COVID-19 змоу рзы ҽынлатәи астационар аадыртуеит Пицунда

15
(ирҿыцуп 11:43 22.12.2020)
Аҵыхәтәантәи аҩымз рыҩныҵҟа Пицунда ауааԥсыра рыбжьара акоронавирус зцәа иалоу ауаа рацәаҩхеит.

АҞӘА, ԥхынҷкәын 22 – Sputnik, Бадри Есиава. Пицунда ҽынлатәи астационар аадыртуеит COVID-19 змоу рзы ҳәа Sputnik иазеиҭеиҳәеит ахәышәтәырҭа аҳақьым хада Савели Серетиди.

"Ҳара зегь азҳархиеит ҽынлатәи астационар аартразы. Арахь инеир алшоит ибжьаратәуи иласуи аҭагылазаашьа змоу. Дара ара апроцедурақәа ирхысыр ҟалоит. Агәабзиарахьчара аминистрра адҵа ҟанаҵозар, ҳара ҳахиоуп", - иҳәеит иара.

Серетиди иҳәеит астационар аус шауло есыҽны асааҭ 9:00 - 17:00 рзы. Иара аратәи ахәыштәырҭа аҩбатәи аихагылаҿы иҟалоит, 20 иараҭыԥ рхиоуп. Астационар аусура алагара аламҭала иԥсахын афымцатә цәаҳәақәа, иқәыргылан арԥхагақәа, Аҟәантәи акварц лампақәа раагара иазыԥшуп.

Ҽынлатәи астационар аҿы 15-15 мшы аус рулоит ааҩык афельдшарцәа. Ахәышәтәырҭа аколлектив 42-ҩык рыла ишьақәгылоуп, хәҩык аҳақьымцәа  – ахирург, ҩыџьа атерапевтцәа, ауролог, агинеколог ыҟоуп.

Аҵыхәтәантәи аҩымз рыҩныҵҟа Пицунда ауааԥсыра рыбжьара авирус зцәа иалоу ауаа рацәаҩхеит. Серетиди ишиҳәо ала аҵыхәтәантәи ахәаша мацара азы арахь иааиит 28 –ҩык.

"Ахәышәтәырҭахь имааиц ыҟоуп. Аҵыхәтәантәи аамҭазы ичмазцәо рацәаҩхо иалагеит. Иахьынӡаздыруала ҩ-ԥсыҭбарак ҟалахьеит",- иҳәеит иара.

Серитиди иазгәеиҭеит Пицунда ауааԥсыра ачымазара хырыҩ шарымҭо. Абасеиԥш агәаанагара имоуп Пицунда ахада Алхас Шамбагьы.

"Ааԥынразы схаҭа ақалақь аҿы ауаа асабрадақәа ныҟәыргаларц срыҳәон. Усҟан исҳәо иазыӡырыҩуан, рхы рыхьчон ачымазцәа шҳамамызгьы. Уажәы ԥкырак иазхьаԥшуам", - иҳәоит Шамба.

Иара имоу аинформациала Пицунда ауааԥсыра, акоронавирус змоу, уадаҩрада рчымазара рхыргоит.

15
Атемақәа:
Ачымазара ҿкы – акоронавирус Аԥсни адунеи аҿи: иалкаау (981)

Аԥсны Аҳәынҭстатистикаҿы ахныҟәгаратә минимум шьақәдыргылеит

1
(ирҿыцуп 10:20 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.

АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтәи аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.

Ахныҟәгаратә минимум рахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.

Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.

Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.

1

Аԥсны атуристтә бренд алоготип аус адулараз аицлабраҿ иаиааиз далкаауп

6
Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал ахь х-усумҭак неит, аусбарҭа асаит аҟны абжьыҭара алҵшәақәа рыла.

АҞӘА, ажьырныҳәа 23 – Sputnik, Асмаҭ Ҵәыџьԥҳа. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал аҿы аиааиҩы далнакааит.

Ажиури рыбжьыҭарала аиааира игеит Санкт-Петербургтәи адизаинер, иара абжьқәа реиҳарак иоуит онлаин-бжьыҭараангьы. Аха убри аан ажиури ирҳәеит амакет еиҭа аус адулатәуп ҳәа.

Зегь раасҭа иалацәажәан амакет ианыз амандарина асахьа. Ажиури алахәылацәақәак ирҳәеит акцент зҭатәу Аԥсны аҭоурых-культуратә ҭынхоуп, аха егьырҭ ргәаанагарала ацитрус шәыр абренд ианаалоит, иареи ареспубликеи еиԥшныршьалоит азы ҳәа.

"Азеиԥш гәаанагара ацныҟәара аҭахым. Сара сзы амандарина аҳәаа аркра, аидара амҩангара, ауаа рӷарра ауп ианарԥшуа. Еиҳа аинтерес зҵоу асимволқәа ҳамоуп. Ақьырсиан культура ду ҳалаҽхәартә иҳамоуп", - ҳәа иҳәеит Баҭал Кобахьиа.

Иара диқәшаҳаҭхеит абрендинг азҟаза Анастасиа Краттлигьы.

"Абренд аамҭа иақәшәозар ауп, аха убри аан атәыла акультура аныԥшуазароуп", - ҳәа лҳәеит лара.

Аԥсны Апарламент адепутат Асҭамыр Аршба игәаанагарала амандарина аблокада аамҭа акәӡам изыдҳәалатәу, иԥсеиқәырхаганы акәын ишыҟаз, уи адагьы иара алоготип аҿы амра асахьоуп ианыԥшуа.

Аԥсны атуризм аминистр Ҭеимураз Хышба ажиури алахәылацәа иреиҳәеит абренд еиуеиԥшым аҭыԥқәа ишырныԥшуа: ацәашәҵатәы, аплиажтә хархәагақәа уҳәа реиԥш иҟақәоу. Аԥсуа орнамент ма афрескақәа абри аан рхархәара проблемахоит ҳәа иҳәеит иара.

Ажиури анеилацәажәа ашьҭахь иӡбан алоготип автор апроект аус еиҭадиуларц изырхынҳәра.

  • Туристический бренд Абхазии
    © Sputnik / Асмат Цвижба
  • Туристический бренд Абхазии
    © Sputnik / Асмат Цвижба
1 / 2
© Sputnik / Асмат Цвижба
Туристический бренд Абхазии

Аԥсны атуризм аминистрра ҳтәыла атуристтә бренд аус адуларазы аицлабра алахәхаразы арзаҳалқәа рыдкылара иалагеит абҵара 15 рзы. Аицлабраз иаашьҭын 54 макет. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабраҿ иалнакааит ԥхынҷкәын 28 рзы жәа-макетк. Дара аминистрра асаит аҿы иқәыргылан.

Афинал ахь, ажьырныҳәа 22 рзы х-усумҭак неиит. Аиааира игеит абжьеиҳа зауз автор, иагьианашьахеит 50 000 мааҭ.

6