Аслан Бжьаниа Аԥсны аенергетикцәа дрыдныҳәалеит

10
(ирҿыцуп 19:09 22.12.2020)
Атәыла ахада иазгәеиҭеит аусхк аҟны зҟазара ҳараку ауаа шракәу аенергетика аекономика ахәҭа хадақәа иреиуаны иҟазҵаз.

АҞӘА, ԥхынҷкәын 22 - Sputnik. Аԥсны ахада Аслан Бжьаниа аенергетикатә усхк аусуҩцәа рыпрофесстоналтә ныҳәа рыдиныҳәалеит ҳәа аҳәоит ахада исаит.

"Шәыпрофессионализм ҳарак ду, шәусура шәыжәлар рзы аҵак ду аманы ишыҟоу аилкаара, шәхы-шәыԥсы амеигӡара иалдыршоит атәыла аекономика ахырхарҭа хадақәа ируаку аусхк аиқәырхара", - аҳәоит атекст аҿы.

Атәыла ахада иажәақәа рыла иуадаҩуп иахьатәи аамҭазы аенергетикцәа рџьа ахәшьара аҭара.

"Ԥсшьарада, уахи-ҽни, шәара иалшогьы иалымшогьы ҟашәҵоит ҳтәылауаа рыҩнаҭақәа рҿы аԥхарреи алашареи ыҟазаарц. Иҭабуп ҳәа шәасҳәоит", - иҳәеит Бжьаниа.

Атәыла ахада иусдҵа инақәыршәаны аҳаҭыртә хьӡы "Аԥсны Аҳәынҭқарра зҽаԥсазтәыз аенергетик" рыхҵоуп аусхк аусуҩцәа жәпаҩык.

"Аԥсны аенергетикатә усхк аҿиараҿы рлагаламҭазы аҳаҭыртә хьӡы "Аԥсны Аҳәынҭқарра зҽаԥсазтәыз аенергетик" рыхҵазааит: Павел Гамгьиа, Гурам Џьаџьаиа, Нонна Џьопуаԥҳа, Резо Занҭариа, Каспариан Григори, Темур Кациа, Руслан Кәарҷиа, Игор Лабиа, Арутиун Хоџьикиан", - аҳәоит аҳәынҭқарра ахада иусдҵаҿы.

Абҵарамза аахыс Аԥсны аенергетикатә кризис иҭагылоуп. Абҵара 15 рзы атәылаҿы иалагалан аамҭа-аамҭала афымцалашара арцәаразы аграфик. Амза анҵәамҭазы имҩаԥгаз ауснагӡатәқәа иалдыршеит закәаншьаҭада афымцатә ҳақәа рҽаԥшьра азин аҟамҵара.   Уи ф-сааҭк рҟынтәи ԥшь-сааҭк рҟынӡа алашара арцәара, аамҭақәак рышьҭахь ҩ-сааҭк рҟынӡа иларҟәын.

Астанциа маҷ "Аҟәа-1" аҟны амцакра ҟалеит ԥхынҷкәын 5 рзы. Убри иахҟьаны Аҟәа агәи мраҭашәаратәи ахәҭеи, иара убас Иашҭхәа ақыҭеи мышқәак фымцалашарада иаанхеит. Иҟалаз авариа ахҟьаԥҟьақәа раԥыхразы АУН "Амшынеиқәафымцамч" амчқәа зегьы адԥхьалан. Мчыбжьык ашьҭахь, асабша, ԥхынҷкәын 12 рзы астанциа маҷ "Аҟәа-1" аҟны аусура иаларган атрансформаторқәа зегьы.

Мышқәак рышьҭахь апроблема аӡбра аҭан.

Аԥсны аенергетик Имш азгәарҭоит ԥхынҷкәын 22 рзы. 1966 шықәса лаҵара 23 рзы СССР Иреиҳаӡоу апрезидиум адҵала  аенергетик Имш шьақәыргылан, Урыстәыла аелектрофикациазы аҳәынҭқарратә план анрыдыркыла амш ахьӡала (ГОЕЛРО). ГОЕЛРО аплан рыдкылан 1920 шықәса ԥхынҷкәын 22 рзы.

10
Атемақәа:
Аԥсны аенергетика апроблемақәа (195)

Акоронавирустә хҭыс ҿыцқәа шәкы иреиҳани даҽа ҩ-ԥсҭбараки ҟалеит Аԥсны

3
Иҳаҩсыз уахыки-ҽнаки рыла COVID-19 рылоу ирыламу аилкааразы 514-ҩык атестқәа рзыҟаҵан, урҭ рахьтә 109-ҩык акоронавирус рцәа ишалаз аадырԥшит.

АҞӘА, ажьырныҳәа 22 – Sputnik. COVID-19 зцәа иалаз ҩыџьа апациентцәа рыԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Акоронавирустә инфекциа ззышьақәырӷәӷәаз 1938 шықәса рзы ииз ахаҵеи 1953 шықәсазы ииз аԥҳәыси рыԥсҭазаара иалҵит. Адиагноз хада - "акоронавирустә инфекциа ҿыц".

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 127-ҩык, рҭагылазаашьа бааԥсуп 35-ҩык, ибжьаратәуп - 45-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 22-а, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 62-а апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10984-ҩык ыҟоуп, ргәы бзиахеит 8898-ҩык, рыԥсҭазаара иалҵит 156-ҩык.

  • Акоронавирус иазку ажәабжьқәа зегьы шәрыԥхьар ҟалоит абра>>
3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит

12
Аунитартә наплакы "Амшынеиқәафымцамч" Гагратәи аҟәша аиҳабы Аслан Аиба арадио Sputnik аефир аҿы еиҭеиҳәеит иахьатәи аамҭазы араион аҿы фымцалашарала ауаа реиқәыршәаразы аҭагылазаашьа зеиԥшроу атәы.
Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит

"Гагра раион аҭагылазаашьа даара ицәгьоуп. Ари ахьҭақәа иҟаз ирацәаны авариақәа ҟалеит. Иахьа алашара ажәлар ироуртә иҟаҳҵеит. Аҟәа имҩаԥысит аилацәажәара. Урыстәылантәи шаҟа мегаватт ҳауа ҳара инаҳхуеи ҳаинаалом, аԥкрақәа ҳрылагоит. Раионцыԥхьаӡа ишашаны ирырҭеит, шаҟа-шаҟа иԥктәу. Аподстанциа аиҳабы сареи иахьҳарцәо, ишҳарцәо, ишыҟахҵо, уаха иҳаӡбароуп. Амаининг аус аанаҳамкылар, еиҭа ҳаицәахар ҳәа сшәоит", - ҳәа еиҭеиҳәеит Аиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

12