Аҟәа ауааԥсыра аӡы иахьа ахәылбыҽха ирзынашьҭхоит

18
(ирҿыцуп 12:41 22.12.2020)
Аҟәа аӡымҩангагақәа рышьҭаҵараз ахыркәшаратә усурақәа ирҿуп. Уажәы урҭ амагистралтә цәаҳәақәа ирԥыршьуеит. Ҩымш ҵуеит аҳҭнықалақь ӡыда иҟоижьҭеи.

АҞӘА, ԥхынҷкәын 22 - Sputnik, Сариа Кәарцхьиаԥҳа. Аҟәа ауааԥсыра уаанӡа ишазгәаҭаз аиԥш ӡыла реиқәыршәара залмыршахеит ианаамҭаз, аусурақәа уажәыгьы имҩаԥысуеит ҳәа Sputnik иазеиҭеиҳәеит Аҟәа ахадара анхарҭа-коммуналтә нхамҩа Адепартамент адиректор ихаҭыԥуаҩ Руслан Аҩӡба.

"Иацы аусурақәа ҳазрылымгеит. Иахьа ихыркәшахоит. Аусурақәа рымҽхак ҭбаауп, иуадаҩуп. Амш абааԥсрагьы аԥырхага ҟанаҵеит", - иҳәеит иара.

Аҟәа ахадара анхарҭа-коммуналтә нхамҩа Адепартамент адиректор ихаҭыԥуаҩ иажәақәа рыла, аӡы аушьҭхоит ԥхынҷкәын 22 ахәылбыҽхазы.

Уаанӡа ақалақь ахадара асаит аҿы иҳәан Гәлиа, Џьонуа, Дбар, Воронова, Лакоба, Коӷониа, Басариа, Абазинскаиа, Арӡынба амҩақәа реихысырҭақәа ҩеижәи быжьба рҿы аӡымҩангагақәеи амагистралтә цәаҳәақәеи еиԥыршьраны иҟоуп ҳәа.

Арҭ аусурақәа ирхырҟьаны ашәахьаҽны ауаажәларратәи ахатәи транспорт рныҟәара ркьаҿын. Аӡы ауааԥсыра рыҭара ԥкын. Аџьармыкьа хадеи ааигәа-сигәа иҟоу адәқьанқәеи аус руамызт. Аӡы аанкылан ԥхынҷкәын 20 асааҭ 22:00 рзы.

"Аӡыканал" анџьныр хада Мераб Анқәаб иҳәеит аремонт алагамҭазы аӡы нкылатәуп атрубақәа ҭацәызарц азы ҳәа.

ИАЕ "Астория-Аквасервис" ахаҭарнак Саид Амҷба иажәақәа рыла рымчқәа зегьы еидкыланы аусурақәа рымҩаԥгара иаҿуп. Иара ишиҳәо ала уажәшьҭарнахыс проблемак ҟалар ақалақь зегьы ӡыда инхом, аҭыԥаҿы аҭыԥ ақәҵара алшартә ишьақәыргылоуп.

18

Камкьиа: Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп

0
(ирҿыцуп 14:26 19.01.2021)
120 шықәса раԥхьа диит ашәҟәыҩҩы Миха Лакрба. Аҿартә театр актиор Саид Камкьиа арадио Sputnik аефир аҿы иҳәеит аламыс азышәаҳәаҩ, Миха Лакрба иԥсҭазаараҿы иааникыло аҭыԥ.
Аԥсны еицырдыруа ахьыӡқәа: Камкьиа Миха Лакрба иаԥҵамҭақәа ирызкны

"Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп. Иара нагарҭа амаӡамкәа ҳҵас, ҳқьабзқәа ааирԥшуеит. Саргьы сыԥсҭазаараҿгьы абас сыҟандаз, абри еиԥш схы мҩаԥызгандаз ҳәа сгәы ианаанаго ыҟоуп. Миха Лакрба ихьӡ аҿар ираҳахьеит, аха шамахамзар, урҭ ашәҟәыԥхьара рҭахым, иҟалаз асоциалтә ҳақәа ирхырҟьаны. Иара иновеллақәа ашколтә программаҿы иҟоуп, убасҟан ауп ухы-угәаҿы ианаанхо, анаҩс уаныҩеидаслак, еиҭа саԥхьандаз ҳәа агәазыҳәара узцәырыргоит. Атеатр аҿгьы зны-зынла ҳанааидтәалалак, иаҳгәалашәоит урҭ ановеллақәа. Убасҟантәи аамҭаз иара ифырхаҵа абас иҟаиҵеит, аха иахьазы уи ус ауама ҳәа еилҳаргоит. Ановеллақәа рыла иҭыху афильм кьаҿқәагьы акырӡа ибзиоуп, урҭ зегьы аинтернет аҿы иузыԥшаауам, аха иҟоу иахәаԥшхьоу рҟынтә исаҳахьеит ишыргәаԥхаз ала", - ҳәа еиҭеиҳәеит Камкиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

0

Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит

3
(ирҿыцуп 13:38 19.01.2021)
Аладатәи Арратә округ аруаа рҿы массалатәи алаҵаҟаҵара иалагоит. Урыстәылатәи алаҵа "Спутник V" актәи апартиа ааган Аԥсны иҟоу арратә базахь ԥхынҷкәын 2 рзы.

АҞӘА, ажьырныҳәа 19 - Sputnik. 225 000-ҩык рҟынӡа Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит ҳәа аанацҳауеит ААО апресс-маҵзура.

Алаҵа рзыҟаҵахоит аррамаҵзурауаа рҭаацәа, аграждантә персонал. Зынӡа шәнызқьҩык рҟынӡа.

Амассатә лаҵаҟаҵара хацыркхеит Аладатәи арратә округ аҿы. Актәи акомпонент рзыҟарҵахьеит 17 000-ҩык рҟынӡа, ҩ-компонентк рзыҟарҵахьеит фнызқьҩык.

Жәабран  15  2021 шықәсанӡа арратә округ амедусҳәарҭақәа иазыԥхьагәарҭоит аҽа 60 000-ҩык алаҵа рзыҟаҵара.

Алаҵа хатәгәаԥхаралоуп ишыҟарҵо, иззыҟарҵо уи азы ашәҟәы инапы аҵеиҩуеит.

Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. Абасала иара адунеи аҿы ираԥхьатәиу коронавирус SARS-COV-2 иаҿагыло лаҵоуп.

3
Атемақәа:
Ачымазара ҿкы – акоронавирус Аԥсни адунеи аҿи: иалкаау