәӡам изыдҳәалатәу, иԥсеиқәырхаганы акәын ишыҟаз, уи адагьы иара алоготип аҿы амра асахьоуп ианыԥшуа.

Аԥсны атуризм аминистр Ҭеимураз Хышба ажиури алахәылацәа иреиҳәеит абренд еиуеиԥшым аҭыԥқәа ишырныԥшуа: ацәашәҵатәы, аплиажтә хархәагақәа уҳәа реиԥш иҟақәоу. Аԥсуа орнамент ма афрескақәа абри аан рхархәара проблемахоит ҳәа иҳәеит иара.

Ажиури анеилацәажәа ашьҭахь иӡбан алоготип автор апроект аус еиҭадиуларц изырхынҳәра.

  • Туристический бренд Абхазии
    © Sputnik / Асмат Цвижба
  • Туристический бренд Абхазии
    © Sputnik / Асмат Цвижба
1 / 2
© Sputnik / Асмат Цвижба
Туристический бренд Абхазии

Аԥсны атуризм аминистрра ҳтәыла атуристтә бренд аус адуларазы аицлабра алахәхаразы арзаҳалқәа рыдкылара иалагеит абҵара 15 рзы. Аицлабраз иаашьҭын 54 макет. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабраҿ иалнакааит ԥхынҷкәын 28 рзы жәа-макетк. Дара аминистрра асаит аҿы иқәыргылан.

Афинал ахь, ажьырныҳәа 22 рзы х-усумҭак неиит. Аиааира игеит абжьеиҳа зауз автор, иагьианашьахеит 50 000 мааҭ.

6