Абҵарамзеи ԥхынҷкәынмзеи рзы аԥсуа тәанчахәы анроуа шьақәыргылоуп

38
Аԥсуа тәанчахәи асоциалтә шәарақәеи роура аграфик изахьымӡо аекономикатә усура алаҟәра ауп ҳәа ахиҳәаауеит Атәанчахәытә фонд аиҳабы.

АҞӘА, ԥхынҷкәын 18 - Sputnik. Абҵарамзатәи аԥсуа тәанчахәы изауа ирыҭахоит ԥхынҷкәынмзазы, ԥхынҷкәынтәи атәанчахәы – ажьырныҳәамзазы ҳәа иҳәеит Аԥсны Атәанчахәытә фонд аиҳабы Денис Гәылариа аԥыза-министр Александр Анқәаб иԥылараан. Абри атәы аанацҳауеит Аминистрцәа реилазаара асаит.

"Атәанчахәқәа, агәазҭаҵаратә шәарақәа, ашәарацҵақәа рзы аныхрақәа 2020 шықәса ԥхынҷкәын 1 азтәи адыррала, 901 527,9 нызқьмааҭ ыҟоуп. 2019 шықәса иаҿырԥшны аԥгаԥсатә лагалақәа 31 809 нызқь мааҭ рыла еиҵоуп", - ҳәа иҳәеит Гәлариа.

Аԥсны Атәанчахәытә фонд аиҳабы Денис Гәылариа иажәақәа рыла, 2020 шықәса ԥхынҷкәын 1 азтәи аамҭазы атәанчахәқәа, агәазҭаҵаратә шәарақәа, ашәарацҵақәа 47 085-ҩык ироуеит. Ари ԥшьнызқьҩык рыла еиҳауп ашықәс алагамҭаз аасҭа. Атәанчахәы ацҵашәара зауа рхыԥхьаӡара 8 462-ҩык ыҟоуп. Арҭгьы ашықәс иалагазар ҩ-нызқьҩык инарзынаԥшуа еиҳахеит.

Гәылариа иара убасгьы иҳәеит аԥсуа тәанчахәи асоциалтә шәарақәеи роура аграфик изахьымӡо аекономикатә усура алаҟәра ауп ҳәа.

"Аԥкрақәа раамҭазы Афонд 2020 шықәсазтәи ареспубликатә биуџьет аҟынтәи атрансфер зегьы – 137 305,6 нызқь мааҭ ннахит. Уи адагьы атрансферцҵа - 30 000,0 нызқьмааҭ ннахит. Афонд аҭахрақәа абҵарамзеи ԥхынҷкәынмзеи рзы идыртәоит 140 051,8 нызқь мааҭ", - ҳәа иҳәоит Гәылариа.

Иара иазгәеиҭеит абҵарамзазы 48 миллион 866 нызқьмааҭ ԥаразоужьра шымҩаԥгаз, ишәамкәа иаанханы иҟоуп 45 миллион 191 нызқь мааҭ. Гәылариа игәаанагарала, ашықәс анҵәамҭазы адефицит иартәоит 100 миллионк рҟынӡа.

Аԥыза-министр анапынҵа ҟаиҵеит ауалқәа рылгара еиҳа еиӷьны ишымҩаԥгалатәу, Афинансқәа рминистрра адԥхьаланы аԥгаԥсатә лагалақәа ршәаҩцәа ршәаратә леишәа ахылаԥшра дырӷәӷәарц.

Иара убас шәаԥхьар ҟалоит:

38

Урыстәылатәи атуроператорцәа Аԥсны аԥхын аԥсшьаразы рҭаххара ахәшьара арҭеит

2
(ирҿыцуп 17:06 28.01.2021)
Аекспертцәа рдыррақәа рыла Аԥсны 2021 шықәсазтәи асезон азы еиҳа ирҭаху аԥсшьарҭа ҭыԥқәа хәба рхыԥхьаӡара иалашәеит, Краснодартәи атәылаҿацә, Ҟрым, Кавказтәи Аминералтә ӡқәа рышьҭахь аԥшьбатәи аҭыԥ нкыло.

АҞӘА, ажьырныҳәа 28 - Sputnik. 2021 шықәсазы Аԥсны аԥсшьара аҭаххара еиҳахоит 10 - 20%, рыла, аҳәаанырцә плиажқәа жәпакы раркраамҭаан, Атәыла аҩныҵҟа антиковидтә уснагӡатәқәа алагаламхар асезон уаанӡатәи аамҭақәа ирықәыршәаны ихацыркхоит ҳәа агәаанагара рымоуп урыстәылатәи атуроператорцәа.

"Атуристцәа Аԥсны залыркаауа амзызқәа иреиуоуп COVID-19 азы ПЦР-тест аҭара ахьаҭахым, англыз бызшәала аршаҳаҭгақәа роура ахьаҭахым, арегион ахь урыстәылатәи атәылауаҩшәҟә ала аҭалара ахьауа, амҩа аамҭа рацәаны иахьақәыдмырӡуа", - азгәарҭеит "Интурист" аҿы.

