Борцы из Абхазии взяли золото и бронзу на соревнованиях в России

Аԥснытәи аиқәԥаҩцәа ахьи аџьази ириааит Урыстәылазегьтәи аицлабраҿы

15
СССР зҽаԥсазтәыз атренер, жәларбжьаратәи аекстра-класс акатегориа иаҵанакуа аӡбаҩ Александр Попов игәалашәара иазкыз Зых иақәиҭу аиқәԥаразы Урыстәылазегьтәи аицлабрақәа мҩаԥысуан Москватәи аобласт Мытишьи ақалақь аҟны ԥхынҷкәын 18-20 рзы.

АҞӘА, ԥхынҷкәын 20 - Sputnik. Гьаргь Адлеиба актәи аҭыԥ ааникылеит Мытишьи имҩаԥысуаз Зых иақәиҭу аиқәԥаразы Урыстәылазегьтәи аицлабраҿы, абри атәы ааицҳаит зых иақәиҭу ақәԥаразы азыҟаҵаҩ Ҭемыр Џьопуа.

Аицлабраҿы иара убас ахԥатәи аҭыԥ ааникылеит Асланбек Гәарамиа, аԥхьахәтә ҭыԥ аиааира илымшеит Асҭамыр Гәынба, уи ааха ахьиоуз аҟнытә.

"Гьаргь Адлеиба актәи аҭыԥ ааникылеит зыкапан 57 килограмм иҟоу рыбжьара. Асланбек Гәарамиа ахԥатәи аҭыԥ ааникылеит зыкапан 86 килограмм иҟоу рыбжьара. Дара Урыстәыла аспортсменцәа ирацлабуан. Асҭамыр Гәынба иакәзар, уи ааха ахьиоуз аҟнытә ақәԥара изацымҵеит. Иара Гәдоуҭатәи аспортшкол дааӡамҭоуп", - ҳәа еиҭеиҳәеит Џьопуа.

Ахацәа рыбжьара Зых иақәиҭу аиқәԥаразы Урыстәылазегьтәи аицлабрақәа ирылахәын 100-ҩык инареиҳаны Урыстәыла арегионқәа зегь рҟынтәи аспортсменцәа.

Аицлабрақәа ирылахәыз Гьаргь Адлеибеи Асланбек Гәарамиеи аиааирақәа ргахьеит. Асланбек Гәарамиа - арԥарацәа рыбжьара 2015 шықәсазы дчемпионхеит, аҿарацәа рыбжьара Урыстәыла 2018 шықәсазы дчемпионхеит, иара ажунеизегьтәи аицлабрақәагьы дрылахәын, уа иааникылеит ахәбатәи аҭыԥ. Гьаргь Адлеиба аҩбатәи аҭыԥ ааникылеит Урыстәыла ачемпионат аҟны 2018 шықәсазы.

Иара убас шәаԥхьар ҟалоит:

15

Қәаранӡиа: ауаа алашаразы аҭагылазаашьа шыцәгьахоз дырны, заа мҿыла рҽеиқәдыршәеит

2
(ирҿыцуп 19:51 24.01.2021)
Сынтәа даҽа аамҭанык еиԥшымкәа амҿы зҭаху рхыԥхьаӡара рацәоуп, ҭелла заа аҿаҵа ҟарҵоит, абри атәы арадио Sputnik аефир аҟны иҳәеит Кәҭол ақыҭан инхо амҿылхҩы Енвер Қәаранӡиа.
Қәаранӡиа: сынтәа ауаа алашаразы аҭагылазаашьа шыцәгьахоз дырны, мҿыла заа рҽеиқәдыршәон

"Сусура абжьааԥны еиԥшымкәа иацлеит, аха уи уаргәырӷьартә иҟам, амҿы ҳҭииндаз ҳәа мацара акәым ҳшыҟоу, аԥсабара ахьчарагьы ҳуалуп. Алашара ҵыԥхгьы ибзиамызт, аха сынтәа аҭагылазаашьа еиҳагьы еицәахеит, ауаагьы уи апроблема шыҟалоз дырны заа аӡынра рыҽдырхеит. Сынтәа цәыббрамза инаркны амҿы аҿаҵара иалагахьан хыԥхьаӡара рацәала. Сара схала амҿы аиқәыршәара саҿуп. Аҭел исзасуеит ишырҭаху, шаҟа рҭаху рҳәоит. Еиҳарак ауаа ирҭаху ахьацоуп, уи ибзиан ибылуеит, аршьшьарагьы усҟак ицәгьам. Ашәгьы иазҵаауа дыҟоуп, ал усҟак ирҭахым. Амҿы ылысхуеит Кәтол абнақәа рҿы. Ажәытәан Кәачара ауаа ахьынхоз уажәы иахьҭацәу абнақәа ахиааны иҟоуп. Ҿыц игылоу аҵла ԥаҳҟаӡом, иажәхьоу роуп. Ахьаца ашьапы хаҳҵәаӡом, ажәытәан еиԥш икаҳҿоит хыхь-хыхь, нас амахәҭақәа ҿыцқәа аауеит, анаҩс 3-4 шықәса рышьҭахь еиҭа иԥаҳҟартә иҟалоит. Еиҳарак амҿы Аҟәа ақалақь аҿы инхо роуп иаҿазҵо", - ҳәа еиҭеиҳәеит Енвер Қәаранӡиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2

