Аҟәа ақалақь ахада аныҳәамштә банкетқәа рымҩаԥгара азин ҟаиҵом
(ирҿыцуп 18:20 21.12.2020)
Аԥсны ахада иусдҵа инақәыршәаны акоронавирустә инфекциа алаҵәара ацәшәаразы ареспубликаҿы аԥкыратә уснагӡатәқәа аанкылоуп ажьырныҳәа 12 рҟынӡа. Арахь иаҵанакуеит агәырӷьаратә уснагӡатәқәагьы.АҞӘА, ԥхынҷкәын 21 - Sputnik. Аҟәа ахада Беслан Ешба аусдҵа "Ашықәс ҿыц ази Қырсаныҳәази абанкетқәа рымҩаԥгара азин аҟамҵаразы" инапы аҵеиҩит.
"Ауааԥсыра рыхьчаразы, Аҟәа иахьаҵанакуа авирус COVID-19 аламырҵәаразы 2020 шықәса ԥхынҷкәынмзази 2021 шықәса ажьырныҳәамзази иарку ахыбрақәа рҿы амассатә уснагӡатәқәа реиҿкаареи рымҩаԥгареи рзин ыҟамзааит, хаҭала Ашықәс ҿыци Қьырсаныҳәеи рымҩаԥгара иазку", - аҳәоит аусдҵа атекст аҿы.
Аԥсны ахада иусдҵа инақәыршәаны акоронавирустә инфекциа алаҵәара ацәшәаразы ареспубликаҿы аԥкыратә уснагӡатәқәа аанкылоуп ажьырныҳәа 12 рҟынӡа. Арахь иаҵанакуеит амассатә уснагӡатәқәагьы.
Аепидемиа иаалагазар Аԥсны акоронавирустә инфекциа рыдбалоуп быжьнызқьи бжаҩык. Аиҳараҩык Аҟәа ақалақь иатәуп.
Акоронавирус иазку ажәабжьқәа зегьы шәрыԥхьар ҟалоит абра>>
Воуԥҳа: ауаа аилкаара аадырԥшыроуп, ҳҳақьымцәа уаҳа рылшом, дара рхаҭақәагьы чмазаҩхеит
(ирҿыцуп 11:08 23.01.2021)
Аҟәа ақалақь ахадара агәыбзиарахьчара аусбарҭа аиҳабы Ирма Воуԥҳа арадио Sputnik аефир аҿы еиҭалҳәеит анализқәа ахьрырҭо аҭыԥқәа рхыԥхьаӡара аҵҵареи, аинфекциатә хәышәтәырҭаҿы аҭыԥқәа рацҵаразеи аҳҭнықалақь ахада идҵа анагӡара аус шцо атәы. Воуԥҳа: ауаа аилкаара аадырԥшыроуп, ҳҳақьымцәа уаҳа рылшом, дара рхаҭақәагьы чмазаҩхеит
"Иҟоуп ауаа ачымазара ӷәӷәаны излаҽны измоу. Ус еиԥш аинфекциатә хәышәтәырҭаҿы ианаанага, ҳара ахаан аҩныҟа иҳашьҭӡом. Ишакәзаалакгьы, Гәдоуҭатәи ахәышәтәырҭа аума, амобилтә госпиталь аума, аҭыԥ ԥшааны иҳашьҭуеит. Зыԥсыԥ ззымго, зшоура дуу, згәабзиара ашәарҭара иҭагылоу - урҭ ҳара ишьҭаҳҵоит, хымԥада. Егьыс инеиуа зегьы ирыҿцәажәаны, иаҭаху раҳәаны, иара уа аҭыԥ аҿгьы акапельница ҟаҵаны иауҳашьҭуа ишьақәыргыланы иҟоуп", - ҳәа еиҭалҳәеит Воуԥҳа.
Лара лажәақәа рыла аинфекциатә хәышәтәырҭаҿы аиарҭа аҭыԥқәа рхыԥхьаӡара ацҵаразы аусурақәа цоит.
"Ауадаҩра ахьыҟоу ареанимациатә ҟәшаҿы ауп. Иахьазы уа иҟоуп ԥшь-ҭыԥк. Иқәгылоуп ԥшь-ИВЛк. Зчымазара ӷәӷәоу аҭыԥқәа 10 рҟынӡа иаҵаҳҵарц ҳгәы иҭоуп. Агәабзиарахьчара аминистрра аҟынтә иҳауран иҟоуп еиҭа ИВЛ-қәа", - ҳәа лҳәеит Воуԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
-
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
-
COVID-19 аҿагыларатә усмҩаԥгатәқәа 400 миллион мааҭ рҟынӡа ақәнарӡит Аԥсны
-
Амҷыԥҳа Аҟәа амобилтә бригада аусуразы: макьана иасуа зегьы ҳрыхьӡоит
Аԥсны Аҳәынҭстатистикаҿы ахныҟәгаратә минимум шьақәдыргылеит
(ирҿыцуп 10:20 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтәи аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.
Ахныҟәгаратә минимум рахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.
Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.
Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.