Аилахәыраҟны еиҳа аԥыжәара змоу ҭыԥқәаны рыӡбахә рҳәоит акурортқәа Гагра, Пицунда, Афон Ҿыц, Аҟәа. Бжьаратәла Аԥсны рыԥсшьараамҭа 10-14 у/ҽ ыҟоуп.

АЛЕАН астатистика ала аҵыхәтәантәи аҩышықәса Аԥсны аҭаххара амоуп аныҟәаратә хырхарҭагьы. Убри азы 2021 шықәсаз атуроператор иазыԥхьагәеиҭеит автортә екскурсиатә турқәа Аԥсныҟа, Аҟәатәи аотельқәа рбазала. Ари аҩыза аԥсшьара аплиажтә ԥсшьарагьы иацымҩаԥугар ҟалоит.

Атуроператорцәа ргәаҭарақәа рыла традициала ԥхынгәы, нанҳәа амзақәа еиҳа аҭаххара рымоуп, аха ус шакәугьы лаҵарамзагьы азхьаԥшра арҭоит. Макьаназы цәыббрамза азыҳәақәа маҷны иазыҟаҵоуп.

Аекспертцәа иазгәарҭоит Аԥсны аотельқәа реиҳарак рыхәԥса шышьҭырхыз 5-10% рҟынӡа. Иҟоуп асезон-2020 аантәи ахәԥсақәа нзыжьызгьы.

Аобиект акатегориеи аҟазаара аамҭеи ирҿырԥшны ахәқәа реиҵатәра 7 -50% итәоит.

Ажьырныҳәа 27 азтәи адыррақәа рыла Москвантәи Шәачанӡеи шьҭахьҟаи аԥырра алаҵаны апакеттә турқәа ҩыџьа хынтәтәи рыкрыфара алаҵаны жәамш рыԥсшьара ахәԥса иартәоит:

  • 40,1 нызқь мааҭ (Аҟәа)
  • 48,2 нызқь мааҭ (Гагра).

Иара абри аамҭазтәи жәамштәи атурпакетқәа (ҩыџьа рзы, хынтәтәи рыкрыфара алаҵаны) иахьазы ирыхәԥсоуп:

  • 69,3 нызқь мааҭ (Гагра)
  • 66,1 нызқь мааҭ (Пицунда).
2

Бжьаниа Аҟәатәи аҳаирбаӷәаза аусура алагара аҿҳәарақәа дрылацәажәеит

4
(ирҿыцуп 17:15 28.01.2021)
Аԥсны ахада Аслан Бжьаниа Аԥсуа телехәаԥшра аинтервиу анеиҭоз дазааҭгылеит Аҟәатәи аҳаирбаӷәаза аусура алагара аҿҳәара азҵаарагьы.

АҞӘА, ажьырныҳәа 28 – Sputnik. Аԥсназы акрызҵазкуа акәны иҟоуп Аҟәатәи аҳаирбаӷәаза аусура алагара, иара 2024 шықәса иахымгакәа аусура иалагап ҳәагьы ҳгәыӷуеит, абри атәы иҳәеит Аԥсны ахада Аслан Бжьаниа Аԥсуа телехәаԥшра аинтервиу анеиҭоз.

"Ҩымчыбжь рахь знык Урыстәыла атранспорт аминистрраҿы аилацәажәара мҩаԥысуеит. Аԥсныҟа изныкымкәа аҟазауаа аахьеит. Иаахьеит аинвесторцәагьы. Апроект аусура иалагоит. Зықьҩык иреиҵамкәа аусурҭа ҭыԥқәа роуеит", - иҳәеит ахада.

Бжьаниа иҳәеит ари аҩыза азҵаара мышкала иуӡбо шакәым.

"Аиҳабыра рҿаԥхьа аусдҵа ықәыргылахоит. Иара ҵоураны аӡбра аиҳабырагьы ирлахьынҵахоит. 2024 шықәсанӡа аус аҭыԥ ианықәҵамха ҳкабинетқәа ҳазрыҩнатәозеи", - азгәеиҭеит иара.

2019 шықәсазы Владислав Арӡынба ихьӡ зху жәларбжьаратәи аҳаирбаӷәаза "Аҟәа" жәларбжьаратә анбантә код аиуит. Иара убасгьы иара аицтәаратә баӷәаза астатус аиуит. Уи иазыԥхьагәанаҭоит аграждантәи аҳәынҭқарратәи (арратә, аҳазалхратә, аҳәынҭқарратә маҵзура мҩаԥызго аҽа хкык) авиациа абаӷәазаҿ реицыҟазаара.

Иара убас шәаԥхьар ҟалоит:

4
Атемақәа:
Аҟәатәи аҳаирбаӷәаза