ЕгрыГЕС атоннель аремонт азура иалагеит

4
(ирҿыцуп 19:02 24.01.2021)
ЕгрыГЕС адеривациатә тоннель аремонт азуразы аусура аанкылан ажьырныҳәа 20 рзы. Абри аамҭазы Аԥсны иахьаҵанакуа урыстәылатәи афымцалашарала еиқәыршәахоит.

АҞӘА, ажьырныҳәа 24-Sputnik. ЕгрыГЕС адеривациатә тоннель аремонт азура иалагеит амҽыша ашьыжь инаркны ажьырныҳәа 24 рзы, абри атәы Sputnik иазеиҭеиҳәеит ЕгрыГЕС анапхгараҭара ахантәаҩы Леван Мебониа.

"Аҟазауаа аусурақәа ирылагахьеит, уажәы аидҳәалақәа ашьақәыргылара иаҿуп- аимадара, афымцалашара анашьҭра, атехника аргылара. Уаҵәашьҭахь адгьылкылҵәареи, ацемент ықәырҭәареи ҳалагоит", - иҳәеит иара.

Мебониа иажәақәа рыла, аремонт ҟаҵаҩцәа ргәыԥқәа х-сменакны ишоуп, дара уахгьы-ҽынгьы аус рулоит, рҽырыԥсахлоит. Аусурақәа ирылахәуп ҩышәҩык аусзуҩцәа.

"Урҭ анџьнырцәа, адгьылкылҵәаҩцәа, ацемент ықәырҭәаҩцәа, амеханикцәа, афымцазҟазацәа уҳәа. ҳусутә рацәоуп. Ихадароу аусурақәа ируакуп- атоннель бетонла иахьыҟаҵоу ацемент ықәырҭәареи адгьылкылҵәареи роуп, уи азы иахәҭоу атехника ргылоуп. Ҭыԥқәак рҟны ажәытә бетон ықәганы аҿыц ҭарҭәахоит", - азгәеиҭеит Мебониа.

2021 шықәса мшаԥымза анҵәамҭанӡа астанциаҿы имҩаԥыслоит адеривациатә тоннель аиҭашьақәыргылара. Ҩ- километраки бжаки иҟоу ахәҭа аремонт азутәуп. Зынӡа атоннель аура 15 километра иҟоуп.

Аиҭашьақәыргылара мҩаԥнагоит ақырҭуа ргыларатә еилахәыра, анемец ҟазауаа рыпроект ала. Аԥарашәара мҩаԥнагоит Европатәи арҿиара абанк. Иахьазы Аԥсны Урыстәылантәи афымцалашара аиуеит. ЕгрыГЕС адеривациатә тоннель аҵыхәтәантәи аремонт мҩаԥган 2006 шықәса рзы, ашәарҭадара атехника ишаҳәо ала ес-хәышықәса аҭагылазаашьа ишашьклаԥшлатәу. Уажәы аӡы ахьацәцо азы 250 миллион киловатт сааҭ ыӡуеит. Ари Аԥсны шықәсык ала ахы ианархәо афымцалашараҟынтә 10% артәоит.

ЕгрыГЕС заҵәык Ауп Аԥсны аҵакыра зегьы фымцалашарала еиқәзыршәо. Иара ахархәарахь ирыҭан 1978 шықәса рзы. Агидроагрегатқәа Аԥсны аҵакыраҿ игылоуп, аӡеизакырҭа – Қырҭтәыла. Астанциа ашықәсбжьаратә фымцамч аужьра х-миллиардки 700 миллион киловатт ыҟоуп сааҭк ала.

Иара убас шәаԥхьар ҟалоит:

4
Атемақәа:
Аԥсны аенергетика апроблемақәа