Аԥсны ААР: жәаҩа криптоферма ацәаҳәақәа ирҿыхуп мчыбжьык аҩныҵҟа

5
(ирҿыцуп 14:10 22.12.2020)
Аԥсны ААР уаанӡа афымцацәаҳәақәа ирҿырххьаз акриптовалиута аиуразы аобиектқәа хылаԥшра рзыруеит.

АҞӘА, ԥхынҷкәын 22- Sputnik. Жәаҩа криптоферма ацәаҳәақәа ирҿыхуп мчыбжьык аҩныҵҟа, апломба раархоуп 3783 шьақәгыла ҳәа аанацҳауеит Аԥсны ААР апресс-маҵзура.

Аекономикатә шәарҭадареи акоррупциа аҿагылареи рзы Аусбарҭеи Аԥсны ААР СОБР аусзуҩцәеи Гәылрыԥшь араион Баӷмаран ақыҭаҿы иаадырԥшит аус зуаз амаининг-ферма.

Аферма уаҩ дызхымыз аобиект аҿы иқәгылан. Иара аусуразы иқәыргылан амчхара ду змоу атрансформатор. Зынӡа иаарԥшын 420 шьақәгыла акриптовалиута аиуразы. Дара афымцацәаҳәақәа ирҿырхит, апломбақәа раадырхеит, акт шьақәдыргылеит.

Очамчыра араион аҿгьы уаҩ дзыҩнам аҩнқәа ҩба рҿы иқәыргылаз акриптофермақәа ҩба аарԥшын. Уа аус руан 60; 150 хархәага.

Иара убасгьы Очамчыра аферма ду аркын - 1538 шьақәгыла. Дара зыҩнагылаз ахыбра астанциа маҷ ааигәара игылан. Аферма афымцалашара аиуразы аус руан атрансформатор дуқәа хԥа.

Пицундатәи ачазауад аҵакыраҿы иаанкылоуп амаининг-ферма - 319 шьақәгыла зыҩнагылаз. Ахархәагақәа ықәыргылан анаплакы ахы ианамырхәо ахыбраҿы.

Ахаҳәырҷҷа аус ахьадыруылоз анаплакқәа ҩба рҿы ирцәан 590 шьақәгыла. Аҽа х- криптофермак аарԥшын, иагьаркын Бзыԥи Риҵатәи ахырхарҭеи рҿы, афымцацәаҳәақәа ирҿыхын 566 шьақәгыла. Цандрыԥшь аҳаблаҿы УБЕП аусзуҩцәа 180 шьақәгыла змаз аферма ааныркылеит.

Аԥсны аҩныҵҟатәи аусқәа рминистрра аҽазныкгьы адырра ҟанаҵоит уаанӡа афымцацәаҳәақәа ирҿырххьаз акриптовалиута аиуразы аобиектқәа хылаԥшра шырзыруаз.

Аԥсны Аминистрцәа реилазаара аамҭала атәылахь  акриптовалиута аиуразы ахархәагақәа ралагалара  ааннакылеит 2020 шықәса ԥхынҷкәын 20 инаркны 2021 шықәса рашәара 1 аҟынӡа. Иара убри ақәҵарала иаанкылоуп амаининг фермақәа русура.

Иара убас шәаԥхьар ҟалоит:

5

Аԥсны Аҳәынҭстатистикаҿы ахныҟәгаратә минимум шьақәдыргылеит

1
(ирҿыцуп 10:20 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.

АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтәи аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.

Ахныҟәгаратә минимум рахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.

Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.

Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.

1

Аԥсны атуристтә бренд алоготип аус адулараз аицлабраҿ иаиааиз далкаауп

6
Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал ахь х-усумҭак неит, аусбарҭа асаит аҟны абжьыҭара алҵшәақәа рыла.

АҞӘА, ажьырныҳәа 23 – Sputnik, Асмаҭ Ҵәыџьԥҳа. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал аҿы аиааиҩы далнакааит.

Ажиури рыбжьыҭарала аиааира игеит Санкт-Петербургтәи адизаинер, иара абжьқәа реиҳарак иоуит онлаин-бжьыҭараангьы. Аха убри аан ажиури ирҳәеит амакет еиҭа аус адулатәуп ҳәа.

Зегь раасҭа иалацәажәан амакет ианыз амандарина асахьа. Ажиури алахәылацәақәак ирҳәеит акцент зҭатәу Аԥсны аҭоурых-культуратә ҭынхоуп, аха егьырҭ ргәаанагарала ацитрус шәыр абренд ианаалоит, иареи ареспубликеи еиԥшныршьалоит азы ҳәа.

"Азеиԥш гәаанагара ацныҟәара аҭахым. Сара сзы амандарина аҳәаа аркра, аидара амҩангара, ауаа рӷарра ауп ианарԥшуа. Еиҳа аинтерес зҵоу асимволқәа ҳамоуп. Ақьырсиан культура ду ҳалаҽхәартә иҳамоуп", - ҳәа иҳәеит Баҭал Кобахьиа.

Иара диқәшаҳаҭхеит абрендинг азҟаза Анастасиа Краттлигьы.

"Абренд аамҭа иақәшәозар ауп, аха убри аан атәыла акультура аныԥшуазароуп", - ҳәа лҳәеит лара.

Аԥсны Апарламент адепутат Асҭамыр Аршба игәаанагарала амандарина аблокада аамҭа акәӡам изыдҳәалатәу, иԥсеиқәырхаганы акәын ишыҟаз, уи адагьы иара алоготип аҿы амра асахьоуп ианыԥшуа.

Аԥсны атуризм аминистр Ҭеимураз Хышба ажиури алахәылацәа иреиҳәеит абренд еиуеиԥшым аҭыԥқәа ишырныԥшуа: ацәашәҵатәы, аплиажтә хархәагақәа уҳәа реиԥш иҟақәоу. Аԥсуа орнамент ма афрескақәа абри аан рхархәара проблемахоит ҳәа иҳәеит иара.

Ажиури анеилацәажәа ашьҭахь иӡбан алоготип автор апроект аус еиҭадиуларц изырхынҳәра.

  • Туристический бренд Абхазии
    © Sputnik / Асмат Цвижба
  • Туристический бренд Абхазии
    © Sputnik / Асмат Цвижба
1 / 2
© Sputnik / Асмат Цвижба
Туристический бренд Абхазии

Аԥсны атуризм аминистрра ҳтәыла атуристтә бренд аус адуларазы аицлабра алахәхаразы арзаҳалқәа рыдкылара иалагеит абҵара 15 рзы. Аицлабраз иаашьҭын 54 макет. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабраҿ иалнакааит ԥхынҷкәын 28 рзы жәа-макетк. Дара аминистрра асаит аҿы иқәыргылан.

Афинал ахь, ажьырныҳәа 22 рзы х-усумҭак неиит. Аиааира игеит абжьеиҳа зауз автор, иагьианашьахеит 50 000 мааҭ.

6